Leikurinn var jafn og nokkuð tíðinda lítill, bæði lið náðu að skapa sér ágæt færi en gekk erfiðlega að koma boltanum í netið. Helga Guðrún tók sig svo til og kom boltanum í netið á 65. mínútu með glæsilegu skoti af löngu færi, það var það sem skildi liðin að í dag.

Markið hjá Helgu Guðrúnu á 65. mínútu, stórglæsilegt sem hleypti smá lífi í leikinn.

Fylkiskonur ná í sín fyrstu stig, eru komnar á blað og komast upp úr fallsæti, ofar en Haukar á markatölu. Fjölniskonur eru sitja aftur á móti á botni deildarinnar með eitt stig eftir 6 leiki.

Emily Elizabeth Brett fer af velli með sjúkrabíl á 36. mínútu eftir að hafa lent harkalega á höfðinu eftir tæklingu. Hún veifaði þó áhorfendum á leiðinni út af og vonandi verður hún kominn aftur á völlinn fljótlega.

Þægilegur dagur, lítið um vafa atriði, Fjölnir vildi víti en hann þvertók fyrir það sem ég held að hafi verið hárrrét.