Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
Stjarnan
1
2
Breiðablik
0-1 Berglind Björg Þorvaldsdóttir '18
0-2 Guðrún Arnardóttir '36
Telma Hjaltalín Þrastardóttir '87 1-2
17.08.2018  -  19:15
Laugardalsvöllur
Mjólkurbikar kvenna
Dómari: Sigurður Hjörtur Þrastarson
Maður leiksins: Agla María
Byrjunarlið:
Harpa Þorsteinsdóttir ('65)
Telma Hjaltalín Þrastardóttir
1. Berglind Hrund Jónasdóttir
6. Lára Kristín Pedersen
7. Ásgerður Stefanía Baldursdóttir (f) ('88)
9. Sigrún Ella Einarsdóttir
10. Anna María Baldursdóttir (f)
16. María Eva Eyjólfsdóttir
17. Megan Lea Dunnigan
27. Þórdís Hrönn Sigfúsdóttir
30. Katrín Ásbjörnsdóttir ('83)

Varamenn:
25. Birna Kristjánsdóttir (m)
4. Brittany Lea Basinger
11. Guðmunda Brynja Óladóttir ('65)
19. Birna Jóhannsdóttir
24. Bryndís Björnsdóttir ('83)

Liðsstjórn:
Ólafur Þór Guðbjörnsson (Þ)
Inga Birna Friðjónsdóttir
Ana Victoria Cate
Þóra Björg Helgadóttir
Andrés Ellert Ólafsson
Einar Páll Tamimi
Viktoría Valdís Guðrúnardóttir
Róbert Þór Henn
Tinna Jökulsdóttir

Gul spjöld:
Megan Lea Dunnigan ('35)

Rauð spjöld:
Leik lokið!
BLIKAR ERU BIKARMEISTARAR 2018!

Leiknum er lokið og það eru Blikar sem vinna 2-1 sigur hér á Laugardalsvelli. Verðlaunin ekki af verri endanum: Bikarmeistaratitill!

Breiðablik vann vel fyrir sigrinum sem er sanngjarn. Þær voru miklu sterkari og tóku þetta á baráttu, sigurvilja og liðsheildinni.
93. mín
Síðasti séns hjá Stjörnunni. Þórdís tekur enn eina langa aukaspyrnuna inn á teig en Blikar koma boltanum frá.
91. mín
Við erum í uppbótartíma. Markið hefur kveikt von hjá Stjörnukonum en Blikar láta ekki slá sig útaf laginu. Halda áfram að spila þétt og skipulega.
90. mín
Gumma vinnur aukaspyrnu á miðjum vellinum. Þórdís setur háan bolta inn á teig en Sonný kemur vel út úr markinu og grípur boltann. Vel gert hjá Sonný.
89. mín
FÆRI!

Blikar með hættulega fyrirgjöf frá hægri, Berglind Björg er í boltanum og nær skoti en boltinn í stöngina!
88. mín
Inn:Ana Victoria Cate (Stjarnan) Út:Ásgerður Stefanía Baldursdóttir (Stjarnan)
Ana Cate snýr aftur á völlinn eftir langa fjarveru vegna meiðsla. Ánægjulegt að sjá hana aftur á vellinum.
87. mín MARK!
Telma Hjaltalín Þrastardóttir (Stjarnan)
VÁÁÁÁÁ!!!

Frábært mark!

Telma er búin að vera langbesti leikmaður Stjörnunnar og hún er að minnka muninn eftir GEGGJAÐ einstaklingsframtak!

Vinnur boltann í miðjuhringnum, hristir Hildi af sér og brunar í átt að marki. Sér að Sonný stendur framarlega og lyftir boltanum fallega yfir hana, í stöngina og inn.

GEGGJAÐ MARK! Er þetta líflína eða kemur þetta of seint?
83. mín
Inn:Bryndís Björnsdóttir (Stjarnan) Út:Katrín Ásbjörnsdóttir (Stjarnan)
Önnur skipting Stjörnunnar. Áhugavert en það kemur varnarmaður inn fyrir sóknarmann. María Eva fer á miðjuna og Bryndís í bakvörðinn.
82. mín
Það gengur ekkert upp hjá Stjörnunni. Við í blaðamannastúkunni erum farnar að finna til með Telmu sem reynir og reynir en fær litla aðstoð.
80. mín
Megan í tómu tjóni enn og aftur. Er stálheppin að sleppa við að vera dæmd brotleg í tvígang á stuttum tíma.
78. mín
Frábær varnarvinna hjá Fjollu. Stoppar ágætt uppspil Stjörnunnar. Það fer ekkert framhjá henni á miðjunni. Búin að vera hrikalega góð í kvöld.
76. mín
Inn:Áslaug Munda Gunnlaugsdóttir (Breiðablik) Út:Karólína Lea Vilhjálmsdóttir (Breiðablik)
Fyrsta skipting Blikanna. Munda leysir Hafnfirðinginn af. Báðar að spila sinn fyrsta bikarúrslitaleik.
74. mín
Ágæt sókn hjá Stjörnunni sem endar á heldur slappri innanfótarfyrirgjöf Maríu. Sonný fer út í boltann en missir hann frá sér. Er samt fljót að bæta fyrir mistökin og er komin með boltann aftur í hendurnar áður en að andstæðingarnir ná að átta sig.
72. mín
Það er komið líf í stúkuna. Heyrist vel í söngsveitum beggja liða um þessar mundir.


69. mín
Blikar ákveðnar í að hleypa Stjörnunni ekki inn í leikinn og standa vaktina vel.

Gumma hefur komið með smá kraft inn. Er búin að eiga tvö ágæt hlaup með boltann og fyrirgjöf.
65. mín
Inn:Guðmunda Brynja Óladóttir (Stjarnan) Út:Harpa Þorsteinsdóttir (Stjarnan)
Harpa fer útaf á börum. Gumma kemur inn í hennar stað.
64. mín
ÚFF. Þetta lítur ekki vel út. Harpa teygir sig í boltann í baráttunni við Heiðdísi en það virðist eitthvað smella í hnéinu á henni og hún liggur eftir sárþjáð.

Þetta lítur alls, alls ekki vel út og Óli þjálfari sem einnig er sjúkraþjálfari er kominn inn á til að athuga með meiðslin.

Vonum það besta.
60. mín
Blikar vinna ALLA bolta. Þær eru miklu grimmari og eru alltaf mættar strax í bakið á Stjörnukonum.
59. mín
Við bíðum enn eftir fyrsta marktækifæri síðari hálfleiksins. Stjarnan svolítið að dæla háum boltum inná teig en hafa ekki náð að skapa mikið. Nú var Telma að setja boltann inn á Þórdísi en hún átti erfitt með að temja boltann í loftinu gegn tveimur varnarmönnum.
56. mín
Frábær tækling hjá Heiðdísi! Stoppar Maríu sem var að komast inn á teig. María lendir illa í kjölfarið en harkar af sér.


49. mín
Úps. Þarna missir Sigrún Ella boltann yfir sig og Agla María komin í ágæta stöðu en skýtur framhjá.
47. mín
Blikar fá aukaspyrnu við vinstra vítateigshornið. Agla María sótti hana heldur auðveldlega gegn Maríu Evu.

Agla Maríu tekur spyrnuna sjálf. Reynir að lauma boltanum inn á teig en Berglind er fljót að átta sig og hirðir hann.
46. mín
Leikur hafinn
Við erum komin af stað aftur. Þjálfararnir gera engar breytingar á liðunum.
45. mín
Hálfleikur
Það er kominn hálfleikur og Blikar í góðri stöðu. Tveimur mörkum yfir.

Stjarnan byrjaði vel og átti fyrsta færi leiksins. Það voru hinsvegar Blikar sem brutu ísinn og tóku í kjölfarið yfir leikinn.

Það er mikil barátta í Blikaliðinu og þær hafa lokað vel á lykilmenn Stjörnunnar. Stjörnukonum hefur hinsvegar gengið illa að ná takti í sinn leik. Þær eiga þó gríðarleg vopn fram á við og geta vel komið sér inn í leikinn aftur.

Sjáum hvað setur í síðari hálfleik.
43. mín
VÓ!

Þarna munaði litlu! Stjarnan fékk aukaspyrnu úti á miðjum velli. Þórdís Hrönn setti boltann inn á teig. Þar var Megan mætt og átti hörkuskalla sem small í stönginni áður en hann hrökk út í teiginn!

Þetta var sentimetra spursmál. Sonný frosin á línunni!
37. mín
Stjarnan að reyna! Telma setur boltann inná teig á Hörpu sem reynir viðstöðulaust skot en það er framhjá.
36. mín MARK!
Guðrún Arnardóttir (Breiðablik)
Stoðsending: Agla María Albertsdóttir
2-0!

Agla María tekur aukaspyrnuna sem Berglind hafði unnið. Setur boltann inn á teig, á milli Berglindar og varnarlínunnar. Þar kemur Guðrún á ferðinni og skallar boltann í netið.

Þarna leit Megan illa út en Guðrún gjörsamlega át hana í loftinu. Eins má setja spurningarmerki við Berglindi í markinu en ég hefði viljað sjá hana fara út í þennan bolta.
35. mín Gult spjald: Megan Lea Dunnigan (Stjarnan)
Megan í bókina. Er algjör klaufi og kemur sér í stöðu þar sem hún þarf að brjóta á Berglindi á hættulegum stað.

27. mín
Stórhætta!

Blikar taka stutt horn. Boltinn endar hjá Hildi sem reynir skot úr teignum en boltinn sleikir stöngina og fer aftur fyrir.

Markið hefur bara kveikt í Blikum. Stjarnan að reyna að finna taktinn.
26. mín
ALEXANDRA!

Fór illa með Önnu Maríu. Klobbar hana við endalínuna og reyndi svo að endurtaka leikinn gegn Sigrúnu Ellu en hafði ekki erindi sem erfiði. Vann þó hornspyrnu fyrir Blika.
25. mín
Aukaspyrna á stórhættulegum stað!

Harpa tekur spyrnuna sjálf en neglir í vegginn!

Þetta hefði mátt nýta betur.
25. mín Gult spjald: Guðrún Arnardóttir (Breiðablik)
Guðrún brýtur á Hörpu við vítateigslínuna. Harpa hafði gert vel gegn þremur varnarmönnum Blika og var við það að komast í gegn.
22. mín
HÆTTULEGT!

Þórdís Hrönn með skemmtilega takta úti í vinstra horninu og nær hættulegri fyrirgjöf. Því miður fyrir Stjörnuna svífur boltinn í gegnum teiginn og hættan líður hjá.
20. mín
Blikar fá aukaspyrnu úti til vinstri. Agla María setur boltann inn á teiginn en Stjörnukonur skalla frá.
18. mín MARK!
Berglind Björg Þorvaldsdóttir (Breiðablik)
Stoðsending: Agla María Albertsdóttir
MAAAAARK!

BERGLIND BJÖRG ER BÚIN AÐ KOMA BLIKUM YFIR!

Ásta Eir setti háan bolta yfir til vinstri. María Eva gerir sig sek um slæm mistök, hittir ekki boltann og missir hann framhjá sér. Beint í hlaupaleiðina hjá hinni eldfljótu Öglu Maríu sem brunar inná teig og setur boltann svo hárnákvæmt fyrir Berglindi sem rykkti vel frá varnarmönnum og setti boltann í netið með vinstri.
15. mín
Blikar fá fyrstu hornspyrnu leiksins. Agla María smellir boltanum fyrir en Stjörnukonur eru allar komnar til baka og Harpa skallar frá.
12. mín
Frábær sprettur hjá Öglu Maríu. Hristir af sér hverja Stjörnukonuna á fætur annarri og á ágæta fyrirgjöf en Anna María vinnur boltann og hættan líður hjá.
8. mín
Þarna munar litlu!

Telma stingur boltanum inn á Katrínu sem reynir að þræða Þórdísi í gegn. Varnarmenn Blika komast fyrir á síðustu stundu.
7. mín
Alexandra fær tiltal. Braut af sér á miðjum vellinum og stöðvaði sókn Stjörnunnar.

Stjarnan að byrja þetta ákveðið.
5. mín
SONNÝ!

Geggjuð varsla hjá Sonný!

Telma kemst ein í gegn eftir laglega sendingu frá Öddu. Er komin í góða stöðu, alein í teignum en Sonný kemur vel út á móti og ver!

Þarna átti Telma að skora!
2. mín
Blikar stilla svona upp:

Sonný

Ásta - Guðrún - Heiðdís - Kristín

Fjolla - Hildur

Karólína - Alexandra - Agla María

Berglind Björg
1. mín
Stjarnan stillir svona upp:

Berglind

María - Megan - Anna María - Sigrún Ella

Adda - Lára

Telma - Katrín - Þórdís

Harpa
Fyrir leik
Leikur hafinn
Stjarnan byrjar þetta. Harpa sparkar þessu af stað. Setur boltann aftur á Láru sem spilar fram völlinn - í átt að Laugardalslaug.
Fyrir leik
Það styttist og styttist í veisluna. Liðin hafa lokið upphitun og eru komin inn í klefa í lokaundirbúning.

Á meðan mætir heil fylking af efnilegum fótboltastelpum inn á völlinn til að standa heiðursvörð um fyrirmyndirnar.

Fyrir leik
Það er fínasta fótboltaveður. Létt skýjað og svolítil gola. Laugardalsvöllur skartar sínu fegursta.
Fyrir leik
Byrjunarliðin eru klár eins og sjá má hér til hliðar. Það er óhætt að segja að það er nákvæmlega ekkert sem kemur á óvart.

Allt eftir bókinni.
Fyrir leik
Bæði lið eru þónokkuð breytt frá því að þau léku síðast í úrslitum.

Harpa, Lára Kristín, Anna María, Guðmunda og Katrín voru í byrjunarliði Stjörnunnar í fyrra auk þess sem að Viktoría Valdís og Bryndís Björns komu við sögu.

Hjá Blikum eru þrjár eftir úr byrjunarliðinu sem varð bikarmeistari 2016. Þær Sonný Lára, Berglind Björg og Fjolla Shala.
Fyrir leik
Dómari stórleiksins er Sigurður Hjörtur Þrastarson en honum til aðstoðar verða þeir Gylfi Tryggvason og Egill Guðvarður Guðlaugsson.

Varadómari verður Jóhann Ingi Jónsson og Þórarinn Dúi Gunnarsson eftirlitsmaður.
Fyrir leik
Stjarnan hefur þrisvar sinnum orðið bikarmeistari. Fyrst árið 2012 eftir 1-0 sigur á Val, næst árið 2014 eftir 4-0 sigur gegn Selfossi og síðast árið 2015 eftir 2-1 sigur gegn Selfossi.

Stjörnukonur léku til úrslita í fyrra en töpuðu fyrir ÍBV í dramatískum leik þar sem 3-2 sigurmark Eyjakvenna kom úr umdeildri vítaspyrnu í framlengingu.

Breiðablik varð síðast bikarmeistari árið 2016 en liðið hefur orðið bikarmeistari í ellefu skipti. Aðeins Valskonur hafa gert betur í bikarnum, þær hafa unnið þrettán sinnum.
Fyrir leik
Stjarnan tryggði sig í úrslitaleikinn með því að bursta 1. deildar lið Fylkis fyrir tæpum mánuði. Lokatölur 9-1 í leik kattarins að músinni. Áður höfðu Stjörnukonur unnið Selfoss og Þór/KA svo leik þeirra í úrslitin var alls ekki auðveld.

Blikar þurftu einnig að hafa fyrir sínu sæti í úrslitunum. Breiðalbik vann Val 2-0 í undanúrslitum en hafði áður lagt ÍR og KR á leið sinni á Laugardalsvöll.

Liðin hafa mæst tvisvar í í deildinni í sumar og Blikar höfðu betur í bæði skiptin.
Fyrir leik
Gleðilegan bikarúrslitadag!

Það er veisla framundan. Stjarnan og Breiðablik mætast í úrslitaleik Mjólkurbikars kvenna á Laugardalsvelli kl.19:15!

Hér verður boðið upp á textalýsingu frá veislunni!
Byrjunarlið:
Ásta Eir Árnadóttir
Fjolla Shala
Sonný Lára Þráinsdóttir
7. Agla María Albertsdóttir (f)
8. Heiðdís Lillýardóttir
9. Karólína Lea Vilhjálmsdóttir ('76)
10. Berglind Björg Þorvaldsdóttir
16. Alexandra Jóhannsdóttir
18. Kristín Dís Árnadóttir
21. Hildur Antonsdóttir
28. Guðrún Arnardóttir

Varamenn:
26. Ásta Vigdís Guðlaugsdóttir (m)
5. Samantha Jane Lofton
6. Aldís Kara Lúðvíksdóttir
14. Berglind Baldursdóttir
20. Áslaug Munda Gunnlaugsdóttir ('76)
24. Hildur Þóra Hákonardóttir
27. Sandra Sif Magnúsdóttir

Liðsstjórn:
Ólafur Pétursson (Þ)
Þorsteinn H Halldórsson (Þ)
Ragna Björg Einarsdóttir
Atli Örn Gunnarsson
Jóhanna Kristbjörg Einarsdóttir
Særún Jónsdóttir
Aron Már Björnsson

Gul spjöld:
Guðrún Arnardóttir ('25)

Rauð spjöld: