Einstaklingsgæði hjá Tiago og Óla Íshólm var klárlega stór hluti af því að Framarar fengu stig í kvöld svo vantaði aðeins upp á gæðin á síðasta þriðjung hjá Stjörnunni þar sem þeir komust oft í góðar stöður en góð skemmtun í Úlfarsárdal. Framarar svekktir að fá á sig mark eftir horn í lokin og Stjarnan að gera ekki betur sóknarlega.

Frábær varsla Halla Björns snemma í síðari hálfleik í stöðunni 2-1 fyrir Fram, mark þarna og staðan 3-1 fyrir Fram hefði alltaf gert út um leikinn. Snöggur niður og náði að setja fingurgómana í boltann og verja í horn.

Framarar eru í 8. sæti með 18 stig meðan að Stjörnumenn eru í 4.sæti, aðeins tveimur stigum á eftir KA sem eru í 3. sæti.

Fannst rosa lítið sjást til Daníel Finns í kvöld, kom sér ekki alveg nógu mikið inn í leikinn. Hefði viljað sjá meira frá Danna í kvöld og er að bíða eftir að hann setji sitt mark á tímabilið eftir að hafa gengið til liðs við Garðbæinga í sumar frá Leikni.

Virkilega vel dæmdur leikur hjá Pétri og hans aðstoðarmönnum, var með góð tök og leiknum og með alla dóma á hreinu að mér sýndist.