Fylkir var mun betri aðilinn í dag þegar þeir unnu 4-0 sigur. Fyrirfram mátti búast við þægilegum heimasigri, sem kom svo sannarlega á daginn. Appelsínugulklæddir Árbæingar áttu ekki í neinum vandræðum í dag og hefðu getað unnið stærri sigur. Þróttur Vogum kom til að spila upp á stoltið og ekkert annað. Fylkir aftur á móti gat tryggt sér Lengjudeildartitilinn, það var í raun formsatriði hvort þeir myndu gera það og bar leikurinn þess merki. Fylkir lét boltann ganga og Þróttarar reyndu að koma í veg fyrir markaflóð.

Nikola Dejan Djuric fékk óþarfa rautt spjald þegar nóg var eftir af leiknum. Það gerði Þrótturum erfiðara fyrir að verjast 10 á móti 11. Rauða spjaldið fékk hann sparkaði fyrir að sparka með sólanum í Orra Stefán.

Fylkir er orðið Lengjudeildarmeistari árið 2022. Leikurinn skipti engu máli fyrir Þrótt Vogum, vegna þess að þeir voru nú þegar fallnir úr deildinni.

Pétur Guðmundsson var fínn í dag. Ekkert sérstaklega erfiður leikur að dæma