Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Magni
2
1
Haukar
Lars Óli Jessen '42 1-0
1-1 Arnar Aðalgeirsson '63
Bjarni Aðalsteinsson '71 2-1
28.07.2018  -  16:00
Grenivíkurvöllur
Inkasso deildin - 1. deild karla
Aðstæður: Mikil rigning, logn og völlurinn blautur og þungur
Dómari: Arnar Þór Stefánsson
Maður leiksins: Bjarni Aðalsteinsson
Byrjunarlið:
13. Steinþór Már Auðunsson (m)
4. Sveinn Óli Birgisson (f)
6. Jón Alfreð Sigurðsson ('67)
9. Gunnar Örvar Stefánsson
10. Lars Óli Jessen ('77)
15. Ívar Örn Árnason
16. Davíð Rúnar Bjarnason
17. Kristinn Þór Rósbergsson
20. Sigurður Marinó Kristjánsson
29. Bjarni Aðalsteinsson
30. Agnar Darri Sverrisson ('90)

Varamenn:
3. Þorgeir Ingvarsson
8. Arnar Geir Halldórsson
14. Ólafur Aron Pétursson
18. Jakob Hafsteinsson ('77)
18. Ívar Sigurbjörnsson ('67)
19. Marinó Snær Birgisson
21. Oddgeir Logi Gíslason
26. Brynjar Ingi Bjarnason ('90)

Liðsstjórn:
Páll Viðar Gíslason (Þ)
Hjörtur Geir Heimisson
Baldvin Ólafsson
Andrés Vilhjálmsson
Reginn Fannar Unason
Anton Orri Sigurbjörnsson

Gul spjöld:
Jón Alfreð Sigurðsson ('18)
Gunnar Örvar Stefánsson ('49)

Rauð spjöld:
Leik lokið!
Magni vinnur hér afar kærkominn sigur, í leik sem hefði allt eins getað endað í jafntefli!
90. mín
Inn:Brynjar Ingi Bjarnason (Magni) Út:Agnar Darri Sverrisson (Magni)
90. mín
HVAÐ ER AÐ GERAST!! Ég get ekki hætt að skrifa í hástöfum. Nú kemst Arnar einn inn í teig á móti Steinþóri, setur boltann í gegnum klofið en kattliðugur nær Steinþór að setja höndina aftur fyrir sig og ver! Magni hreinsar í horn, lítið kemur úr því.
90. mín
AFTUR SVAKA KLÚÐUR! Jakob Hafsteins var upp úr þurru kominn einn á móti markmanni með allan tímann í heiminum en Óskar ver frábærlega.
89. mín
Liðin skiptast á löngum boltum núna, sem ekkert kemur út úr.
85. mín
Inn:Elton Renato Livramento Barros (Haukar) Út:Þórður Jón Jóhannesson (Haukar)
82. mín
Þetta gætu orði hressandi lokamínútur. Haukar voru í ágætissókn en dæmd rangstaða.
79. mín
Enn er Gunnar Örvar með góðan skalla, nú eftir hornspyrnu frá Bjarna en Gunnar setur boltann yfir.
77. mín
Inn:Jakob Hafsteinsson (Magni) Út:Lars Óli Jessen (Magni)
71. mín
Inn:Ísak Atli Kristjánsson (Haukar) Út:Davíð Sigurðsson (Haukar)
71. mín MARK!
Bjarni Aðalsteinsson (Magni)
Stoðsending: Gunnar Örvar Stefánsson
Við fáum bara flott mörk í dag! Gunnar fær boltann á vinstri kanti, sendir inn á miðjuna á Bjarna sem snýr sér að markinu, tekur tvær snertingar og lætur vaða. Skotið þéttingsfast meðfram blautum vellinum og endar í markinu niðri vinstra megin, Bjarni var vel fyrir utan teiginn.
69. mín
Ívar Örn á hér tvo skot í varnarmann með stuttu millibili, eftir aukaspyrnu inn í teiginn frá vinstri. Hurð nærri hælum fyrir Hauka!
67. mín
Inn:Frans Sigurðsson (Haukar) Út:Þórhallur Kári Knútsson (Haukar)
67. mín
Inn:Ívar Sigurbjörnsson (Magni) Út:Jón Alfreð Sigurðsson (Magni)
63. mín MARK!
Arnar Aðalgeirsson (Haukar)
Stoðsending: Þórhallur Kári Knútsson
Þetta var mjög vel gert hjá Haukum. Færðu boltann frá vinstri yfir á hægri kant til Þórhalls, sem tók boltann með sér og sendi fast og lágt fyrir. Þar kom Arnar á fullri ferð, renndi sér í boltann og stýrði honum inn.
59. mín
Þórhallur Kári afrekar það að taka hornspyrnu og setja boltann aftur fyrir endalínu áður en hann nær inn í teig. Ekki algeng sjón.
56. mín Gult spjald: Davíð Sigurðsson (Haukar)
Brýtur hér á Bjarna, alltof seinn í tæklinguna.
54. mín
Þórhallur Kári fær boltann á fjærstöng og setur boltann þægilega í hendurnar á Steinþór, hann hefði klárlega átt að geta gert betur þarna. Var ekki viss um að hann myndi fá boltann kannski, en á að gera betur.
53. mín
Kristinn Þór á hér skot langt yfir. Magni alveg líklegur til að bæta við mörkum.
50. mín
HVERNIG FÓR ÞESSI EKKI INN?? Gunnar Örvar er einn og óvaldaður á vítapunktinum, fær þægilega sendingu meðfram jörðinni frá Kristni en skýtur svo bara langt framhjá. Ótrúlegt klúður.
49. mín Gult spjald: Gunnar Örvar Stefánsson (Magni)
Rennir sér í fæturnar á Gunnar Gunnars, sem lá óvígur um tíma eftir utanvallar. Var alltof seinn, með takkana of hátt uppi. Verðskuldað.
48. mín
Kristinn Þór með fína fyrirgjöf frá hægri á pönnuna á Gunnar Örvari sem skallar beint í fangið á Óskari.
47. mín
Arnar Aðalgeirs með undarlega marktilraun, mér fannst boltinn nú alveg líklegur til að enda inni en Steinþór stóð bara og horfði. Boltinn endaði sem betur fer fyrir hann ofan á þaknetinu.
45. mín
Leikur hafinn
45. mín
Hálfleikur
45. mín
Davíð Sigurðsson vinnur boltann aftarlega á vallarhelmingi Magna, hleypur aðeins upp og hleður í skotið en boltinn fer framhjá.
45. mín
Arnar Aðalgeirs liggur hér og heldur um andlitið eftir viðskipti við Sigurð Marinó. Leit sakleysislega út og ekkert dæmt, en Magni sparkar út af. Arnar stendur upp og heldur leik áfram.
42. mín MARK!
Lars Óli Jessen (Magni)
STÓRKOSTLEGT MARK!! Boltinn kemur skoppandi til Lars, sem tekur hann á lofti og lúðrar í fallegum litlum boga rétt undir slánna. Eitt af mörkum ársins í Inkasso, það er bara þannig!
37. mín
DAUÐAFÆRI HJÁ HAUKUM! Steinþór kemur út á móti Arnari sem er kominn einn í gegn, og nær að tækla boltann útaf. Stórkostleg björgun hjá Steinþóri!
34. mín
Arnar Aðalgeirs skorar, en er dæmdur rangstæður. Steinþór var kominn framarlega í teignum og bara einn varnarmaður var á milli Arnars og marksins. Rétt dæmt, en Arnar skiljanlega ósáttur. Ég þurfti sjálfur að rifja upp regluverkið.
33. mín
Flott fyrirgjöf frá Arnari Aðalgeirs, sem Steinþór slær út í teiginn. Haukar ná ekki að gera sér mat úr því, renna á rassin á blautum vellinum. Ekki í fyrsta sinn sem þetta gerist í dag, en aldrei eru Haukar mættir í seinni bylgjunni.
32. mín
Bjarni Aðalsteins með ágætis fyrirgjöf, þar rís Gunnar Örvar hæst en skallar boltann yfir.
27. mín
Haukur Ásberg á hér skot vel utan fyrir teig og boltinn svífur ekki mjög langt frá stönginni. Hann hefur verið mjög líflegur það sem af er leik, sífellt að reyna að búa eitthvað til með ágætis árangri.
26. mín
Þetta hefur verið nokkuð tíðindalítið síðustu mínútur, en Haukar hafa náð að hægja á Magnamönnum og átt nokkra góða spretti en engin færi. Þurfa að vera beittari fram á við.
19. mín
Jón Alfreð braut þarna klaufalega á Arnari Aðalgeirs, eftir laglegt samspil hans við Hauk. Aukaspyrnan rétt utan við teig Magna, en skotið hjá Gunnari fer framhjá. Ágætis tilraun.
18. mín Gult spjald: Jón Alfreð Sigurðsson (Magni)
17. mín
Bjarni með GEGGJAÐA fyrirgjöf á Lars Óla, sem skallar boltann fast niður í jörðina og á markið. Óskar með frábæra vörslu hinsvegar og grípur svo í kjölfarið hornspyrnuna auðveldlega. Magnamenn aðgangsharðari enn sem komið er!
16. mín
Indriði Áki með fína stungu inn á Hauk Ásberg, en Steinþór er fljótur af línunni og handsamar knöttinn.
13. mín
Gunnar Örvar með þrumuskot, beint í Gunnar sem fær boltann í höndina og þaðan í andlitið. Ekki gott! Magnamenn vildu fyrst víti, en það var veik von.
13. mín
Hér á Þórður Jón sniðuga sendingu inn á Indriða sem er að vísu rangstæður, Þórhallur Kári kom aðvífandi og sagði Indriða að láta boltann vera en hann hlustaði ekki og er dæmdur rangstæður.
10. mín
Eftir að hafa séð endursýningu, þá get ég sagt að þetta var aldrei víti. Aran gerði frábærlega í að komast í boltann á undan Agnari.
8. mín
DAUÐAFÆRI! Bjarni Aðalsteinsson gerir frábærlega í teignum hjá Haukum, tekur skærin og kemst í gott skotfæri. Óskar ver vel, út í teiginn og þar er Agnar Darri að reyna að ná til boltans en er í baráttu við varnarmann Hauka. Agnar vill meina að brotið hafi verið á sér en dómarinn er ósammála. Færi fer forgörðum og Magnamenn ósáttir. Þarna munaði nánast engu!
2. mín
Fyrsta marktilraunin, Kristinn Þór fær boltann vinstra megin í teignum og reynir skot, en boltinn fer í hliðarnetið.
1. mín
Heimamenn byrja með boltann og leika til norðurs.
Fyrir leik
Breytingarnar hjá Haukum eru sömuleiðis margar. Inn koma Óskar, Arnar Steinn, Gunnar Gunnars, Ísak, Þórður Jón og Indriði Áki.
Fyrir leik
Það eru þó nokkrar breytingar á byrjunarliðunum. Jón Alfreð, Lars Óli, Kristinn Þór og Agnar Darri koma inn í byrjunarliðið. Ólafur Aron Pétursson, sem kom í glugganum á láni frá KA spilar ekki með Magna í dag.
Fyrir leik
Það er eitt sem Magnamenn klikka ekki á og það er bein útsending á YouTube. Þeir sem vilja sjá leikinn með eigin augum geta séð hann hér.

Fyrir leik
Þetta er þriðji heimaleikur Magna í röð, hinir tveir töpuðust 0-1. Vonandi fáum við fleiri mörk hér í dag.
Fyrir leik
Völlurinn er blautur og þungur, það hefur rignt mikið í Eyjafirðinum síðustu daga og kaflarnir sem hafa verið þurrir á milli hafa ekki verið mjög langir. Núna í hádeginu skall svo á hellidemba, svo það má búast við miklum baráttuleik hér og mögulega einhverjum rennitæklingum.
Fyrir leik
Haukar verða væntanlega í botnbaráttunni í sumar með hinum liðunum í 7.-11. sæti eru núna með 13. stig og eru í 8.sæti, með betri markatölu en bæði ÍR og Njarðvík sem hafa jafnmörg stig í næstu tveimur sætum fyrir neðan.
Fyrir leik
Liðunum hefur gengið jafn illa í síðustu fimm leikjum, tapað fjórum og unnið einn. Bæði lið hafa jafnframt tapað síðustu þremur leikjum. Magnamenn eru límdir við botninn og þurfa svo nauðsynleg á stigum að halda. Það eru fimm stig í Selfoss í 11. sætinu og brekkan er ansi löng. Ekki ókleif samt.
Fyrir leik
Góðan dag og verið velkomin í beina textalýsingu frá Grenivík. Hér tekur botnlið Magna á móti Haukum, sem sitja í áttunda sæti Inkasso deildar karla.
Byrjunarlið:
12. Óskar Sigþórsson (m)
Indriði Áki Þorláksson
5. Arnar Steinn Hansson
6. Þórður Jón Jóhannesson ('85)
6. Gunnar Gunnarsson (f)
7. Haukur Ásberg Hilmarsson
7. Davíð Sigurðsson ('71)
8. Ísak Jónsson (f)
8. Þórhallur Kári Knútsson ('67)
11. Arnar Aðalgeirsson
13. Aran Nganpanya

Varamenn:
2. Kristinn Pétursson
4. Ísak Atli Kristjánsson ('71)
9. Elton Renato Livramento Barros ('85)
16. Birgir Magnús Birgisson
16. Oliver Helgi Gíslason
17. Daníel Snorri Guðlaugsson
24. Frans Sigurðsson ('67)
28. Haukur Björnsson

Liðsstjórn:
Kristján Ómar Björnsson (Þ)
Hilmar Trausti Arnarsson
Þórður Magnússon
Ríkarður Halldórsson
Sigurður Stefán Haraldsson
Sigmundur Einar Jónsson

Gul spjöld:
Davíð Sigurðsson ('56)

Rauð spjöld: