Einni mínútu bætt við í Garðabænum?! Skil það nú ekki alveg og finnst það alltof lítið!

HA?!?

Barbora í marki gestanna ætlar að kasta boltanum út en virðist hætta við í miðju kasti og sleppir boltanum beint fyrir fætur Gummu. En Gumma nær ekki að snúa og koma sér í færi og þetta rennur útí sandinn! Ef Gumma hefði verið aðeins betur á tánum þá hefði þetta getað orðið að jöfnunarmarki.

Gestirnir fá hornspyrnu sem Tereza K nær að skalla að marki en skallinn er laus og Gemma grípur hann auðveldlega.

Harpa fær sendingu frá Donnu og nær skoti en það er aðeins yfir markið.

Donna í dauðafæri!!!

Harpa með frábæra sendingu inn fyrir á Donnu sem tekur eina snertingu en er svo of lengi að koma sér í skotið og varnarmaður gestanna nær að henda sér í boltann og koma honum í horn.

MARKVARSLA!!!

Gemma bjargar Stjörnunni heldur betur hérna! Petra kom á ferðinni inn völlinn og náði að pota boltanum framhjá vörn Stjörnunnar þar sem Tereza S tók frábærlega á móti honum. En Gemma var vel með á nótunum og kom vel út á móti henni og varði þetta.

Frábær sending hjá Hörpu inn fyrir á Önu Victoriu í hlaupinu en Ana Victoria er undir pressu og hittir boltann hræðilega illa! Hefði verið gaman að sjá hana hitta þennan almennilega! En heimastúlkur eru að þora að spila og þær eru að fá færi. Nú köllum við bara eftir jöfnunarmarkinu!

Lára Kristín lætur vaða fyrir utan teig en skotið langt yfir markið. Skotið kom eftir flotta sókn Stjörnunnar þar sem Anna María setti langan bolta uppí hægra horn á Öglu Maríu sem náði að renna honum út í teiginn þar sem Katrín komst í hann. En því miður náði Katrín ekki að koma skoti á markið en setti hann í staðinn út í skot fyrir Láru Kristínu. Fín sókn og við viljum sjá fleiri svona sóknir þar sem heimastúlkur ná að klára innan teigs.

Harpa nær ágætis skoti á markið fyrir utan teig eftir að hafa snúið á Katerinu. Barbora ver þetta.

Markaskorarinn Petra nálægt því að lauma sér inn fyrir vörnina en fellir Önnu Maríu í leiðinni, sem varð Stjörnunni kannski til happs því þegar sendingin kom þá var Petra orðin rangstæð og réttilega svo.

Stjörnustelpur eru fljótar að vinna boltann af gestunum. Ana sendir langan bolta uppí vinstra horn á Hörpu sem nær að koma honum föstum með jörðinni inná markteiginn þar sem munar bara hársbreidd að Katrín nái að pota tánni í hann! Það hefði nú ekki verið amalegt að byrja seinni hálfleikinn á því að jafna leikinn.

Þær tékknesku fá hérna aukaspyrnu ca 10 m fyrir utan teiginn eftir að Lára Kristín og Anna María klemma Terezu K á milli sín.

Smá hætta skapast eftir aukaspyrnuna sem varnarmenn Stjörnunnar ná að skalla en þó bara upp í loftið þar sem Gemma þarf að slá hann svo í burtu, sem tekst með naumindum.

Agla María með frábæran sprett upp í hægra hornið þar sem varnarmaður gestanna ætlaði að skýla boltanum útaf en Agla María gerði sér lítið fyrir og hirti hann af henni. Hún reyndi svo að koma honum inná Katrínu sem var í hlaupi inná teiginn en gestirnir ná að koma þessu í innkast.

Lára Kristín nær ágætum skalla á markið eftir annað hornið frá Öglu Maríu en Barbora er alltaf með þennan á hreinu.

Frábær varsla hjá Barbora!!

Þessi hefði nú alveg mátt vera inni! Frábær sprettur hjá Donnu sem lætur svo vaða, boltinn rétt snertir varnarmann og stefnir beint í netið en Barbora á frábæra vörslu og nær að bjarga þessu í horn!

Agla María tekur hornið sem varnarmaður hreinsar beint í annað horn.

Stjarnan bjargar á línu!!!

Ana Victoria er réttur maður á réttum stað þarna heldur betur! Hún bjargar á línu eftir að Katerina nær skalla á markið af mjög stuttu færi eftir eitthvað klafs.

Liði Stjörnunnar er stillt upp á eftirfarandi hátt:

Gemma
Lorina, Kim, Anna María, Bryndís
Lára Kristín, Ana Victoria
Katrín
Agla María, Harpa, Donna

Sama kerfi og þær hafa verið að notast við allt tímabilið í Íslandsmótinu.

ANA VICTORIA!!

Stjörnustelpur hafa greinilega fengið aukið sjálfstraust við þessi færi undanfarnar mínútur og eru að ná að ógna marki gestanna. Nú er það Katrín sem á frábæra sendingu inná Önu Victoriu sem er í hlaupi vinstra megin, hún fer með boltann inní teiginn, framhjá varnarmanni, upp að endamörkum en nær ekki að setja boltann á markið, né nægilega fast útí teiginn þar sem Agla María var á fjærstönginni!

AGLA MARÍA!!

Svo nálægt því að koma heimastúlkum yfir! Fékk sendingu inní teiginn þar sem hún lagði hann til hliðar framhjá varnarmönnum en snertingin var aðeins of þung og færið orðið þröngt og hún hitti hann svo ekki almennilega!

Svo nálægt!!!

Uppúr hornspyrnu gestanna fá Stjörnustelpur skyndisókn þar sem, að mér sýndist, Lára nær að skipta boltann yfir á Önu Victoriu sem var allt í einu komin ein inn fyrir í kapphlaupi á móti markmanni gestanna sem kom langt út fyrir teiginn. Ana var ekki í nægilega góðu jafnvægi til að hreinlega skjóta á markið en náði að pota boltanum til Katrínar sem reyndi skot en þá voru tveir varnarmenn gestanna búnir að koma sér inní teiginn og náðu að verjat þessu.
Það hefði verið frábært að fá mark hérna!

Tereza K nær skalla eftir annað hornið en svo virðist sem varnarmaður hafi átt síðustu snertinguna og gestirnir fá þriðja hornið í röð.

Tereza K sækir að Önnu Maríu sem verst ágætlega og kemur boltanum í horn.

Anna María skallar svo hornið aftur fyrir í annað horn.

Stjörnustelpur eiga hérna flott spil sem endar með sendingu Katrínar inn fyrir á Hörpu en Harpa dæmd rangstæð!

Katerina reynir skot fyrir utan teig sem fer beint á Gemmu í markinu.

Tereza S er að sleppa inn fyrir vörnina þegar Bryndís og Anna María koma báðar á ferðinni og renna sér fyrir. Gestirnir fá horn sem fer aftur fyrir.

Stórhætta uppvið mark Stjörnunnar!!!

Katerina með frábæra sendingu þvert upp völlinn inná Petru sem er komin ein gegn Gemmu. En Gemma gerir afar vel og nóg til að stöðva þessa sókn. Þarna skall hurð nærri hælum!

Gestirnir nálægt því að spila sig í gegnum vörn heimakvenna en Gemma kemur vel útúr markinu og handsamar boltann áður en dómarinn flautar rangstöðu.

Dauðafæri!

Tereza, framherji gestanna, á hér skalla rétt framhjá af mjög stuttu færi.

Þetta byrjar nú ekki sérstaklega gæfulega fyrir Stjörnuna sem eiga slaka sendingu í öftustu línu, einhver misskilningur og Gemma hamrar þessum bara útaf.