Stefán Marteinn Ólafsson @Stefanmarteinn7

Textalýsing Skýrslan Viðtöl

Hvað réði úrslitum? Liðin voru mjög jöfn heilt yfir. Víkingar voru klínískari í fyrri hálfleik á meðan KR var það í síðari hálfleik. Mikill barningur og barátta í þessum leik og sennilega þegar öllu er á botnin hvolft þá er jafntefli bara sanngjörn úrslit. Víkingar mega þó vera svekktir að hafa ekki haldið í tveggja marka forustu í fyrri hálfleik en á sama tíma allt kredit til KR að hafa mætt svona vel gíraðir í síðari hálfleik þegar það hefði verið auðvelt að missa hausinn. Bestu leikmenn 1. Aron Elís Þrándarson Var stórkostlegur sérstaklega í fyrri hálfleiknum og skoraði gott mark og var áberandi á báðum endum vallarins en dró svolítið af honum þegar líða tók á leikinn. 2. Kristinn Jónsson Hefði veriðí Vondur dagur ef flautað hefði verið til leiks í hálfleik eftir mistök sem leiddu að marki en stórkostleg endurkoma í síðari hálfleik þar sem hann lagði upp og skoraði og bætti heldur betur upp fyrir slæman fyrri hálfleik. Atvikið Danijel Djuric fékk sennilega besta færi leiksins þegar hann gat komið Víkingum í 3-1 sem hefði sennilega farið með þetta alla leið fyrir þá. Einnig hægt að nefna undir lokinn þegar KR eru að sleppa í gegn og Ingvar Jóns mætir út á móti Kennie Chopart og tæklar hann en fannst hann þó fara í boltann á undan.

Hvað þýða úrslitin? Víkingar eru ekki tölfræðilega orðnir Íslandsmeistarar en Valur getur bara jafnað þá af stigum en markatala Víkinga er mun betri. KR sækir gott stig í sinni baráttu um Evrópusæti. Vondur dagur Ætla að fara aðra leið að þessu í vondum degi og nefna að þetta hafi ekki alveg verið dagurinn hans Ara Sigurpáls í dag en hann fór mjög svekkjandi meiddur af velli í fyrri hálfleik. Annars er ekki hægt að taka neinn fyrir í þessum dálki í kvöld. Dómarinn - 7 Mér fannst Erlendur vera bara nokkuð solid í þessum leik. Það var hiti í leiknum en mér fannst hann ekkert missa tökin. Spurning með þetta Ingvar Jóns á móti Kennie Chopart atriði en mér fannst Ingvar á undan í boltann svo mér fannst það réttur dómur þó KR-ingar séu kannski ekki sammála þar.