Það hlaut bara að koma að því að KA myndi jafna metin! Fram var tveimur mörkum yfir eftir tvö glæsileg mörk í fyrri hálfleik en KA menn óðu í færum í síðari hálfleik. Ólafur Íshólm varði oft á tíðum mjög vel en KA menn fóru einnig illa með góð færi.

Ólafur Íshólm átti fínan dag í marki Fram en hann gerðist sekur um að brjóta á Ásgeiri Sigurgeirssyni og víti dæmt. Hallgrímur Mar skoraði og kom KA mönnum inn í leikinn.

KA er áfram í 4. sæti og er stigi á eftir Stjörnunni sem gerði jafntefli við Keflavík í kvöld. Fram er stigi á eftir Keflavík í 9. sæti.

KA menn eru klárlega vonsviknir með að fara ekki með öll stigin úr þessum leik! Ótrúlegur fjöldi færa sem fóru forgörðum hér í kvöld. Að sama skapi virtustu Framarar vera með þetta í teskeið en það fór allt í skrúfuna undir lokin.

Þetta var frekar furðulega dæmdur leikur að mínu mati. Línan vægast sagt óskýr. Það voru nokkrar harkalegar tæklingar fannst mér og alveg appelsínugul spjöld að minnasta kosti.