Stjarnan mættu betri til leiks í seinni hálfleik og kláruðu leikinn. ÍBV gaf fá færi á sér í fyrri hálfleik og hefðu hæglega getað verið búnar að skora. Úlfa Dís kom Stjörnunni yfir skömmu fyrir leikhlé með langskoti og eftir það tók Stjarnan yfir. ÍBV náði aldrei að koma sér inn í leikinn í seinni hálfleik.

Fyrsta mark Stjörnunnar undir lok fyrri hálfleiks þegar Úlfa Dís braut ísinn og negldi á markið úr löngu færi, eftir að Stjarnan hafði átt mjög erfitt með að opna vörn ÍBV og koma sér í góðar stöður í fyrri hálfleiknum. Þetta kom svolítið upp úr þurru, ÍBV voru búnar að vera líklegri til að skora fram að þessu og þetta var blaut tuska í andlitið svona rétt fyrir hálfleikinn.

Stjarnan kemur sér með sigrinum upp fyrir ÍBV í töflunni og er í 3. sætinu núna þegar deildin er farin í langt hlé vegna þáttöku Íslands á EM. ÍBV er í 4. sæti, tveimur stigum á eftir Stjörnunni.

Varnarleikur ÍBV sem hefur verið frábær í sumar var ekkert spes í seinni hálfleiknum. Lavinia í marki ÍBV er sennilega ekki sátt að fá á sig 4 mörk heldur.

Nokkuð vel dæmdur leikur. Einhver atriði sem bæði lið hefðu viljað fá dæmd öðruvísi en engin risa atriði.