Sú staðreynd að Þór/KA varð fyrra til að skora í dag réði eflaust miklu um úrslit leiksins. Hvorugt lið gefið færi á sér þannig séð þegar Keflavík gerðist gjafmilt og gaf gestunum mark undir lok fyrri hálfleiks. Gestirnir létu kné fylgja kviði og gerðu annað skömmu síðar og róðurinn bara of þungur fyrir heimakonur eftir það.

Fyrsta markið sem Silvia Leonessi færir liði Þórs/KA. Vonlaus sending til baka sem Samantha var aldrei að fara verða fyrri til í sem Margrét gerði vel í að búa til mark úr.

Þór/KA fer uppfyrir Keflavík í 7,sæti deildarinnar og er með 17 stig. Keflavík sæti neðar með 16 en bæði lið í ágætum málum eins og er. Gæti breyst ef svo færi að Afturelding vinni Breiðablik.

Silvia Leonessi var í miklu brasi í dag. tapaði boltanum á hættulegum stöðum og átti þessa skelfilegu sendingu til baka sem fyrsta markið kom úr. Leið alls ekki vel í rokinu í Keflavík í dag.

Mér fannst Arnar ekki eiga sinn besta dag á flautunni. Flautaði á eitt sem hann sleppti svo næst og ýmislegt í þeim dúr og virkaði hreinlega eins og hann væri eitthvað illa fyrirkallaður í dag. Mark Keflavíkur eins og ég sé það átti ekki að standa, í það minnsta miðað við það fordæmi sem sett var í leik Keflavíkur og Víkinga á dögunum í Bestu deild karla en það má svo sem deila þá um hvor dómurinn er réttur.