Már Ingólfur Másson vallarþulur hér á Selfossi spáir 3-1 sigri heimamanna. Tokic þrenna og Hlynur Atli Magnússon með mark Fram.
Hann fær ferð í Pulló í verðlaun frá undirrituðum ef þetta verður rétt.

Það sem er líka að frétta er að Hrojve Tokic er kominn með leikheimild og verður einkar spennandi að sjá hann á vellinum í dag. Hann á auðvitað algera tröllatölfræði í Inkasso en Tokic skoraði eftirminnilega 12 mörk í 8 leikjum með Víking Ólafsvík hér um árið.

Það sem er hér að frétta af Selfossi í dag er vissulega það að veðurguðirnir leika við hvurn sinn fingur. Hér er hreinlega bongó! Vonandi fáum við jafn góðan leik og veðrið hér er.

Leikurinn er liður í 12. umferð Inkasso sem þýðir vissulega að liðin eru að hefja seinni umferðina. Selfoss situr nú í 9. sæti með 11 stig á töflunni en Fram er í því 6. með 14 stig. Selfoss getur því náð Fram að stigum með sigri í kvöld.

Góðan daginn kæru lesendur Fótbolti.net um heim allan! Hér mun fara fram textalýsing fyrir leik Selfoss og Fram sem fram fer í kvöld á JÁVERK-vellinum.