Þrátt fyrir mikinn gæðamun á liðunum þá var þetta erfið fæðing hjá Víkingum. Inter Escaldes fékk betri færi í fyrri hálfleiknum. Íslandsmeistararnir náðu að koma inn markinu sem þurfti og markmiðið náðist, þó frammistaðan hafi verið slök.

Ahmed Belhadji skallaði framhjá, aleinn í dauðafæri, í fyrri hálfleik. Hefði getað komið Inter yfir í leiknum. Það hefði farið um marga á heimavelli hamingjunnar þá.

Víkingar eru í komandi mánuði að fara í tveggja leikja einvígi við sænska stórliðið Malmö í 1. umferð forkeppni Meistaradeildar Evrópu. Safaríkur leikur og skiljanlega er blásið til hópferðar.

Á löngum köflum var þetta hægt, hugmyndasnautt og hreinlega afskaplega lélegt hjá Víkingum. Flestir bjuggust við því að Víkingar yrðu búnir að klára verkefnið fyrir hálfleik en sú var svo sannarlega ekki raunin.

Lala frammistaða. Var mikið fyrir að giska á hvaða lið ætti boltann í hornspyrnum og innköstum og giskaði oft á tíðum rangt.