Augnabliks einbeitingarleysi í vörn Þórs/KA svo einfalt er það. Menn geta deilt um réttmæti vítaspyrnudómsins en Arna missti Brennu innfyrir sig og Brenna fór niður og víti dæmt.

Vítaspyrnudómurinn að sjálfsögðu, Mér fannst Guðgeir mögulega full gjafmildur en ég skil hann alveg að dæma víti. Svona atvik sem maður vill aldrei fá á móti sér en verður fúll fái maður ekki víti sjálfur.

Selfoss tyllir sér á toppinn með tíu stig stigi á undan Breiðablik og Val. Þór/KA með sex stig í fimmta sæti.

Perry John James Mclachlan og Jón Stefán Jónsson eiga þennan reit hjá mér. Ekki þó vegna úrslita eða leiksins almennt. En það er martröð fyrir þjálfara að þurfa að gera tvær breytingar vegna meiðsla í fyrri hálfleik. Liðið stóð það vel á sér og átti alveg eins skilið stig úr þessum leik.

Vítadómurinn situr í mér en að öðru leyti dæmdi Guðgeir leikinn bara nokkuð vel. Væri solid 7 ef ég væri viss með vítið.