Þróttur R.
0
2
Leiknir R.
0-1 Sævar Atli Magnússon '18
0-2 Sævar Atli Magnússon '79
Aron Þórður Albertsson '88
29.06.2018  -  19:15
Eimskipsvöllurinn
Inkasso deildin - 1. deild karla
Aðstæður: Skýjað, smá gjóla en þurrt (sem stendur)
Dómari: Guðmundur Ársæll Guðmundsson
Maður leiksins: Sævar Atli Magnússon
Byrjunarlið:
Arnar Darri Pétursson
4. Hreinn Ingi Örnólfsson (f)
6. Birkir Þór Guðmundsson ('45)
7. Daði Bergsson (f)
8. Aron Þórður Albertsson
9. Viktor Jónsson
10. Rafn Andri Haraldsson
10. Ólafur Hrannar Kristjánsson ('73)
14. Hlynur Hauksson
19. Karl Brynjar Björnsson (f) ('66)
23. Guðmundur Friðriksson

Varamenn:
12. Sindri Geirsson (m)
3. Árni Þór Jakobsson ('66)
6. Birgir Ísar Guðbergsson
11. Emil Atlason
11. Jasper Van Der Heyden ('45)
15. Víðir Þorvarðarson
18. Vilhjálmur Kaldal Sigurðsson
26. Kristófer Konráðsson ('73)

Liðsstjórn:
Gunnlaugur Jónsson (Þ)
Þórhallur Siggeirsson (Þ)
Jóhann Gunnar Baldvinsson
Valgeir Einarsson Mantyla
Sveinn Óli Guðnason
Jamie Paul Brassington

Gul spjöld:

Rauð spjöld:
Aron Þórður Albertsson ('88)
Leik lokið!
Leik lokið hér í Laugardalnum.

Öruggur og þægilegur sigur Leiknismanna hér í kvöld.

Takk fyrir samveruna
89. mín
Inn:Ingvar Ásbjörn Ingvarsson (Leiknir R.) Út:Sævar Atli Magnússon (Leiknir R.)
Markaskorarinn Sævar Atli Magnússon fer af velli fyrir Ingvar Ásbjörn Ingvarsson.

Flottur leikur hjá Sævari sem setti jú bæði mörkin úr jafn mörgum tilraunum. Góð nýting!
88. mín Rautt spjald: Aron Þórður Albertsson (Þróttur R.)
Guðmundur Ársæll vísar hér Aroni af velli. Virðist vera fyrir munnsöfnuð.
86. mín
Inn:Vuk Oskar Dimitrijevic (Leiknir R.) Út:Árni Elvar Árnason (Leiknir R.)
84. mín
Stefnir í áframhaldandi eyðimerkurgöngu Þróttara á heimavelli.

Liðið virðist heillum horfið hér í dag og akkurat ekkert í kortunum að liðið komi marki á Leiknismenn í dag.

En sjáum til.
83. mín
Viktor Jónsson rís hér upp í teignum - skallar en nær ekki að stýra boltanum niður á við og yfir markið fer hann. Hátt yfir markið.
82. mín
Inn:Tómas Óli Garðarsson (Leiknir R.) Út:Sólon Breki Leifsson (Leiknir R.)
Sólon Breki fer af velli og inn kemur hinn stórskemmtilegi Tómas Óli Garðarsson.
79. mín MARK!
Sævar Atli Magnússon (Leiknir R.)
Netið dettur út! En mark dettur inn!

Sævar Atli fær boltann á hægra vítateigshorni og mundar fótinn. Boltinn fer á milli fóta varnarmanns og siglir í nærhornið.

Finnst eins og Arnar Darri hafi mögulega átt að gera betur. Stoðsendinguna sá ég ekki þar sem ég var í óðaönn að baxa við að tengjast neti á nýjan leik.

Ágisk væri Kristján Páll Jónsson eftir innkast
73. mín
Inn:Kristófer Konráðsson (Þróttur R.) Út:Ólafur Hrannar Kristjánsson (Þróttur R.)
Skipting hjá heimamönnum. Sú síðasta. Stjörnustrákurinn Kristófer kemur inn fyrir Ólaf Hrannar Kristjánsson.
72. mín
Fjarar undan Þrótturum eftir... skárri frammistöðu í byrjun síðari hálfleiks.

Leiknismenn halda boltanum og varnarlína heimamanna hangir á vítateignum. Sóknin endar svo að skoti út frá Aroni sem endaði sennilega ofaná þakinu á minka og refa kofanum í Húsdýragarðinum
71. mín
Leiknismenn vinna í því hornspyrnu. Miroslav þarna fyrstur í boltann en hann fer í gagnstæða átt ef markmiðið var að koma boltanum að markinu.

Rennur út í sandinn á endanum
70. mín
Enn ein djúp fyrirgjöf frá Þrótturum. Eyjólfur fer af línunni og hremmir þennan eins og allar hinar djúpu fyrirgjafirnar.

Visst ráðaleysi í þessum djúpu fyrirgjöfum heimamanna.
66. mín
Inn:Árni Þór Jakobsson (Þróttur R.) Út:Karl Brynjar Björnsson (Þróttur R.)
Karl Brynjar hefur stimplað sig út. Inn kemur Árni Þór Jakobsson
65. mín
Slök spyrna sem strandar á fyrsta manni.
65. mín
Karl Brynjar liggur hér aftur og nú eftir skallaeinvígi sem hann vinnur en virðist lenda illa. Sennilega ökklinn ef ég á að beit minni sérfræði í læknavísindum.

Leiknismenn vinna svo aukaspyrnu eftir seinni boltann sem Árni Elvar bíður eftir að sveifla inn í markmennið í teignum.
63. mín
Kappið að bera fegurðina ofurliði hér í dag. Leiknismenn ekki að ná að byggja upp teljandi spil frá annars góðum fyrri hálfleik. En almenn gæði virðast ábótavant í augnablikinu hjá báðum liðum.
61. mín
Karl Brynjar og Árni Elvar lenda hér saman í háloftunum. Árni stendur en Karl þiggur aðstoð og virðist lemstraður.

Karl heldur áfram og í því hefjast leikar á ný
60. mín
Þróttarar mjakast í átt að jöfnunarmarki. Ólafur Hrannar þræðir hér lekkera sendingu inn á teiginn þar sem Viktor snýr en skot hans með vinstri fæti hafnar út á bílastæði frá vítapunktinum
58. mín
Árni Elvar með eina al-íslenska fyrirgjöf frá hægri. Siglir yfir markið og endar með markspyrnu. Árni Elvar getur ekki verið sáttur við svona spyrnur með fullan teig.
56. mín
Ernir er staðinn upp - virðist ekki haltra svo það er sennilegast að hann haldi leik áfram.

..og í þeim rituðu skokkar hann inn á völlinn.
56. mín
Ekki góð tíðindi fyrir Leiknismenn. Ernir Bjarnason liggur eftir. Fékk þarna hnéð á Aroni Þórði í hnéð á sér - klárt brot en Guðmundur Ársæll beitti hagnaði. Það var þungi í þessu höggi.

Ernir verið iðinn og skilað Leiknismönnum góðu dagsverki það sem af er.
54. mín
Jæja fyrsta almennilega upphlaup Leiknismanna skrásett hér. Sólon Breki reynir skot úr teignum en það er hættulítið og fer framhjá.

Leiknismenn sýndu þessu takmarkaðan áhuga í ljósi þess að aðeins Sævar Atli var inn í teignum í uþb 5 sekúndur áður en Sólon ákvað að reyna skotið. Vantaði þarna hlaup inn í teiginn.
49. mín
Heimamenn mæta beittari til leiks í síðari hálfleikinn og hafa Leiknismenn varla komist yfir miðju það sem af er og hvað þá inn á síðasta þriðjung.

Ekki skapað hættu þó enn, en þetta verða að teljast miklar framfarir frá því sem Þróttur bauð upp á í fyrri hálfleiknum
45. mín
Inn:Jasper Van Der Heyden (Þróttur R.) Út:Birkir Þór Guðmundsson (Þróttur R.)
Skipting í hálfleik hjá heimamönnum.

Aron Þórður færir sig inn á miðjuna og ætti etv að gefa aðeins meiri hraða og yfirferð. Jasper fer út hægra megin.
45. mín
Leikur hafinn
Jæja þá er þetta hafið á nýjan leik.

Þróttarar þurfa heldur betur að stíga upp núna eftir vægast sagt slakan fyrri hálfleik.
45. mín
Hálfleikur
Guðmundur Ársæll flautar til leikhlés á 45:01
43. mín
Hárrétt hjá Guðmundi. Það var enginn hagnaður í að halda leik áfram. Dæmir brot á Leiknismenn. Rafn Andri sendir inn í frá miðjum vinstri vallarhelming Leiknismanna. En boltinn fer yfir allan pakkann og hafnar í hrömmum Eyjólfs.
42. mín
Leikurinn er í nokkru jafnvægi þessa stundina. Leiknismenn þó líklegri til afreka en heimamenn sem satt best að segja eru hálf tilviljanakenndir.
40. mín
Leiknismenn með þrjár sendingar inn í teig Þróttara þar sem þeir vinna sig frá vinstri hlið teigsins og yfir á þá hægri en skotglufan opnaðist ekki gegn þéttum röðum heimamanna.
37. mín
Flott sókn frá Þrótturum. Líklega það heildstæðasta hingað til. Finna Aron vinstra megin sem sveiflar fyrirgjöf á innsnúning. Viktor rís upp og skallar en nær ekki afli í skallann sem endar meinleysislega hjá Eyjólfi í markinu.

Jákvætt fyrir heimamenn.
35. mín
Tæknifeilar útum allan völl. Ég lít í kringum mig og sé að ég er ekki staddur í Egilshöllinni í janúar.

Leikurinn aðeins dottið niður í bras og basl. En með aðeins meiri yfirvegun er hellingur af tækifærum hér fyrir bæði lið.
33. mín
Sævar Atli átti að gera betur þarna. Ernir Bjarnason vinnur boltann á miðsvæðinu og vigtar þennan alveg hrottalega þar sem hann leitaði að Sóloni Breka sem hefði verið kominn aftur fyrir Karl Brynjar. En ekkert verður úr.
30. mín
Hætta við mark Leiknismanna eftir fast leikatriði á svipuðum stað og Rúnar Kristins tók gegn Frakklandi um árið. Eyjólfur missir boltann enda var keyrt í hann og Guðmundur Ársæll flautar aukaspyrnu.

Þróttarar ekki sáttir en Leiknismenn sáttir. Þetta var réttur dómur frá mínum bæjardyrum séð.
28. mín
Leiknismenn meira með boltann þessa stundina. Þróttarar virðast eiga í nokkrum vandræðum með að byggja upp spil sem lifir af einhverju ráði og enda flestar þeirra tilraunir á háum - ómarkvissum boltum fram sem Bjarki og Miroslav hafa ekki átt í teljandi vandræðum með.

Á meðan er mikið pláss á miðsvæðinu sem Leiknismenn hafa verið að nýta sér í uppspili sínu.
24. mín
Sólon Breki með skot - en hættulítið.

Karl Brynjar og Hreinn Ingi eru í bölvuðu basli. Þeir hafa vart efni á því að fara út fyrir fyrsta þriðjung sinn því þá finna Leiknismenn Sólon í vel tímasettum hlaupum.
21. mín
Darraðardans! Aron með lekkera sendingu á Óla Hrannar sem lendir í kapphlaupi við Eyjólf í markinu og Eyjólfur virðist missa boltann eftir smá snertingu frá Óla Hrannari.

Óli Hrannar skýtur svo að marki í litlu jafnvægi - boltinn fer í stöng og að lokum koma gestirnir boltanum frá. Stórhætta!
18. mín MARK!
Sævar Atli Magnússon (Leiknir R.)
Stoðsending: Sólon Breki Leifsson
Fyrsta markið er komið! Sólon fær langan bolta upp miðjuna og grísar á móttökuna svo Karl Brynjar rennur kylliflatur inní miðjuboganum. Sólon keyrir í svæðið gegn fallandi varnarlínunni og finnur svo Sævar Atla sem klárar fagmannlega og af mikilli nákvæmni í niðri í bláhornið.
17. mín
Bæði lið að reyna - opið í báða enda en góðar leikstöður að fuðra upp sökum þess að það vantar ögn meiri gæði í fyrirgjafir og/eða ákvarðanatökur ekki nógu vel ígrundaðar.
15. mín
Slæm ákvörðun hjá Aroni Daníels. Leiknismenn búnir að tvöfalda á Guðmund Friðriks hægri bakvörð en Aron ákveður að skera inn þar sem hann er étinn af Þrótturum í stað þess að setja boltann á Sævar Atla sem var með svæði í vinstra horninu.
14. mín
Heimamenn virðast ætla að sækja upp hægra megin. Virðast leita mikið til Daða Bergs sem hefur verið mikið í boltanum hægra megin.

Rétt í þessu á hann laglega vigtaða sendingu yfir Ósvald, Þróttari fellur við endalínu og einhverjir hrópa. Það má reyna.
10. mín
Leiknismenn geysast beint upp og hafnar boltinn hjá Sóloni sem keyrir frá vinstri inn að marki og hamrar boltann að marki, með jörðinni en rétt framhjá nærstönginni.

Arnar Darri stóð bara í markinu.
9. mín
Hætta við mark Leiknis. Daði sendir fyrir og boltinn fer á fjær þar sem Óli Hrannar reynir að skalla fyrir markið en Leiknisliðið kemur boltanum frá
8. mín
Guðmundur Ársæll að fleygja í tiltal númer 2 og nú er það Hreinn Ingi Örnólfsson sem lendir í klandri sem endar á smá toseríi á Sólon Breka.

Guðmundur vel á verði hérna það sem af er.
6. mín
Góður spilkafli hjá gestunum sem endar á að Hlynur Hauksson brýtur á Kristjáni Páli - Guðmundur Ársæll hendir í tiltal.

Tvinnuðu saman einar 20 sendingar á að giska
5. mín
Jafnræði með liðinum. Sólon Breki með öflugan sprett og boltinn endar svo á Aroni vinstra megin á vítateignum en heimamenn gera vel í að vísa honum frá marki og ekkert verður úr.
4. mín
Lið Þróttar er þannig skipað

4-4-2

Arnar Darri
Guðmundur - Hreinn - Karl Brynjar - Hlynur
Daði - Birkir Þór - Rafn Andri - Aron Þórður
Ólafur Hrannar - Viktor
1. mín
Hætta við mark heimamanna. Leiknismenn senda fyrir frá vinstri. Karl Brynjar þarna tæpur og missir frá sér boltann sem dettur á Árna Elvar sem er aðþrengur og skýtur að marki en boltinn í Arnar Darra sem er búinn að loka færinu.
1. mín
Leikur hafinn
Guðmundur blæs til leiks hér!
Fyrir leik
Jæja! Liðin ganga inn á völlinn. Umgjörð 9,4 / 10
Fyrir leik
Heimamenn í Þrótti hafa ekki sótt sigur enn hér á Eimskipavellinum það sem af er tímabili.

Liðið hefur leikið þrjá heimaleiki, sem allir hafa tapast.

Leiknismenn hafa á móti ekki verið að sigra heiminn eða fótboltaleiki á útivelli. En liðið hefur leikið fjóra útileiki sem allir hafa tapast.
Fyrir leik
Tæpar 10 mínútur í þetta og liðin að leggja lokahönd á upphitun.

Þriðja liðið búið með sitt og farnir í pepp inn í klefa.
Vid sjaum skemmtilega mynd. Landslidstjalfarinn med lokud augu a Orkumotinu i Eyjum.



Starting IX Leiknir Reykjavik



Fyrir leik
Liðin eru byrjuð að hita fyrir lifandis löngu.

Fallegt hérna í Laugardal. Aðstæður eins og þær gerast bestar.
Fyrir leik
Emil Atlason er ekki í hóp í dag en hann virðist hafa lent í smávægilegu bakslagi í endurkomu sinni eftir meiðsli þau er varðar fyrir síðasta sumar.

Skv Gulla Jóns er hann að ljúka 10 daga hvíld.
Fyrir leik
Heimamenn gera eina breytingu á sínu liði frá því í 7.umferð.

Út dettur Finnur Tómas Pálmason sem er veikur og inn í hans stað kemur Birkir Þór Guðmundsson.
Fyrir leik
Leiknisliðið gera þrjár breytingar frá því í leiknum við Selfyssinga.

Út úr liðinu detta þeir Ingvar Ásbjörn Ingvarsson, Tómas Óli Garðarsson og Anton Freyr Ársælsson (banni) og inn í þeirra stað koma þeir Aron Daníelsson, Árni Elvar Árnason og Daði Bærings Halldórsson (í sínu fyrsta starti í sumar).
Fyrir leik
Ólafur Hrannar Kristjánsson leikmaður Þróttar R er fyrrverandi leikmaður Leiknis og jafnframt fyrirliði. Óli Hrannar er í miklum metum í Efra-Breiðholtinu enda að einhverju leyti alinn upp innan veggja félagsins.

Aðrar tengingar eru að Daði Bergsson lék með Leiknisliðinu fyrir tveimur árum síðan er hann var leikmaður Vals.

Báðir byrja þeir í dag
Fyrir leik
Gengi liðanna í sumar

Þróttur R
Heimamenn í Þrótti R finna sig í 5.sæti Inkasso deildarinnar með 13 stig og eru "aðeins" 7 og 8 stigum frá fremstu hestunum í þessu kapphlaupi um sætin tvo í Pepsi í haus. Liðið stendur því á þeim klassískum krossgötum að lítið megi útaf bregða til að missa af lestinni og enda í miðjumoði deildarinnar.

Leiknir R
Gestirnir hafa farið rólega afstað og eru sem fyrr í 10.sæti deildarinnar með 7 stig. Leiknismenn fóru stigalausir úr fyrstu þremur umferðunum og því hafa þeir náð í öll stigin í síðustu fimm leikjum. ÍR-ingar eru hinsvegar andandi ofaní hálfsmálið á Leiknismönnum úr 11.sæti deildarinnar og því mikilvægt fyrir liðið að fara að safna einhverjum stigum áður en hringiða botnbaráttunnar nær að klófesta liðið
Fyrir leik
Síðasta umferð

Þróttur R.
Vann góðan 2-5 útisigur á Blásvöllum í síðustu umferð. Viktor Jónsson skoraði þrennu auk þess sem Daði Bergsson og svo fyrrverandi Leiknismaðurinn Ólafur Hrannar Kristjánsson settu sitt hvort markið.

Leiknir R.
Leiknismenn gerðu 1-1 jafntefli við Selfyssinga í Breiðholtinu í síðustu umferð. Leikurinn var æsispennadi og við afar erfiðar aðstæður. Mark Leiknis skoraði Sólon Breki Leifsson.
Fyrir leik
Góða kvöldið góðir gestir og verið hjartanlega velkomin í þessa textalýsingu frá leik Þróttar og Leiknis í Inkassodeildinni.

Byrjunarlið:
Eyjólfur Tómasson
Sólon Breki Leifsson ('82)
3. Ósvald Jarl Traustason
4. Bjarki Aðalsteinsson (f)
5. Daði Bærings Halldórsson (f)
6. Ernir Bjarnason
8. Árni Elvar Árnason ('86)
10. Sævar Atli Magnússon (f) ('89)
15. Kristján Páll Jónsson (f)
17. Aron Fuego Daníelsson
27. Miroslav Pushkarov

Varamenn:
30. Trausti Sigurbjörnsson (m)
7. Ingvar Ásbjörn Ingvarsson ('89)
11. Ryota Nakamura
19. Ernir Freyr Guðnason
20. Óttar Húni Magnússon
29. Vuk Oskar Dimitrijevic ('86)
80. Tómas Óli Garðarsson ('82)

Liðsstjórn:
Vigfús Arnar Jósepsson (Þ)
Gísli Þór Einarsson
Ari Már Fritzson
Gísli Friðrik Hauksson
Ásbjörn Freyr Jónsson
Þórður Einarsson

Gul spjöld:

Rauð spjöld: