Léleg dekkning Kórdrengja í mörkunum skildi á milli í dag. Fyrir utan það var varnarleikur Kórdrengja þéttur og þeir gáfu fá færi á sér. Gestirnir hefðu eflaust viljað nýta yfirburði sína úti á vellinum betur.

Kórdrengir urðu fyrir áfalli snemma leiks þegar Bruno skoraði eftir aðeins 4.mínútur.

HK færist nær Bestu deildinni með sigrinum í dag. Kórdrengir voru hvorki að fara berjast á toppnum né í hættu á að falla svo staða þeirra er ekki mikið breytt eftir leikinn.

Rúni Olsen virtist ekki vera alveg tilbúinn í verkefnið í dag. Leikmenn beggja liða og þjálfarar voru ósáttir frá upphafi til enda.

Rúni Olsen dæmdi leikinn illa. Margar skrýtnar ákvarðanir bæði varðandi brot og svo hefði hann getað spjaldað mikið oftar.