Leikmenn eru mættir á völlinn ásamt Peppa sem að stígur nokkur vel valin spor við lagið Carneval de Paris. Frábært lag og frábær Peppi. Þetta fer að hefjast.

Mér hefur eitthvað orðið á í messunni en KR-ingar gera að sjálfsögðu tvær breytingar á liði sínu en ekki bara eina. Morten Beck fór meiddur af velli gegn Fylki og er ekki með í dag. Arnór Sveinn Aðalsteinsson kemur inní liðið í staðinn. Afsakið þetta, ég lofa að þetta gerist aldrei aftur.

Fimm mínútur í leik og mætingin á völlin er til skammar. Menn tala um vondan leiktíma en ég ætla mér ekki að dæma um það. Sjáum vonandi fleiri tínast í stúkuna á næstu mínútum.

Það er örlítill rigningaúði í Vesturbænum í dag en það eru einmitt fullkomnar aðstæður fyrir alvöru stórleik. Ég býst við alvöru djöfulsins hörku á Alvogenvellinum í dag.

Byrjunarliðin fyrir þennan stórleik eru nú klár. Heimamenn gera eina breytingu á liði sínu frá 5-2 sigrinum gegn Fylki í síðustu umferð. Albert Watson kemur út og í hans stað kemur Gunnar Þór Gunnarsson.

Stjörnumenn gera einnig eina breytingu á liði sínu frá síðasta deildarleik sínum gegn Keflavík. Ævar Ingi Jóhannesson kemur út og inn í hans stað kemur Þorsteinn Már Ragnarsson.

Markahæsti leikmaður heimamanna er Húsvíkingurinn reyndi Pálmi Rafn Pálmason en hann hefur skorað sjö mörk það sem er af móti. Hjá Stjörnunni er Hilmar Árni Halldórsson markahæstur með 13 mörk en hann er jafnframt markahæsti leikmaður deildarinnar. Fólk er byrjað að leyfa sér að tala um markametið fræga sem á fullan rétt á sér ef þið spyrjið mig.

Stjörnumenn spiluðu gegn Nomme Kalju í Eistlandi síðastliðinn fimmtudag í undankeppni Evrópudeildarinnar. Sá leikur tapaðist 1-0 en það kom ekki að sök þar sem að Stjarnan rúllaði yfir þá 3-0 á heimavelli og komust því nokkuð þægilega áfram. Næsti andstæðingur liðsins er danska stórveldið FCK. Gæti verið smá þreyta í Garðbæjingum í dag.

KR-ingar gerðu góða ferð í Egilshöllina í síðustu umferð en þar unnu þeir Fylki 5-2. Andre Bjerregaard og Pálmi Rafn skoruðu sitthvor tvö mörkin og Kennie Chophart gerði eitt.

Síðasti leikur Stjörnumanna í deildinni var gegn Keflavík en sá leikur vannst 2-0. Guðmundur Steinn Hafsteinsson og Hilmar Árni Halldórsson sáu um að skora mörkin.

Komiði sæl og blessuð og veriði hjartanlega velkomin í þessa beinu textalýsingu á leik KR og Stjörnunnar í Pepsi-deild karla.

Leikurinn verður spilaður á Alvogenvellinum í Vesturbænum klukkan 17:00. Heimamenn í KR eru í sjötta sæti deildarinnar með 17 stig á meðan Stjörnumenn tróna á toppi deildarinnar með 25 stig.