#Celebvaktinn Reynir Leósson sparkspekingurinn þjóðþekkti er mættur í stúkuna. KIDDI CASIO, Dóri Gylfa er mættur einnig what a legend.

Fyrir áhugsama og þá einungis þá sem eru áhugasamir þá er grenjandi rigning en hárið á Jóa Kalla hreyfist ekki. Hvaða gel er maðurinn að nota? Þeir sem hafa hugmynd um það eða vita það eru hvattir til að twitta á mig!

Liðin eru að hita upp út á velli. Þróttarar eru að taka gamla góða tvær línur og skokk meðfram keilum á meðan skagamenn henda í 7 metra sendingar á milli. Fæ vin minn tölfræði Gumma til að staðfesta þessa 7 metra á næstu mínútum.

Jæja byrjunarliðin eru bæði klár ekki veit ég hvað var í gangi hjá KSÍ eða ÍA en áfram gakk.

Hjá Þrótti byrjar hinn nýklippti Viktor Jónsson (Það var kominn tími á þetta viktor) ásamt Daða "Wonder touch" Bergssyni og Jasper Van Der Heyden.

Hjá ÍA byrjar ÞÞÞ eða skotmaskínan ásamt markahæsta leikmanni ÍA Steinari Þorsteins og Ragnari Leóssyni

Í dag eigast við tveir bræður í sitthvoru liðinu. Birkir Þór Guðmundsson og Arnór Snær Guðmundsson eru að fara mætast í kvöld í fyrsta skipti og hlakka ég til að sjá þá aðeins berjast jafnvel kýtast aðeins. Pabbi þeirra er mættur og spjallaði ég aðeins við hann í tjaldinu góða áðan og hann er í geggjaðri treyju! Hálf Þróttara treyja og hálf ÍA treyja. Hægt að sjá mynd neðar í textalýsingunni.

Þessi burger var í ruglinu góður! Vel djúsi með beikoni og piparosti hversu gott combo og einn ískaldur með honum. Elvar var ekki að ljúga að mér með gæði borgarans.

Byrjunarliðin eru greinilega ekki alveg klár eða jú byrjunarlið Þróttar er klárt. Byrjunarlið skagamanna er hinsvegar ekki komið inn á vef KSÍ

Ég er mættur í hjarta Reykjavíkur og bið eftir besta burger landsins samkvæmt Elvari Geir samstarfsfélaga mínum. Elvar klikkar sjaldan og hef ég enga trú á því að hann klikki á þessu.

Umgjörðin hjá Þrótti er til fyrirmyndar þetta veislu tjald sem þeir hafa hérna á svæðinu gæti rúmað svona 800 manns!

Risa hrós á Þrótt og umgjörð þeirra!

Liðin tvö sitja í öðru og sjötta sæti deildarinnar fyrir leikinn í kvöld og munar áþ eim 10 stigum.

Þróttur situr í því sjötta með 13 stig eftir fyrstu 10 umferðirnar með markatöluna 18:19. Þeir hafa átt hörmulegu gengi að fagna á heimavelli í sumar og tapað öllum 4 leikjunum sínum þar. Þeir hafa einungis skorað 3 mörk en fengið á sig 11 á heimavelli, það er alls ekki boðlegt í Laugardalnum.

ÍA sitja hinsvegar í öðru sæti deildarinar með 23 stig og með sigri fara þeir á toppinn fyrir ofan á Hk sem sitja þar með 25 stig. Varnarleikur skagamanna hefur verið sterkur og haf þeir einungis fengið á sig 5 mörk í sumar. Þeir hafa náð í 7 stig af 12 mögulegum á útivelli í sumar. En fyrsti og eini tapleikur þeirra hingað til kom á móti Víking Ó á útivelli

Góðan og margblessaðan daginn og verið velkomin í beina textalýsingu frá Inkasso ástríðunni. Í viðureign dagsins eigast við lið Þróttar og ÍA og hefst leikurinn klukkan 19:15 á Eimskipsvellinum.