Leikurinn var mjög jafn og alveg ljóst að bæði lið ætluðu sér sigur. Í fyrri hálfleik fengu bæði lið færi til að skora en alltaf náði einhver varnarmaður að koma sér fyrir á síðustu stundu. Frábær sókn HK sem Örvar Eggerts batt enda á færði HK sigurinn. Eftir það náðu heimamenn ekki að skapa nógu hættuleg færi.

Arnþór Ari bjargaði HK frá því að fá mark á sig á 18.mínútu leiksins með að hlaupa á bak við Arnar Frey markmann HK sem reyndi að loka á Mathias Laursen.

Úrslitin þýða að liðin eru jöfn að stigum en HK á leik til góða svo það hlítur að vera enn meira svekkjandi fyrir Fylki að tapa leiknum. Eftir tap Selfoss í kvöld er ljóst að HK getur með þeim leik sem þeir eiga inni jafnað þá að stigum.

Aðalbjörn sleppti mikið af augljósum brotum. Reyndar gerir það leikinn skemmtilegri. Það er þó sennilega pirrandi fyrir leikmenn beggja liða sem báðu oftar en ekki um aukaspyrnu án þess að fá neitt. Stórt atvik átti sér stað þegar Valgeir Valgeirs braut af sér á gulu þegar það voru um 15 mínútur eftir. Hann átti skilið brottrekstur þar.