Jæja liðin ganga inn á völlinn. Aðstæður er fínar til knattspyrnuiðkunar hér á Leiknisvellinum. Það verður fróðlegt að sjá hvernig liðin höndla blautan völlinn sem hefur verið betri á þessum árstíma.

Bæði lið hafa gengið inn til búningsherbergja. Styttist í þetta hér á Leiknisvelli.

Leiknismenn gera tvær breytingar á byrjunarliði sínu frá því í tapinu gegn HK. Út detta þeir Árni Elvar Árnason og Aron Daníelsson og inn koma Ingvar Ásbjörn Ingvarsson og Ernir Freyr Bjarnason.

Hjá gestunum eru einnig tvær breytingar á byrjunarliðinu frá því í síðasta leik. Út detta þeir Bergvin Jóhannsson og Ívar Sigurbjörnsson. Inn í stað þeirra koma þeir Victor Lucien Da Costa og Kristján Atli Marteinsson.

Bæði lið eru á fullu í sínum upphitunaraðgerðum. Magnamenn skarta að því er virðist nokkuð skemmtilega ljósgrænum búningum. Persónulega er ég nokkuð hrifinn af þessum lit..en hverjum er ekki sama um það.

Leiknismenn í sínum hefðbundu rútinu - en nokkra athygli vekur að Valur Gunnarsson club legend og goalkeeper coach er að sjá um upphitun hjá Leiknismönnum. Ekki á hverjum degi sem hann siglir úr höfn en Gísli Þór Einarsson er markmannsþjálfari Leiknis er erlendis með yngri landsliðinum.

Aðstæður hér á Leiknisvellinum bjóða uppá all svakalegan baráttuleik. Rennandiblautt gras, ójafn völlur og nokkur gustur í átt að öðru markinu.

Ilmurinn af grillinu hér á Leiknisvelli er svo sannarlega lokkandi. Búið að grilla hátt í 200 pylsur ofan í gesti og gangandi hér. Frítt inn og ekki gleyma regnhlífinni.

Sannkölluð fjölskylduhátíð er hér á Leiknisvelli þar sem blásið var í horn Gondor kl 14:00 með grilluðum pylsum, hoppukastala, andlitsmálningu (og kandíflossvél mögulega líka).

Frítt er inn á völlinn hér í Efra Breiðholti og því um að gera að gera sér ferð. Gullið tækifæri til að smakka á stemmningunni og Leiknisborgaranum með leynikryddblöndunni góðu.

Magni

Gunnar Örvar Stefánsson
Þessi stóri og stæðilegi sóknarmaður þarf að finna sitt form í dag gegn Leiknismönnum. Erfiður við að eiga og vinnur vel með bakið í markið ásamt því að vera virkilega sterkur í loftinu. Sannkallaður Inkasso-Big Man

Sigurður Marínó Kristjánsson
Kom til Grenivíkur frá Þór Akureyri þar sem hann hefur sankað að sér rúmum 200 leikjum, aðallega í Pepsi og Inkasso deildinni. Reynsla hans vegur þungt og Magnaliðið verður að fá sitt frá leikmanni eins og honum.

Sveinn Óli Birgisson
Fyrirliði Magnamanna þarf að stýra liðinu og leiða liðið áfram í dag. Það var fyrirséð að erfitt sumar væri í vændum fyrir nýliðana og þarf að halda saman brothættum mannskap sem er ekki sjóaður í Inkassodeildinni.

---

Leiknir R

Sólon Breki Leifsson
Hefur farið vel afstað og er liðinu afar mikilvægur - enda sannkölluð pest fyrir varnarmenn við að eiga. Leiknsliðið þarf á framlagi frá Sóloni í dag varnarlega og sóknarlega.

Bjarki Aðalsteinsson
Stígandi hefur einkennt leik Bjarka frá því hann kom í Breiðholtið og í dag er hann mikilvægur hlekkur í varnarlínu liðsins. Bjarki þarf að vinna einvígin í loftinu við Gunnar Smára

Tómas Óli Garðarsson
Hefur hæfileikana til að brjóta upp leikinn og búa til færi fyrir liðsfélaga sína. Leiknisliðið væri líklegt í dag með Tómas Óla á sínum A-game.

Síðasta umferð

Magni - Þróttur 1 - 4
Heimenn fengu "skell" gegn sprækum Þrótturum á blaði en tölurnar segja oft ekki nema hálfan sannleikann. Staðan var 1-2 fyrir gestina þangað til á 84 mínútu þegar þeir kláruðu leikinn endanlega. Magnamenn voru ívið sterkari aðilinn fram að fyrsta marki Þróttara.


HK - Leiknir 2 - 1
Heimamenn byrjuðu leikinn mjög vel og tóku forystuna eftir röð mistaka sem Kári Pétursson nýtti sér vel. Leiknisliðið jafnaði þó leikinn með frábæru marki frá Sóloni Breka og eftir það náði liðið að vinna sig æ betur inn í leikinn. Í síðari hálfleik voru það Leiknismenn sem voru ívið beittari en heimamenn refsuðu þeim eftir hornspyrnu sem fór af Bjarka Aðalsteinssyni og í markið og þar við sat. Hörkuleikur sem hefði getað endaði hvorum megin sem var.

Staðan í Inkasso

Leiknir Reykjavík
10.sæti
3.stig af 15 mögulegum
6 mörk skoruðu - 10 mörk fengin á sig

Magni Grenivík
12.sæti
3.stig af 15 mögulegum
4 mörk skoruð og 12 mörk fengin á sig

Samantekt
Ljóst er að þetta er sex stiga leikur hér í Breiðholtinu og mikið í húfi.

Með sigri gegn Magnamenn híft sig upp úr botnsætinu og jafnvel upp í 10.sæti nái þeir hagstæðum úrslitum hvað mörk varðar.

Leiknisliðið getur með sigri jafnað Njarðvíkinga að stigum en þurfa að vinna með að minnsta kosti þremur mörkum til að eiga sætaskipti við þá grænklæddu.

Góðan dag og verið hjartanlega velkomin í þessa textalýsingu frá leik Leiknis og Magna frá Leiknisvelli í Breiðholti.

Leikurinn í dag verður á aðalvelli Leiknismanna (Ghettó Ground) en liðið hefur byrjað tímabilið á gervigrasvelli sínum þar sem liðið sótti sigur gegn ÍR en tapaði gegn Njarðvík.