Hvorugt liðið náði almennilega tökum á leiknum. Það leit út nokkrum sinnum út fyrir að Fjölnir var að fara skora eða að minnsta kosti ná betri tökum á leiknum en það vantaði herslu muninn, það kom heldur betur í bakið á þeim. Leikurinn var svolítið fram og til baka. Heimamenn áttu nokkrar góðar sóknir, og hefðu getað fengið fleiri víti. Allt kom fyrir ekki og það voru Vestramenn sem skoruðu sigur markið. Eftir að hafa náð að setja pressu á Fjölnismenn með hornspyrnum í lok leiks.

Sigurmark Martin Montipo sem kom í uppbótartíma. Markið gefur Vestra mjög mikið upp á framhaldið að gera.

Þetta gefur Vestra meiri trú í komandi leikjum, það hlítur að vera. Fyrir Fjölnismenn er þetta án efa högg. Þeir vilja eflaust rífa sig upp eftir þetta tap og koma til baka í komandi leikjum.

Einar Ingi hefur sennilega átt betri daga. Heilt yfir var hann mikið í því að dæma ekki á augljós brot. Oftar en ekki kom svipað brot í kjölfarið sem hann flautaði á. Þetta skapaði pirring hjá leikmönnum beggja liða. Síðan voru nokkrar mögulegar vítaspyrnur sem þarf að skoða betur.