Mark Marcella Marie Barberic réði úrslitum í jöfnum leik þar sem bæði lið ætluðu sér þrjú stig. Baráttan var til staðar á báðum vígstöðum en það vantaði upp á gæði og áræðni á síðasta þriðjungi heilt yfir.

Sigurmark Marcella Marie Barberic. Marcella skoraði af stuttu færi á lokamínútum leiksins. Hún tók laglega á móti sendingu frá Ólínu Valdimarsdóttur og skoraði markið mikilvæga sem tryggði KR fyrstu stig sumarsins.

Þetta er risasigur fyrir KR sem sækir sín fyrstu stig í sumar. Liðið jafnar Aftureldingu að stigum og lætur um leið vita að það er ekki tímabært að afskrifa KR í deild hinna bestu.

Það bættist enn á meiðslalistann í Mosó þegar hin spræka Jade Gentile þurfti að yfirgefa völlinn vegna meiðsla í fyrri hálfleik. Í stúkunni í Vesturbænum voru að minnsta kosti 8 leikmenn Aftureldingar sem eru frá vegna meiðsla. Vonandi eru meiðsli Jade ekki alvarleg.

Það voru nokkur atriði sem þarf að skoða betur í endursýningu. Það stærsta kom eftir klukkustundarleik. Þá átti Marcella skot að marki og boltinn virtist kominn yfir marklínuna þegar Auður markvörður Aftureldingar skóflaði honum frá marki.