Grindavík
3
2
ÍA
0-1 Þórður Þorsteinn Þórðarson '51
Andri Rúnar Bjarnason '64 , víti 1-1
1-2 Garðar Gunnlaugsson '68
Andri Rúnar Bjarnason '80 , víti 2-2
Juanma Ortiz '84 3-2
Juanma Ortiz '90
14.08.2017  -  18:00
Grindavíkurvöllur
Pepsi-deild karla 2017
Dómari: Þóroddur Hjaltalín
Áhorfendur: 644
Maður leiksins: Juanma Ortiz
Byrjunarlið:
12. Kristijan Jajalo (m)
6. Sam Hewson
7. Will Daniels ('81)
8. Gunnar Þorsteinsson (f)
9. Matthías Örn Friðriksson
16. Milos Zeravica ('89)
22. René Joensen
24. Björn Berg Bryde
25. Aron Freyr Róbertsson ('69)
80. Alexander Veigar Þórarinsson
99. Andri Rúnar Bjarnason

Varamenn:
3. Gylfi Örn Á Öfjörð
3. Edu Cruz ('89)
11. Juanma Ortiz ('69)
17. Magnús Björgvinsson
19. Simon Smidt ('81)
23. Brynjar Ásgeir Guðmundsson

Liðsstjórn:
Óli Stefán Flóventsson (Þ)
Maciej Majewski
Milan Stefán Jankovic
Arnar Már Ólafsson
Guðmundur Ingi Guðmundsson
Sigurvin Ingi Árnason
Eiríkur Leifsson
Þorsteinn Magnússon

Gul spjöld:
Sam Hewson ('56)
Milos Zeravica ('82)

Rauð spjöld:
Juanma Ortiz ('90)
Leik lokið!
90+6 ÞÓRODDUR FLAUTAR LEIKINN AF OG GRINDVÍKINGAR SIGRA Í ÓTRÚLEGUM LEIK! Þvílíkur leikur! Skagamenn eru ekki sáttir hérna í leikslok! Taphrinu Grindvíkinga er lokið en Skagamenn eru komnir í vonda stöðu!
90. mín
90+5 Nei það er hátt yfir hjá Garðari! Og þá meina ég hátt yfir!
90. mín
90+4 AUKSPYRNA Á STÓRHÆTTULEGUM STAÐ HJÁ ÍA! Nær Garðar að skora aftur?? Þetta er einum metra framar en fyrri spyrnan!
90. mín
90+2 Erum komin tvær mínútur í uppbótartíma. Ná Skagamenn í stigið hérna í Grindavík?
90. mín Rautt spjald: Juanma Ortiz (Grindavík)
Rautt spjald á Juanma! Þvílíkur umskipting á leiknum hjá honum. Missti af fyrra spjaldinu en hann fór víst úr treyjunni þegar hann skoraði. Svo braut hann á Árna Snæ á miðjum vellinum og fékk spjald fyrir það. Já hann braut á ÁRNA SNÆ Á MIÐJUM VELLINUM. Maður er markvörður!
90. mín
Önnur hornspyrna til ÍA
89. mín
Inn:Patryk Stefanski (ÍA) Út:Ólafur Valur Valdimarsson (ÍA)
Líka skipting hjá Skagamönnum og skömmu síðar fá þeir hornspyrnu
89. mín
Inn:Edu Cruz (Grindavík) Út:Milos Zeravica (Grindavík)
Varnarsinnuð skipting hjá Grindavík
86. mín
Juanma er búinn að vera feykilega öflugur síðan hann kom inn á! Fiskar víti og skorar mark!
84. mín MARK!
Juanma Ortiz (Grindavík)
Stoðsending: Simon Smidt
GRINDAVÍK ER KOMIÐ YFIR!! Þvílíkur leikur! Simon Smidt lék sér að Hafþóri og sendi boltann fyrir og þar kom Juanma eins og eldflaug framfyrir varnarmenn ÍA og potar honum í markið! 3-2 fyrir heimamenn! Beggi vallarstjóri er farinn að stíga létt dansspor!
82. mín Gult spjald: Milos Zeravica (Grindavík)
Gult spjald á Milos. Sá ekki alveg hvað gerðist en mér sýndist þetta vera fyrir kjaftbrúk
81. mín
Þvílíkur leikur sem við erum að fá hérna! Ég held sveimér þá að þetta hafi verið réttur dómur þarna! Þetta var samt minna víti en fyrra vítið ef svo er hægt að orða það
81. mín
Inn:Simon Smidt (Grindavík) Út:Will Daniels (Grindavík)
Önnur skipting hjá Grindavík
80. mín Mark úr víti!
Andri Rúnar Bjarnason (Grindavík)
ANDRI SKORAR AFTUR EN ÞARNA VAR ÁRNI SNÆR NÁLÆGT ÞESSU! Er með fingurnar í boltanum en blakar honum í stöngina og inn!
78. mín
ÞÓRODDUR ER AÐ DÆMA ANNAÐ VÍTI TIL GRINDAVÍKUR!! Finnst þetta vera rétt! Ýtt Juanma sem dettur. Þóroddur var lengi að dæma og á endanum sýnist mér það vera aðstoðardómarinn sem dæmir!
77. mín
Mikill sóknarþungi hjá heimamönnum þessa stundina
76. mín
Daniels með frábæra sendingu fyrir markið en enginn sóknarmaður hjá Grindavík vakandi
75. mín
BJARGAÐ Á LÍNU! Juanma gerir virkilega vel og skýtur á markið en þar var Hafþór réttur maður á réttum stað og bjargaði sínum mönnum fyrir horn
74. mín
Inn:Albert Hafsteinsson (ÍA) Út:Þórður Þorsteinn Þórðarson (ÍA)
ÞÞÞ kemur útaf í stað Alberts.
73. mín
Alexander fær boltann aftur úr horninu og skýtur á vítateigshorninu en boltinn vel yfir
73. mín
Hornspyrna til Grindavíkur. Þeir eru að sækja töluvert síðustu mínúturnar
72. mín
Það er stórskemmtilegur leikur í gangi hérna í Grindavík! Fullt af færum og mikil spenna!
71. mín
ÞÞÞ með gott skot en beint Jajalo
70. mín
HVAÐ VAR ÞETTA?! Juanma í DAUÐAFÆRI, einn og óvaldaður inn í teig hjá ÍA en hann ákveður að klippa boltann og fer hann framhjá! Afhverju gerði hann þetta ekki auðvelt og skallaði hann bara í netið!
70. mín
Hornspyrna til Grindavíkur
69. mín
Inn:Juanma Ortiz (Grindavík) Út:Aron Freyr Róbertsson (Grindavík)
Sóknarsinnuð skipting hjá Grindavík. Þeir ætla ekki að tapa þessum leik!
68. mín MARK!
Garðar Gunnlaugsson (ÍA)
GARÐAR GUNNLAUGSSON SKORAR BEINT ÚR AUKASPYRNUNNI! Þetta var virkilega vel gert hjá þessum mikla markahrók!
67. mín
ÍA fær aukaspyrnu á STÓRHÆTTULEGUM stað! Rétt fyrir utan vítateig!
66. mín
Steinar nálægt því að pota boltanum inn en Matthías hreinsar í horn. Það er heldur betur líf í þessum leik!
65. mín
Sá ekki hver braut á Alexanderi en þetta var hárréttur dómur!

ÞÞÞ orðinn mjög pirraður og ótrúlegt að hann sé ekki kominn með spjald í leiknum
64. mín Mark úr víti!
Andri Rúnar Bjarnason (Grindavík)
Andri Rúnar skorar af miklu öryggi! Þrettánda mark hans í sumar! Það er jafnt hérna í Grindavík!
63. mín
VÍTASPYRNA TIL GRINDAVÍKUR! HÁRRÉTTUR DÓMUR! BROTIÐ Á ALEXANDERI. Að sjálfsögðu er það Andri Rúnar sem stígur á punktinn!
60. mín
Alexander með góðan sprett upp vinstri kantinn. Hafþór braut á honum hvað eftir annað en það var svo Alexander sem lék illa á Hafþór með flottum skærum. Sá hlær best sem síðast hlær sagðin einhver einhverntímann
56. mín Gult spjald: Sam Hewson (Grindavík)
Fyrsta spjald heimamanna. Hewson stoppar sókn Skagamanna
54. mín
Andri Rúnar kemst einn í gegn en dæmdur rangstæður. Ég held að þetta mark hjá ÞÞÞ verði ekki það eina í þessum leik!
51. mín MARK!
Þórður Þorsteinn Þórðarson (ÍA)
SKAGAMENN ERU KOMNIR YFIR! Eftir töluvert klafs við vítateigslínuna hjá Grindavík fær ÞÞÞ boltann og snýr vel á varnarmenn Grindavíkur og á lúmskt skot í vinstra hornið. Virkilega vel klárað, alveg upp við stöng! Skagamenn að byrja seinni hálfleikinn vel! Grindavík getur hins vegar sjálfum sér kennt, þeir hefðu auðveldlega getað hreinsað þennan bolta í burtu!
49. mín
ÞÞÞ tók hornspyrnu sem Skagamenn fengu. Ég held svei mér þá að hann hafi reynt að skora þarna. Ágætis tilruan meira að segja. En það var brotið á Jajalo þegar hann sló hann í burtu
48. mín
Inn:Hafþór Pétursson (ÍA) Út:Hallur Flosason (ÍA)
Hafþór kemur inn á í stað Halls
48. mín
Alexander brýtur á Halli og liggur hann eftir og ÞÞÞ biður um skiptingu fyrir hann
46. mín
Andri Rúnar með skot af miðjuboganum. Árni Snær stóð á vítateigslínunni. Skotið hins vegar ekki gott hjá Andra. Hefði þetta verið betra skot og á markið þá hefði þessi líklega legið inni!
46. mín
Leikur hafinn
Jæja þá er þetta byrjað aftur! Vonandi koma nú mörk í leikinn. Beggi vallarstjóri spáði bara einu marki, það verður þá að duga ef hann mun hafa rétt fyrir sér
45. mín
Það er stemmning í Grindavíkinni


45. mín
Hálfleikur
Þóroddur flautar til hálfleiks. Skemmtilegum fyrri hálfleik lokið en hins vegar ekkert mark sem er reyndar ótrúlegt! Grindavík búið að fá tvö DAUÐAFÆRI í þessum leik og ÍA eitt. Jafn leikur til að byrja með en þegar líða tók á hálfleikinn tóku Grindvíkingar við sér og voru sterkari aðilinn síðasta korterið eða svo
45. mín
Hallur reynir að skokka þetta úr sér en er enn haltur
45. mín
Erum komin í uppbótartíma hérna. Hallur liggur eftir. Virðist hafa misstigið sig. Liggur við endalínuna og skríður útaf
44. mín
ANNAÐ DAUÐAFÆRI HJÁ GRINDAVÍK! ÞESSI HEFÐI MEIRA AÐ SEGJA FREKAR ÁTT AÐ LIGGJA INNI EN ÞAÐ FYRRA! Árni Snær í algjöru skógarhlaupi og Milos reynir að lyfta boltanum yfir hann en vörn ÍA stóð vaktina og skallaði í burtu. Alexander náði frákastinu og renndi honum á Joensen sem var aleinn á vítapunktinum og þurfti ekki að gera mikið til þess að renna boltanum í markið en arfaslakt skot hans fór framhjá! Grindavík ætti að vera komið yfir hérna!
42. mín
Færeyski landsliðsmaðurinn, Rene Joensen hefur heillað mig hérna í fyrri hálfleik hjá Grindavík. Mikill kraftur í honum
41. mín
Joensen komst svo í fínt færi nokkrum sekúndum síðar en var í litlu jafnvægi þegar skotið kom. Grindvíkingar sterkari síðustu mínúturnar!
40. mín
ÞVÍLÍKT DAUÐAFÆRI HJÁ GRINDAVÍK! HVERNIG FÓR HANN EKKI INN?! Andri Rúnar og Alexander með GEGGJAÐ samspil og Alexander kemst einn í gegn en Árni Snær nær að verja. Alexander fær boltann svo aftur en skotið rétt framhjá! Þetta var dauðafæri!
38. mín
Matthías heldur litlu jafnvægði en mér sýnist hann ætla að fara inn á. Arnar þurfti að skipta um treyju vegna blóðsins. Þeir koma báðir inn á
35. mín
Fín spyrna hjá ÞÞÞ en Jajalo kýlir boltann í burtu. Skagamenn vinna boltann og senda hann fyrir þar sem Arnar Már og Matthías skalla saman höfðum sínum og liggja báðir eftir. ÞÞÞ fékk boltann í góðu skotfæri en Þóroddur stöðvar leikinn vegna höfuðmeiðslanna. Sýnist Matthías vera svolítið vankaður og það er búið að vefja höfuð Arnars.
34. mín
Stuðningsmenn beggja lið vilja fá boltann í markið. Vonandi kemur markið bráðlega. Þrátt fyrir markaleysið hefur þetta verið skemmtilegur leikur.

Skagamenn að fá aukaspyrnu við vítateigshornið. Getur skapast hætta úr því
33. mín
Góð sókn hjá Grindavík! Joensen vinnur boltann á miðjunni og sendir hann á Milos sem rennir honum til baka á Alexander sem neglir á markið. Fer í varnarmann ÍA og í horn.

Það kom svo ekkert úr hornspyrnunni hjá heimamönnum.
29. mín Gult spjald: Garðar Gunnlaugsson (ÍA)
Aj þetta var ljótur árekstur! Kemur langur bolti frá ÍA og Jajalo kemur út í boltann. Garðar virðist ekki vita af honum og fer mjög hátt með löppina, beint í Jajalo sem rúllaði í þónokkuð marga hringi. Garðar fær gult spjald að launum. Alveg hægt að réttlæta það. Einhverjir stuðningsmenn Grindavíkur vildu sjá rautt. Það hefði hins vegar verið alltof harður dómur. En Jajalo er staðinn upp, sem og Garðar, sem meiddist eitthvað lítillega við þennan árekstur
28. mín
Hewson með fínt skot fyrir utan teig en það var ekki nógu kraftmikið og Árni átti ekki í miklum erfiðleikum með það. Skagamenn sækja hratt upp völlinn og Garðar nálægt því að komast í gott færi en Matthías gerði vel í vörninni hjá Grindavík
27. mín
Völlurinn mjög blautur hérna í Grindavík. Leikmenn eiga í svolitlum vandræðum með það
25. mín
Þetta var furðulegt. Kemur langur bolti frá Alexanderi yfir á hægri kantinn til Milos. Árni Snær kom í úthlaupið en boltinn var fyrir utan teig. Milos virðist ná til boltans en Árni fellur og aukaspyrna dæmd. Fannst þetta ekkert mikið en Árni meiddi sig eitthvað í ökklanum að því virðist. Virðist ekki alvarlegt því hann spyrnir bara aukaspyrnunni sjálfur
24. mín
Ólafur fer auðveldlega framhjá Aroni Frey sem endar með því að Joensen brýtur á honum. Aukaspyrna til ÍA sem þeim tekst ekki að nýta sér. Beint á Jajalo
23. mín
Aron Freyr hefur verið svoldið misstækur í kvöld í hægri vængbakvarðarstöðunni hjá Grindavík. Búinn að missa boltann auðveldlega nokkrum sinnum
21. mín
ÞÞÞ með skottilraun frá miðjuboganum. Skil ekki þessa tilraun hjá honum. Jajalo stóð á markteigslínunni, en hey, tilraun er tilraun
19. mín
Jæja ég jinx-aði mig líklega þarna. Leikurinn aðeins dottið niður síðustu mínúturnar
14. mín
Leikurinn byrjar bara nokkuð fjörlega hérna! Bæði lið að sækja og skemmtilegheit
12. mín
DAUÐAFÆRI HJÁ ÍA!! Hvernig náðu Skagamenn ekki að komast yfir þarna? Boltinn dettur einhvernveginn inn fyrir vörn Grindavíkur og var Steinar nálægt því að pota boltanum framhjá Jajalo en þvílík markvarsla hjá þeim bosníska! Boltinn fór til ÞÞÞ sem var einn á móti marki nánast en innanfótarskot hans fór framhjá!
12. mín
Þarna var Andri Rúnar nálægt! Alexander með frábæra sendingu innfyrir vörn Skagamanna en þeir ná rétt svo að bjarga í horn!
10. mín
Gítarinn að gera frábæra hluti! Mikið líf í stuðningsmönnum Grindavíkur núna
9. mín
ÞÞÞ með misheppnað skot sem fer langt framhjá
7. mín
Joensen með flotta fyrirgjöf inn í teiginn en hún var aðeins of há fyrir Andra Rúnar
6. mín
Gaman að segja frá því að Sigurbjörn Dagbjartsson, gítarleikarinn á úrslitaleik ÍBV og FH í Borgunarbikarnum síðastliðna helgi er harður Grindvíkingur og að sjálfsögðu er hann mættur með gítarinn aftur!
4. mín
Gunnar Þorsteinsson spilar í þriggja manna varnarlínu Grindavíkur, en ekki á miðjunni líkt og hann hefur gert í sumar. Hewson, Joensen og Milos eru á miðjunni hjá Grindavík í kvöld
2. mín
Arnar Már með flotta sendingu fram völlinn á Garðar sem rennur til í vítateignum. Hann var þó ekki að fiska neitt og áfram hélt leikurinn
1. mín
Leikur hafinn
Þetta er byrjað! ÍA byrjar með boltann og sækir að sjónum. Garðar ekki lengi að brjóta á Birni. Fyrir áhugasama spáði Beggi vallarstjóri því að leikurinn færi 1-0. Hann vildi ekki gefa upp hvort liðið myndi vinna. Það verður að hafa spennu í þessu!
Fyrir leik
Liðin ganga út úr búningsklefum og inn á miðjan völlinn undir fögrum tónum úr Game of Thrones. Vonandi fáum við flottan leik!
Fyrir leik
Þetta fer allt að styttast hérna í Grindavík
Fyrir leik
Það verður að segjast að aðstæður hér í Grindavík til fótboltaiðkunar eru nánast fullkomnar. Það er næst því að vera logn og nokkuð hlýtt. Svo er einnig smá rigning, sem gerir þetta bara enn betra
Fyrir leik
Guðlaugur Baldursson, þjálfari Keflavíkur, spáir í leiki umferðarinnar.

Grindavík 2 - 2 ÍA (18:00 í kvöld)
Athyglisverður leikur þar sem bæði lið munu skilja allt eftir á vellinum. Það verður boðið upp á fjögur mörk sem liðin skipta jafnt á milli sín.
Magnús Már Einarsson
Fyrir leik
Mér er í fersku minni leikur liðanna í Coca Cola bikarnum árið 2000. Leikið var á gamla aðalvellinum í Grindavík, norðanmeginn við núverandi aðalvöll Grindavíkur.

Eftir venjulegan leiktíma var jafnt, 1-1. Mark Grindavíkur skoraði Róbert Ólafur Sigurðsson en mark Skagamanna skoraði Sigurður Jónsson.

Eftir markalausa framlengingu var gripið til vítaspyrnukeppni. Milan Stefán Jankovic, þáverandi þjálfari Grindavíkur hafði fengið rautt spjald í venjulegum leiktíma, sem og Kári Steinn Reynisson, leikmaður ÍA.

ÍA vann leikinn í vítaspyrnukeppni, 4-2 og endaði uppi sem bikarmeistari. Undirritaður var aðeins sjö ára gamall, en þetta er einn af fáum leikjunum sem undirritaður man eftir sem leikinn var á gamla aðalvellinum, sælla minninga
Fyrir leik
Liðin hafa mæst þónokkuð oft í gegnum tíðina en þetta er 47. leikur liðanna. ÍA hefur yfirhöndina í innbyrðisviðureignum en þeir hafa unnið 24 leiki á móti 15 sigurleikjum Grindvíkinga. Sjö sinnum hafa leikar staðið jafnt.
Fyrir leik
Fyrri leikur liðanna var mikil skemmtun og var mikið um færi. Svo fór að Grindvíkingar unnu leikinn, 3-2 eftir að markahrókurinn Andri Rúnar Bjarnason skoraði þrennu fyrir Grindvíkinga. Steinar Þorsteinsson og önnur markamaskína, Garðar Gunnlaugsson skoruðu mörk ÍA.
Fyrir leik
Þrátt fyrir fjóra tapleiki í röð sitja Grindvíkingar í fimmta sæti Pepsi-deildarinnar og geta með sigri komist upp í 4. sætið.

Skagamenn aftur á móti eru ekkert í frábærri stöðu. Sigur í kvöld lyftir þeim aðeins upp í 11. sætið en sex stig eru í öruggt sæti
Fyrir leik
Þetta er gríðarlega mikilvægur leikur fyrir bæði lið. Bæði lið hafa þurft að bíða lengi eftir sigri. Síðasti sigurleikur ÍA kom þann 19. júní en Grindvíkingar unnu síðast 9. júlí
Fyrir leik
Komið sæl og verið velkominn í textalýsingu frá Grindavíkurvelli þar sem heimamenn taka á móti botnliði ÍA.
Byrjunarlið:
12. Árni Snær Ólafsson (m)
Arnar Már Guðjónsson
Arnór Snær Guðmundsson
2. Þórður Þorsteinn Þórðarson ('74)
8. Hallur Flosason ('48)
10. Steinar Þorsteinsson
14. Ólafur Valur Valdimarsson ('89)
18. Rashid Yussuff
24. Viktor Örn Margeirsson
29. Guðmundur Böðvar Guðjónsson
32. Garðar Gunnlaugsson

Varamenn:
3. Aron Ingi Kristinsson
8. Albert Hafsteinsson ('74)
15. Hafþór Pétursson ('48)
18. Stefán Teitur Þórðarson
19. Patryk Stefanski ('89)
20. Gylfi Veigar Gylfason

Liðsstjórn:
Gunnlaugur Jónsson (Þ)
Jón Þór Hauksson (Þ)
Páll Gísli Jónsson
Guðmundur Sævar Hreiðarsson
Hlini Baldursson
Hjalti Rúnar Oddsson
Daníel Þór Heimisson

Gul spjöld:
Garðar Gunnlaugsson ('29)

Rauð spjöld: