Liðin mætt út á völl, verið að kynna leikmann og svo er bara hægt að byrja þennan nágrannaslag.

Vallarstarfsmenn labba hér um með handklæði og kasta til áhorfenda til að þeir geti þurrkað sæti sín fyrir leik. Vel séð!

Það er búið að vera mikill rigning á Akureyri í dag og völlurinn virkar þungur, áhorfendur ætla ekki að láta þetta á sig fá og eru mætir með regnhlífarnar að vopni. Liðin eru á fullu að hita upp fyrir leikinn. Þórsarar í reitarbolta á meðan Magna menn er senda sín á milli.

Magna menn eru skemmtilegir á samfélagsmiðlum. Byrjunarliðið er mætt í myndbandi hér fyrir neðan, mæli með að horfa á það með hljóðinu og reyna að fá lagið ekki á heilann.

Byrjunarliðin eru klár!
Óskar Elías kemur inn í lið Þór í staðinn fyrir Inga Freyr sem fer á bekkinn. Gunnar Örvar kemur aftur inn í lið Magna eftir að hafa tekið út bann í síðasta leik. Pétur Heiðar tekur sér sæti á tréverkinu.

Alexandra Jóhannsdóttir úr liði Blika og nýkrýndur bikameistari fékk það verðuga verkefni að spá í 18. umferð Innkasso deildar karla og spáði markaleik á Þórsvellinum.

Þór 3 - Magni 1
Magni kemst yfir en heimamenn klára leikinn í seinni hálfleik.

Hér má sjá hvernig hún spáði í aðra leiki í þessari umferð Inkasso.

Það er alltaf gaman að kíkja á innbyrðis viðureignir í gegnum tíðina. Liðin hafa spilað 9 sinnum gegn hvort öðru síðan 2003 í öllum keppnum. Þar hefur Þór unnið sjö sinnum, Magni hefur unnið einu sinni og einu sinni hafa liðin skilið jöfn. Sjö sinnum hafa þetta verið æfingaleikir, einu sinni í bikar og einu sinni í deild. Báða leiki í deild og bikar hefur Þór unnið.

Síðast mætust liðin í júní á Grenívík þar sem Þór fór með sigur 1-2. Á þann leik mætu 804 áhorfendur sem er áhugavert í ljósi þess að aðeins 372 íbúar búa á Grenivík. 3 mörk voru skoruð í leiknum og tvö rauð spjöld fóru á loft.

Þór tapaði illa fyrir HK í síðustu umferð á útivelli 4-1 og Magni tapaði fyrir Leikni R. á heimavelli 0-1.

Í síðustu fimm leikjum í deild hefur Þór unnið tvo leiki, tapað tveimur og gert eitt jafntefli.
Magni hefur tapað þremur og unnið tvo leiki í síðustu fimm.

Liðin eru á sitthvorum endanum á töflunni. Þór er í þriðja sæti deildarinnar með 33 stig og þurfa nauðsynlega á sigri að halda í kvöld til að halda í við HK og ÍA sem eru í topp tveimur sætunum með 38 og 39 stig. HK og ÍA spila nefnilega gegn hvort öðru í þessari umferð, sá leikur fer fram annað kvöld.

Magni þarf sömuleiðis nauðsynlega sigur í kvöld í botnbaráttunni. Þeir eru ekki í góðum málum í deildinni, liðið er á botninum með 12 stig og þrjú stig í öruggt sæti. Mikilvægt fyrir liðið að ná í þessi þrjú stig í kvöld til að eiga möguleika á að halda sér í deildinni.

Velkominn í beina textalýsingu frá leik Þór og Magna í 18. umferð Inkasso deildarinnar. Sannkallaður nágrannaslagur sem verður boðið upp á Þórsvellinum kl 18:00, rosalega mikilvæg 3 stig í boði.