Jæja liðin ganga hér til leiks og það styttist í þessa Pepsí Veislu. Vallarþulurinn er klár og ef að fólk er að reyna átta sig á hvaðan þau þekkja þá rödd þá hefur Ómar vallarþulur verið duglegur í Karíókí á Sæta svíninu undanfarnar helgar.

Liðin eru mætt út á völl til að hita upp. HK/Víkingur er í skemmtilegum teygjuæfingum á meðan Þór/KA taka tvær línur og skokka fram og til baka. Dómaratríóið er einnig mætt en það er óvenju myndarlegt í dag. Arnar Ingi Ingvarsson er á flautunni og honum til aðstoðar eru Elvar Smári Arnarsson og Bergur Daði Ágústsson!

Skemmtileg staðreynd: Þór/KA og HK/Víkingur áttust við í 2 flokki kvenna síðastliðin föstudag þar sem Þór/KA fór með 2-1 sigur af hólmi. Athygli vekur að Hulda Björg Hannesdóttir sem spilar öllu jafna í hægri bakverði hjá Þór/KA var í markinu í þeim leik. Hún kannski bregður sér í markið ef allt færi á versta veg hér í dag.

Veðurspá dagins: Það er geggjað fótbolta veður. Þæginlegur hiti og skúrir inn á milli völlurinn er blautur og ég sver það mig langar bara í eina iðnaðartæklingu á honum hann lítur svo vel út.

En að öðru, það er gjörsamlega galið þegar karla og kvennalið félags spila á sama tíma líkt og gerist núna þegar Valur og Víkingur spila á Hlíðarenda í karlaboltanum klukkan 16:00 og HK/Víkingur - Þór/KA er á sama tíma hérna í Víkinni klukkan 16:00 það er gjörsamlega galið. Ég hvet fólk til að mæta í Víkina og horfa á geggjaðan knattspyrnuleik.

Byrjunarliðin eru klár og má sjá þau hér til hliðar.

Í liði HK/Víkings byrjar hin Tyrkneska Kader Hancar sem er eitt stykki gæðaleikmaður í fyrsta sinn í liði HK/Víkings. Tækniséníið Hildur Antonsdóttir er á miðjunni og vinnuþjarkurinn Margrét Sif Magnúsdóttir er út á kantinum.

Í liði Þór/KA byrjar markahæsti leikmaður pepsí deildar kvenna Sandra María Jessen en hún hefur verið á eldi í sumar. Arna Sif Ásgrímsdóttir er á sínum stað í vörninni ásamt Önnu "Bekcham" Rakel Pétursdóttir en hún átti stórleik gegn Grindavík í síðustu umferð.
Það eru einungis 5 varamenn hjá Þór/KA og enginn varamarkmaður.

Leikmenn til að fylgjast með í dag.

HK/Víkingur: Kader Hancar númer 99, þessi stelpa kom inn á gegn FH í sínum fyrsta leik í síðustu umferð og sú kann fótbolta. Hún lagði upp eitt mark go skoraði svo annað ásamt því að leika sér bara á köflum að varnarmönnum FH. Hún hefur alla burði til að ná langt og frábært fyrir deildina að hún skuli spila á Íslandi. Kader er frá Tyrklandi og er með eina stærstu wikipedia síðu sem ég hef séð hjá kvennaleikmanni hvað þá miða við aldur. Læt link fylgja með fyrir áhugsama

Wikipedia síða Kader Hancar

Þór/KA: Sandra María Jessen er þekkt stærð í boltanum en hún er markahæst í deildinni fyrir þessa umferð með 10 mörk og hefur verið gjörsamlega á eldi í sumar. Hún er hröð með mikla tækni og klárar færin sín vel. Hún hefur bætt leik sinn stöðugt og var til að mynda á láni hjá tékkneska liðinu Slavia Prag í vetur. Sandra er einnig fyrirliði Þór/KA.

Aðrar sem gaman er að fylgjast með
Hildur Antonsdóttir #26 (HK/Víking)
Margrét Sif Magnúsdóttir #5(HK/Víking)
Fatma Kara #91 (HK/Víking)

Anna Rakel Pétursdóttir #10 (Þór/KA)
Andrea Mist Pálsdóttir #26 (Þór/KA)
Hulda Björg Hannesdóttir #24 (Þór/KA)

HK/Víkingur hefur komið mörgum á óvart í sumar og sitja í 5.sæti deildarinnar og verður að hrósa liðinu og þjálfaranum Þórhalli Víkingssyni fyrir flottan árangur það sem af er sumri. Þær eru með 13 stig, 4 sigra, 1 jafntefli og 5 töp og hafa heilt yfir verið að spila mjög vel og gefið öllum stóru liðunum leik.

Þór/KA sitja hinsvegar í öðru sæti en geta farið á toppinn með sigri alla vega tímabundið. Þær hafa ekki ennþá tapað leik í sumar og eru með 8 sigra og tvö jafntefli ásamt því að markatalan er óhugnalega góð 26:3.

Komiði sæl og verið hjartanlega velkominn í beina textalýsingu frá 11.umferð Pepsí deildar kvenna þar sem við eigast lið HK/Víkings og Þór/KA á velli hamingjunar í Fossvoginum.