Frábær leikur þar sem að sigurinn gat dottið hvoru megin sem var. Skot Birnis Inga hafði líklega smá viðkomu í varnarmann, en ef eitthvað er að þá færði það boltann nær Jajalo í markinu. Það eru svona augnablik sem að geta hreinlega skipt sköpum þegar talið verður uppúr pokanum í október.

Sigurmarkið. Maður fann það á sér að það væri á leiðinni, en hvoru megin það myndi detta var engan veginn víst. Víkingar ná að særa hjörtu KA manna annað skiptið í röð með marki á lokamínútum leiksins.

Víkingur er nú í 3. sæti deildarinnar og er stigi á eftir KA sem að sitja í 2. sæti. Þeir eiga þó leik til góða og geta með sigri komist upp fyrir þá gulklæddu. Nú vonast bæði lið eftir því að Leiknismenn stríði Blikum á Kópavogsvelli.

Kristijan Jajalo hefði líklega átt að verja skot Birnis í lokin. Átti ekki slakan dag heilt yfir, en þetta mark mun naga hann og KA menn að innan.

Skil ekki aukaspyrnudóminn þegar að Sveinn Margeir skoraði. Fannst Erlendur ekki hafa neitt sérstök tök á leiknum í dag.