Jæja góðir hálsar liðin hafa lokið upphitun og halda til búningsklefa! Þessi leikur er risastór fyrir bæði lið og ljóst að það lið sem tapar í dag situr aðeins eftir á botninum.

Hvernig leggja liðin þennan leik upp? Munu þau verjast eða pressa? Þetta verður afskaplega fróðleg skák þjálfaranna.

Jæja loksins alvöru lag "Allez ola olé" Franska Eurovision lagið er að kveikja aðeins í þessu hérna.

Kolleggi minn frá MBL var að mæta á svæðið og eftirlitsdómarinn er sestur hjá okkur. Við vorum samt að átta okkur á því að það er drykkjar og matarlaust hjá okkur í boxinu en kolleggi minn hjá MBL segist þurfa sitt daglega koffín.

Liðin eru mætt út á völl til að hita upp. Nokkrar af FH-stelpunum eru mættar í vallarþuls klefann að stjórna tónlistinni ég hef smá áhyggjur af tónlistarvalinu. En vonandi tekur Eva Núra þetta yfir þá ættum við að detta í skemmtilegri lög.

Að öðru stórvinur minn Gummi "Tölfræði" var að senda mér skilaboð og benda mér á að hann hafi aldrei séð jafn vel málaðan völl og í Kaplakrika í dag. Línurnar eru þráðbeinar og í hárréttri þykkt samkvæmt honum.

Byrjunarliðin eru klár og má sjá þau hér til hliðar!

Athygli vekur að það eru einungis 5 leikmenn á varamannabekk FH en þær hafa verið að glíma við meiðsli ásamt því að Eva Núra er í banni í dag.

Hjá FH byrjar Sleggjan Guðný Árnadóttir í vörninni. Umferðastjórinn Halla Marínós er á miðjunni ásamt Jasmín "Eagle Eye" Erlu Ingadóttir.

Hjá KR byrjar ellismellurinn Lilja Dögg Valþórsdóttir í sínum 200 leik í efstu deild. Katrín "tæknireitur" Ómarsdóttir er á miðjunni og Shea Connors leiðir framlínuna!

Veðurspáinn í dag: Það er léttskýjað en geggjaðar aðstæður til knattspyrnu iðkunar. Kaplakrika-völlur skartar sínu fegursta og ég hvet áhorfendur til að mæta á völlinn. Enginn úlpa því það er sumar og gaman! Loforð

Lilja Dögg Valþórsdóttir leikmaður KR og elsti leikmaður deildarinnar gæti spilað sinn 200 deildar leik í efstu deild í dag. Lilja hefur spilað með KR, Val, Breiðablik, Aftureldingu, Þór/KA/KS og Stjörnunni í efstu deild kvenna. Lilja er þekktari fyrir varnarleik sinn fremur en sóknarleik en hún hefur skorað 9 mörk í efstu deild í 199 leikjum. Lilja er fædd á því herrans ári 1982 en hún ákvað að taka skóna af hillunni fyrir þetta tímabil eftir að hafa lagt þá á hilluna árið 2016. Sumarið sem skórnir voru á hillunni gat hún þó ekki slitið sig frá fótbolta og gerðist penni á .net - og fékk mikiið hrós fyrir sín störf þar.

Leikmenn til að fylgjast með

FH: Jasmín Erla Ingadóttir #8 var lengi að ná sér á strik í sumar en hefur verið að koma sterk inn í síðustu leikjum. Jasmín er með frábæran leikskilning og er góð í að finna svæði á milli varnar og miðju andstæðinganna. Jasmín gæti sært KR í dag

KR: Ný sjálendingurinn Betsy Hassett #10 er kannski ekki mikill markaskorari en hún getur svo sannarlega skapað hættu í hvert skipti sem hún fær boltann. Hún er lítil og nett með virkilega flottar hreyfingar og skapar færi fyrir samherja sína. Sóknarleikur KR þarf að treysta mikið á hana en hún hefur ekki ennþá náð sér almennilega´a strik í sumar. Hún er hörku leikmaður samt sem áður


Aðrar sem gaman er að fylgjast með
Guðný Árnadóttir #4 (FH)
Birta Georgsdóttir #18 (FH)
Helena Ósk Hálfdánardóttir #19 (FH)

Þórunn Helga Jónsdóttir #20 (KR)
Katrín Ómarsdóttir #7 (KR)
Jóhanna K Sigurþórsdóttir #17 (KR)

Þessi tvö lið sitja á botni deildarinnar með 6.stig og þurfa nauðsynlega á sigri að halda.

FH liðið hefur verið rosalega ólíkt sjálfu sér í sumar og bjuggust allir við því að þær yrðu mun ofar í töflunni á þessum tíma árs en þær hafa ekki náð sér á strik ásamt því að hafa lent í mikið af leiðinlegum meiðslum.

KR hafa hinsvegar verið að spila ágætlega en vandamál þeirra liggur fyrst og fremst í sóknarleiknum. Þær hafa einungis skorað 9 mörk í 11 leikjum og virka oft bitlausar fram á við á meðan varnarleikur þeirra getur verið frábær. Þær hafa samt fengið á sig 24 mörk en það segir ekki alla söguna um leiki þeirra í sumar.

Góðan Daginn og verið hjartanlega velkomin í beina texta lýsingu frá Kaplakrika þar sem fram fer leikur FH og KR í Pepsi deild kvenna og hefst leikurinn klukkan 14:00