Þetta var hörkuleikur tveggja sterkra liða sem bæði reyndu hvað þau gátu til að sækja sigur. Leikurinn var kaflaskiptur en jafn þegar heilt er á litið. Frammistaða Amber í marki Tindastóls gerði gæfumuninn.

Tindastólsliðið kom svakalega kröftugt til leiks í síðari hálfleik og Hugrún Pálsdóttir var eldsnögg að koma þeim yfir. Markið reyndist sigurmark leiksins.

Tindastólskonur vinna sinn fjórða leik, fara í 12 stig. Eru stigi á eftir toppliði FH og með jafnmörg stig og HK sem á leik til góða. Víkingar eru þar rétt á eftir með 9 stig. Toppbaráttan verður æsispennandi í Lengjudeildinni þetta árið.

Það er ekki hægt að tala um að neinn hafi átt vondan dag nema auðvitað bara Víkingsliðið að því leiti að Víkingum gekk illa að koma boltanum framhjá Amber.

Nokkur atriði hér og þar sem er hægt að skeggræða. Heilt yfir nokkuð gott hjá tríóinu.