Þór/KA
3
1
Stjarnan
Ariana Calderon '22 1-0
Anna Rakel Pétursdóttir '49 2-0
Sandra María Jessen '59 3-0
3-1 Anna María Baldursdóttir '76
10.07.2018  -  18:00
Þórsvöllur
Pepsi-deild kvenna
Aðstæður: Svolítill vindur, þurrt og skýjað
Dómari: Aðalbjörn Heiðar Þorsteinsson
Maður leiksins: Ariana Catrina Calderon
Byrjunarlið:
Johanna Henriksson
4. Bianca Elissa
5. Ariana Calderon
9. Sandra Mayor
10. Sandra María Jessen (f)
10. Anna Rakel Pétursdóttir ('78)
11. Arna Sif Ásgrímsdóttir (f)
21. Lillý Rut Hlynsdóttir
22. Hulda Ósk Jónsdóttir
24. Hulda Björg Hannesdóttir ('78)

Varamenn:
1. Harpa Jóhannsdóttir (m)
25. Helena Jónsdóttir (m)
25. Sara Mjöll Jóhannsdóttir (m)
2. Rut Matthíasdóttir ('78)
8. Lára Einarsdóttir ('78)
14. Margrét Árnadóttir
25. Heiða Ragney Viðarsdóttir ('70)

Liðsstjórn:
Halldór Jón Sigurðsson (Þ)
Andri Hjörvar Albertsson (Þ)
Ágústa Kristinsdóttir
Siguróli Kristjánsson
Ingibjörg Gyða Júlíusdóttir

Gul spjöld:

Rauð spjöld:
Leik lokið!
90. mín
Hulda Ósk með skot, langt yfir. Þetta er að fjara út og ekki verður mjög miklu bætt við geri ég ráð fyrir.
87. mín
Stjörnukonur með fyrirgjöf sem endar í slánni, Johanna rétt nær að blaka honum í slá. Þær eru að setja pressu á Þór/KA!
87. mín
Anna María á skot í slá, aftur frá miðjuboganum! Þær vilja láta reyna á Johönnu með þessum langskotum eins mikið og hægt er.
84. mín
Inn:Kolbrún Tinna Eyjólfsdóttir (Stjarnan) Út:Þórdís Hrönn Sigfúsdóttir (Stjarnan)
83. mín
Sandra María með ágætis skot en það er samt sem áður auðvelt fyrir Birnu í marki Stjörnunnar. Leikurinn jafn síðustu mínútur.
78. mín
Inn:Lára Einarsdóttir (Þór/KA) Út:Anna Rakel Pétursdóttir (Þór/KA)
78. mín
Inn:Rut Matthíasdóttir (Þór/KA) Út:Hulda Björg Hannesdóttir (Þór/KA)
78. mín
Írunn með frábæra fyrirgjöf frá hægri og inn í teig, Þórdís nær ekki að skalla boltann almennilega og hann fer yfir. Meira líf í Stjörnunni núna!
76. mín MARK!
Anna María Baldursdóttir (Stjarnan)
Skora beint úr aukaspyrnu frá miðjuboganum!! Johanna fær boltann yfir sig og nær ekki að slá hann í burtu. Fáum við spennu í leikinn?
76. mín
Inn:Bryndís Björnsdóttir (Stjarnan) Út:Guðmunda Brynja Óladóttir (Stjarnan)
70. mín
Inn:Heiða Ragney Viðarsdóttir (Þór/KA) Út:Andrea Mist Pálsdóttir (Þór/KA)
70. mín
Írunn reynir skot af um 30 metra færi, en langt framhjá. Skil ekki hvað hún var að reyna þarna.
67. mín
Arna Sif bjargar ótrúlega! Guðmunda Brynja kemst innfyrir og tekur sprettinn að markinu, Sandra eltir hana og Johanna nær að hægja á Guðmundu sem snýr hana bara af sér og reynir skotið. Þar er Arna Sif mætt og lokar á skotið. Guðmunda Brynja kveinkar sér eftir þetta og fær aðhlynningu á vellinum.
63. mín
Aftur á Hulda Björg fyrirgjöf, nú er boltinn hár og Birna fer út til að reyna að grípa boltann. Sandra María stekkur upp með henni, Birna nær ekki að handsama boltann en Stjörnukonur hreinsa.
61. mín
Fráááábær fyrirgjög frá Huldu Björgu, setur hann lágan á fjær þar sem Sandra María kemur á ferðinni en nær ekki að stýra boltanum inn. Er Stjarnan búin að gefast upp?
59. mín MARK!
Sandra María Jessen (Þór/KA)
Stoðsending: Sandra Mayor
Sandra María Jessen fær hér frábæra stungusendingu frá nöfnu sinni Mayor og klárar vel. Set stórt spurningamerki við varnarleikinn hjá Önnu Maríu sem renndi sér niður og reyndi við boltann en átti aldrei séns. Eftirleikurinn auðveldur fyrir Söndru.
56. mín
Hulda Ósk fer illa með gott færi, reynir flugskalla þegar boltinn skoppar í teignum eftir fyrirgjöf frá Mayor en hún nær engum krafti í skallann og Birna ver þetta þægilega.
54. mín
Guðmunda Brynja reynir skot af 30 metra færi úr aukaspyrnu en hittir ekki markið. Ætlaði að nýta sér það að Johanna er ekki mjög hávaxinn, en skotið var slappt.
52. mín
Sandra Mayor með frábært skot með vinstri, og er hægra megin í teignum. Boltinn fer í slánna og enginn nær að fylgja eftir. Þór/KA konur vilja fleiri mörk!
49. mín MARK!
Anna Rakel Pétursdóttir (Þór/KA)
Stoðsending: Sandra Mayor
Frábært mark hjá Þór/KA!!! Sandra kemur sér inn í teiginn og upp að endamörkum, sendir vippu fyrir markið og þar kemur Anna Rakel á siglingu og skallar boltann í markið.
47. mín
Hér var Hulda Ósk við það að sleppa í gegn en Brittany Lea Basinger kemur sér framfyrir hana og nær að koma boltanum í burtu.
45. mín
Leikur hafinn
Byrjum þetta aftur. Engar breytingar í hálfleik.
45. mín
Hálfleikur
45. mín
Þórdís Hrönn í góðu færi! Sleppur inn fyrir, fær góða stungusendingu frá Láru Kristínu og reynir svo fyrirgjöf sem Johanna handsamar.
45. mín
Þórdís Hrönn með skot og loksins einhver kraftur í því! Fer rétt framhjá, en þetta var svosem aldrei á leiðinni á markið. Líklegra en skotin hingað til samt sem áður. Auglýsum eftir meira svona frá báðum liðum, þetta hefur heldur betur róast!
41. mín
Gróft brot hjá Þórdísi Hrönn! Hún negli hér í bakið á Ariönu sem fær smá hnykk á hálsinn og fellur við. Dómarinn sleppir spjaldinu, hér hefði það vel mátt vera gult. Það var akkúrat ekkert sem réttlætti þetta brot, boltinn langt í burtu.

Ariana stendur svo upp og er ekkert spennt fyrir því að taka í höndina á Þórdísi.
38. mín
Á sama tíma er vörnin nokkuð þétt hjá Stjörnunni og miðjunni gengur ágætlega að halda boltann og vinna hann af Þór/KA sem reynir að sækja á mörgum leikmönnum.

Í þessum skrifuðu á Þórdís Hrönn ágætis skot á markið sem Johanna ver, hennar fyrsta alvöru varsla í dag.
38. mín
Guðmunda Brynja tekur hér stórundarlega ákvörðun. Pressulaus, ákveður hún að láta vaða á markið af 30 metrum án þess að vera í alvöru skotstöðu. Skotið eftir því, langt, langt framhjá. Stjarnan nær ekki að skapa sér nein alvöru færi og ekkert hefur reynt á Johönnu Henriksson í marki Akureyringa.
34. mín
Írunn Þorbjörg hefur nú í tvígang verið ein með boltann á miðjunni en gefur slæmar sendingar inn fyrir vörnina hjá Þór/KA, ónákvæmar og þær skapa enga hættu. Slæmt fyrir Stjörnuna að missa boltann frá sér svona.
33. mín
Bianca Elissa á hér frábæra aukaspyrnu frá vinstri kanti, sem siglir í gegnum pakkann og framhjá fjærstönginni. Þarna þurfti bara smá pot í rétta átt og boltinn hefði legið í netinu!!
25. mín
Ásgerður Stefanía á hér skot að marki Þórs/KA, á vítateigslínunni en hittir boltann ekki vel og boltinn fer vel framhjá markinu.
22. mín MARK!
Ariana Calderon (Þór/KA)
Heimakonur skora úr hornspyrnunni, við gefum Ariönu þetta mark en það leit svolítið út fyrir að geta verið sjálfsmark líka. Það var að minnsta kostið mikið klafs á teignum og það virðist vera sem svo að Ariana hafi náð að skalla boltann inn.

Þær fagna Ariönu mikið og hún fagnar sjálf, svo auðvitað fær hún þetta á skráð á sig þangað til annað kemur í ljós.
21. mín
Akureyringar aðgangsharðir þessa stundina, eiga hér hornspyrnu.
20. mín
Hér skall hurð nærri hælum! Anna Rakel með frábæra stungusendingu inn fyrir á Söndru Maríu sem reynir að pota boltanum framhjá Birnu í markinu sem var komin langt út fyrir teig. Hún missti boltann þó of langt frá sér og Stjörnukonur náðu að koma sér fyrir boltann á endann og hreinsa í burtu.
19. mín
Önnur fyrirgjöf, nú frá Mayor og boltinn endar á fjærstönginni hjá Söndru Maríu sem neglir hátt yfir.
18. mín
Bianca Elissa með langa fyrirgjöf og boltinn skoppar inni í teignum og næstum inn, en Birna blakar boltanum afturfyrir.
17. mín
Þór/KA hefur verið meira í sókn síðustu mínúturnar án þess að skapa sér alvöru færi þó.
12. mín
Þór/KA með gott færi. Hulda Björg á hér bylmingsskot að marki en Birna gerir vel í markinu, ver og heldur boltanum.
8. mín
Inn:Birna Jóhannsdóttir (Stjarnan) Út:Harpa Þorsteinsdóttir (Stjarnan)
Ekki góðar fréttir fyrir Stjörnuna. Harpa fer út af meidd, stingur við á leiðinni út af en ég sá ekki hvað það var sem gerðist.
6. mín
Harpa Þorsteinsdóttir á hér fyrstu alvöru marktilraunina en skóflar boltanum langt yfir. Leikurinn byrjar rólega, bæði lið að þreifa fyrir sér.
1. mín
Leikur hafinn
Þetta er farið af stað! Stjarnan byrjar gegn vindinum, það hefur þó aðeins lægt síðasta hálfleikinn.
Fyrir leik
Eins og fram hefur komið þá verður Telma Hjaltalín Þrastardóttir ekki með Stjörnunni í dag og það er skarð fyrir skildi. Skoraði fjögur mörk í síðasta leik og var valin leikmaður umferðarinnar. Katrín Ásbjörnsdóttir verður heldur ekki með í dag, í þeirra stað koma inn Guðmunda Brynja Óladóttir og Íunn Þorbjörg Aradóttir.

Þór/KA teflir fram óbreyttu liði frá því í síðasta leik.
Fyrir leik
Framherjinn öflugi, Sandra María Jessen, virkaði ekki mjög ánægð með tímasetningu leiksins þegar fréttaritari .net hafði samband við hana í dag. Leikurinn er á sama tíma og undanúrslitaleikur Frakka og Belga á HM karla, kl. 18.

,,Það er hálfgalið að hafa leiki í Pepsi-deild kvenna á sama tíma og undanúrslitaleikurinn er, en það er ekkert annað í boði en að kyngja því. Það er um að gera að skella sér á leik í Pepsi deildinni, sleppa því að kíkja hvernig staðan er í undanúslitaleiknum og fara síðan heim og horfa á hann í tímaflakkinu,'' sagði Sandra María.
Fyrir leik
Þór/KA situr í öðru sæti deildarinnar, stigi á eftir Breiðablik og í bullandi toppbaráttu. Stjarnan er í fjórða sæti með sextán stig og verður að ná sigri hér í dag ef liðið ætlar sér í baráttuna um Íslandsmeistaratitilinn. Það yrði að sama skapi afskaplega sterkt fyrir Þór/KA að ná stigunum þremur og skilja Stjörnuna efti. Á sama tíma eigast hin toppliðin við þegar Valur og Breiðablik mætast. Það gætu því orðið sviptingar á toppnum í dag!
Fyrir leik
Góðan dag og velkomin í beina textalýsingu frá toppslag Þórs/KA og Stjörnunnar, á Þórsvelli. Aðstæðurnar hér eru kannski ekki beint þær bestu, hífandi rok gæti haft nokkuð mikil áhrif á leikinn en það á nú að lægja eitthvað með kvöldinu. Við þökkum þó fyrir að það er ekki rigning og skítakuldi í þokkabót.
Byrjunarlið:
25. Birna Kristjánsdóttir (m)
Harpa Þorsteinsdóttir ('8)
4. Brittany Lea Basinger
5. Írunn Þorbjörg Aradóttir
6. Lára Kristín Pedersen
7. Ásgerður Stefanía Baldursdóttir (f)
10. Anna María Baldursdóttir (f)
11. Guðmunda Brynja Óladóttir ('76)
16. María Eva Eyjólfsdóttir
17. Megan Lea Dunnigan
27. Þórdís Hrönn Sigfúsdóttir ('84)

Varamenn:
1. Berglind Hrund Jónasdóttir
4. Katrín Ósk Sveinbjörnsdóttir
9. Sigrún Ella Einarsdóttir
15. Kolbrún Tinna Eyjólfsdóttir ('84)
19. Birna Jóhannsdóttir ('8)
24. Bryndís Björnsdóttir ('76)
30. Katrín Ásbjörnsdóttir

Liðsstjórn:
Ólafur Þór Guðbjörnsson (Þ)
Ana Victoria Cate
Andrés Ellert Ólafsson
Einar Páll Tamimi
Viktoría Valdís Guðrúnardóttir
Róbert Þór Henn

Gul spjöld:

Rauð spjöld: