Byrjunarliðin eru komin og því miður er enginn Kári Árna í liði Víkinga í dag eins og margir vonuðust eftir. Bæði lið gera þrjár breytingar á liði sínu. Glenn-vélin, Börkurinn og Valdi Ingimundar koma inn í lið Fylkis á kostnað Odds Inga, Hákons Inga og Geira Arnþórs.

Hjá Víkingum er Jörgen Richardsen meiddur og Arnþór Ingi í banni og einnig er Gunnlaugur Hlynur utan hóps líklega vegna meiðsla. Inn koma þeir Sindri Scheving, Gunnlaugur Fannar og Nikolaj Hansen.

Leikurinn fer þvi miður fram í Egilshöllinni þar sem menn eru ekki í neinni yfirvinnu við að leggja gervigras á Floridana-völlinn og stefnir allt í að Fylkir komist ekki á hann fyrr en undir lok tímabils.

Óli Skúla fær leikheimild 15.Júlí og er því ekki með í dag. Kári Árna er hins vegar með leikheimild og gæti spilað sinn fyrsta leik fyrir Víkinga í kvöld, ég vonast til að fá að sjá Kára í kvöld enda einn okkar besti hafsent síðustu 10 ár.

Fylkir komust yfir gegn Fjölni á 86. Mínútu í síðasta leik en töpuðu samt 2-1 sem verður að teljast lélegt. Víkingur fór ekki yfir miðju nema einu sinni gegn KR i síðasta leik en sóttu samt stigin 3 í Vesturbæinn þar sem Andreas Larsen lokaði rammanum í 1-0 sigri.

Þessi leikur er svo sannarlega 6 stiga leikur, Fylkir er í fallsæti með 11 stig en pakkinn er þéttur og þeir senda Fjölni í fallsæti með sigri í kvöld. Víkingur er með einu stigi meira í 9.sætinu en ef þeir vinna fara þeir í 5.sætið uppfyrir KR.

Góða kvöldið og verið velkomin í beina textalýsingu frá leik Fylkis og Víkings í Pepsí-deild karla.