Hamrarnir pressa. Eiga hættulega fyrirgjöf frá hægri sem Þróttarar ná að koma í burtu á síðustu stundu.

Una Margrét liggur eftir. Spurning hvort hún hafi fengið krampa.

Klaufagangur í vörninni hjá Þrótti. Kori og Gabriela ætla báðar að taka boltann. Gabi snertir hann og Kori má því ekki taka hann upp með höndum. Smá titringur aftast en engir leikmenn Hamranna nógu nálægt til að nýta sér þetta og Kori hreinsar.

Séns hjá Hömrunum. Gabriela Jóns keyrir í bakið á Karen Maríu á miðjum vallarhelmingi Þróttar og gestirnir fá aukaspyrnu.

Agnes Birta lyftir boltanum inná teig en Sóley María skallar frá.

Þetta er heldur máttlaust þessar síðustu mínútur. Virðist ekki stefna í annað mark.. En aldrei að segja aldrei.

Það hefur aðeins dregið af gestunum. Spurning hvort þær eigi orku til að setja pressu hérna í lokin.

3 v 3! Þróttarar komast í fína stöðu en Andrea Rut er klaufi og nær ekki að koma boltanum vel frá sér.

DAUÐAFÆRI!

Unnbjörg Jóna klikkar þarna alein á fjær eftir ágæta skottilraun Andreu Rutar eftir góðan undirbúning Gabriela Maria.

Hamrarnir fá horn. Karen María setur boltann fyrir en ekkert kemur út úr þessi. Hvorugt liðið búið að nýta föstu leikatriðin vel í dag.

Karen María lætur vaða utan teigs. Ágæt tilraun en beint í fangið á Kori.

Karen hafði fengið skemmtilega sendingu frá Sögu Líf sem lagði boltann til hennar með höndinni beint fyrir framan Gunnar dómara. Áhugavert.

Sýnist það vera Rósa sem brýtur á Unnbjörgu rétt utan teigs. Tóta setur boltann á fjær þar sem Hrefna Guðrún er mætt en skallar rétt framhjá.

Fínasta tilraun hjá Hömrunum!

Andrea Dögg með geggjaða sendingu inn fyrir á Kareni Maríu sem reynir skot utan teigs. Flott tilraun en boltinn rétt yfir.

Aftur aukaspyrna. Núna úti vinstra megin. Aftur tekur Tóta. Nú rennir hún boltanum inná teig á Gabrielu. Stórhættulegt en hafsentinn nær ekki að snúa.

SURPRISE!

Annað horn. Fín sókn hjá Þrótti. Guffa finnur Unu út til hægri. Una með góða hlaupabraut hægra megin í þessu tígulmiðjukerfi sem Þróttur spilar en nær ekki að koma boltanum fyrir.

Tóta með hornið. Gabriela Jóns reynir að ná til boltans en Hamrarnir koma þessu frá.

Þróttur fær aukaspyrnu úti á vinstri kantinum og hver önnur en Tóta er mætt til að taka hana.

Hún setur háan bolta á vítapunktinn. Hrefna lyftir boltanum í átt að Gabriela Maria sem nær skoti af markteig en setur boltann aðeins yfir!

Stórhættulegt!

Hamrarnir fá horn en Þróttarar skalla frá.

Stuttu síðar eru gestirnir aftur nálægt því að komast í séns í teignum en missa boltann aftur fyrir.

Þær eru að byrja seinni hálfleikinn vel.

DAUÐAFÆRI!

Karen María fær frábæra sendingu þar sem hún er ein vinstra megin í teignum. Fyrsta snertingin hennar er ekki nógu góð og skotið sem fylgir í kjölfarið er beint á Kori sem ver í horn.

Þarna átti Karen að gera betur!

Fín varnarvinna hjá Söru Skapta. Stelur boltanum af tánnum á Andreu sem var að komast í hættulega stöðu.

Þróttarar vinna boltann aftur og fá enn eina hornspyrnuna. Tóta með ágætan bolta. Gestirnir hreinsa. Fyrri hálfleikurinn í hnotskurn?

SJOKKER!

Annað horn hjá Þrótti. Ég er ekki að telja en þau eru orðin þónokkur.

Þórkatla sem við skulum héðan í frá kalla Tótu setur boltann fyrir. Una á lausan skalla sem Arna kemst fyrir og setur boltann í enn annað hornið.

Tóta fer að verða lúin af öllum þessum þverhlaupum hornanna á milli. Aftur á hún ágætan bolta fyrir en Hamrarnir hreinsa.

Úps. Klaufaleg hendi á Emilíu Eir og Þróttur fær aukaspyrnu hægra megin. Aftur er það Þórkatla sem stillir sér upp við boltann. Um leið og Þórkatla spilar boltanum í fætur á Hildi í teignum tekur Andrea Rut utan á hlaup og fær boltann svo í fyrsta frá Hildi. Hún nær þó ekki að koma boltanum fyrir og Þróttarar fá enn eitt hornið.

Skemmtileg krúsídúlluútfærsla hjá heimakonum sem gekk næstum upp en ekkert verður úr horninu.

DAUÐAFÆRI!

Frábært horn frá Þórkötlu. Draumabolti á Unu sem er alein á fjær en hún hittir ekki boltann!

Geggjuð vippa frá Hildi og inná Andreu Rut. Hún finnur skotið seint og varnarmenn Hamranna komast fyrir.

Þróttur fær horn en aftur eru gestirnir sterkar í loftinu og koma boltanum frá.

Þróttur fær aukaspyrnu úti hægra megin. Gullfóturinn Þórkatla smellir boltanum á nærsvæðið en Hamrarnir koma þessu frá.

Þróttarar að herða tök sín á leiknum.

Nú rétt í þessu átti Hrefna Guðrún skot rétt framhjá eftir að hafa fengið sendingu út í teiginn.

Hefði átt að gera betur þarna. Fínasti séns.

Karen María með ágæta tilraun frá hægri. Leikur á Sóley og nær skoti sem Kori misreiknar en fer aðeins framhjá.

Hamrarnir fá hornspyrnu sem Karen María tekur. Setur háan bolta út í teig í áttina að Örnu sem hittir boltann ekki almennilega. Átti að gera betur þarna.

Færi og fjör!

Þær eru ekki lengi að svara óskum áhorfenda. Elísabet Eir flikkar boltanum upp í hægra hornið með góðum skalla. Guffa setur boltann fyrir þar sem Andrea Rut mætir grimm. Leikur á varnarmann með skemmtilegum hreyfingum en nær ekki að klára framhjá Hörpu sem gerir virkilega vel í að verja.

Þróttarar halda pressu og litlu má muna að Guffa nái skoti úr teignum en Hamrarnir koma boltanum frá.

Við lýsum eftir færum og fjöri. Þetta er frekar rólegt þessar mínúturnar.

Engin opin færi í þessu ennþá en bæði lið búin að eiga ágætis sénsa á að búa eitthvað til.

Þróttarar fá hornspyrnu. Þórkatla snýr fínum bolta fyrir markið en Andrea Dögg gerir vel í að skalla frá.

Stuttu síðar fær Andrea skotséns í vítateig Þróttar en Kori sér við henni.

Þetta er teiganna á milli hér eftir markið. Bæði lið að reyna að finna taktinn á blautu gervigrasinu.