Haraldur Örn Haraldsson @haraldur_orn

- Meðalaldur 30 ár

- Meðalaldur 26 ár

Hvað réði úrslitum? Víkingar byrjuðu leikinn af svakalegum krafti, og ég hélt að þeir ætluðu bara að klára leikinn á fyrstu mínútunum. Þessi kafli skilaði hins vegar bara einu marki og FH-ingar náðu að koma sér betur inn í leikinn. Seinni hálfleikurinn var síðan aðeins rólegri, og töluvert af stoppum. Víkingarnir sýndu þá styrk sinn að ná að hamra loka naglann í kistuna og skoruðu til að gulltryggja þetta á 84. mínútu. Bestu leikmenn 1. Gylfi Þór Sigurðsson (Víkingur) Gylfi var gamla bands Gylfi í kvöld. Alveg magnaður á miðjunni, og í sumum hlaupum sem hann tók var eins og hann væri 10 árum yngri en hann er. 2. Helgi Guðjónsson (Víkingur) Eins og rennilás upp og niður vinstri kantinn, endalaus vél á manninum og svo er hann ekkert búinn að gleyma því hvernig á að skora mörk þó hann sé að spila í vinstri bakverði. Frábær skalli sem kláraði þetta fyrir Víkinga. Atvikið Á 29. mínútu er Sigurður Bjartur Hallsson tekinn niður inn í teig og hann á að fá víti. Elías hins vegar dæmir ekkert, það voru mistök af mínu mati, en staðan var 1-0 á þeim tíma.

Hvað þýða úrslitin? Víkingar eru Íslandsmeistarar 2025. FH getur ekki farið ofar en 5. sæti sem þeir eru í núna. Vondur dagur Uppspil FH-inga frá öftustu línu var oft á tíðum alveg hrikalega slakt. Þeir misstu boltann trekk í trekk á eigin vallarhelmingi, og sá sem gerði það oftast var Tómas Orri Róbertsson. Ekki góður leikur hjá þessum unga miðjumanni sem gaf full mörg færi, þó hann hafi vissulega ekki verið einn í því að gefa færi, þá gerði það hann mest. Dómarinn - 5 Heilt á litið var leikurinn vel dæmdur, fyrst í 70 mínútur af Elíasi Inga og síðustu 20 af Helga Mikael. Vítaspyrnudómurinn sem Elías sleppir er hins vegar bara svo stórt atriði, og svo augljóst (að mér finnst) að mínusinn er frekar mikill fyrir að sleppa því.

- Meðalaldur 25 ár

- Meðalaldur 25 ár