Maggi Mark kynnir liðin til leiks og hendir í nokkra vel valda Skagabrandara.

Það er gæða íslensk tónlist í græjunum, sólin skín og ég er með kaffi og kex í blaðamannaskúrnum. Tilvalið að skella sér á völlinn.

Byrjunarliðin eru komin í hús!

ÍR gera breytingar 7 á liði sínu frá 5-2 tapinu gegn Þór Ak! Már Viðars, Ström-vélin, Jónatan Hrjóbjarts, Andri Jónasson, Stebbi Páls, Ágúst Hallsson og Axel Kári detta allir út. Inn koma Halldór Arnars, Teitur Péturs, Jesus Suarez, Styrmir Erlends, Brynjar Óli, Skúli Sigurz og Halldór Jón. Þetta er rosalega athyglisverð liðsuppstilling hjá Binna Gests og margir lykilmenn á bekknum.

ÍA gera eina breytingu á sínu liði frá 2-0 sigrinum gegn Fram. Vincent Wejl kemur inn

Eftir smá lægð á miðju tímabili eru Skagamenn komnir á blússandi siglingu og hafa unnið fjóra leiki í röð. Tilkoma Jeppe Hansen virðist hafa hafa mikið að segja en hann er kominn með 3 mörk í 3 leikjum. Síðasti leikur ÍA fór 2-0 gegn Frömurum.

ÍR eru hins vegar búnir að vera óútreiknanlegir og maður veit aldrei hvar maður hefur þá. Úr síðustu þremur leikjum eru þeir með markatöluna 4-11 en hafa samt unnið einn af þessum þremur leikjum. Miðað við gengi ÍR í sumar gegn stóru liðunum ættu ÍA að sigla öruggum sigri heim hér í dag.

Liðin mættust upp á Skaga í fyrri umferðinni þar sem ÍA sigldu í höfn þægilegum 3-0 sigri sem var aldrei í hættu.

Liðin eru nokkurn veginn á sitthvorum enda töflunar. ÍA er í toppsæti í rosalegri toppbaráttu á meðan ÍR er í áttunda sæti og svífa aðeins yfir fallbaráttunni eins og staðan er núna.

Góðan daginn og verið velkomin í beina textalýsingu frá leik ÍR og ÍA í Inkasso deild karla.