Þór/KA
0
1
VfL Wolfsburg
0-1 Pernille Harder '31
12.09.2018  -  16:30
Þórsvöllur
Meistaradeild kvenna - 32 liða úrslit
Aðstæður: Létt gola úr norðri, skýjað og um 10 gráður
Dómari: Eszter Urban (Ungverjalandi)
Áhorfendur: 1529
Maður leiksins: Stephanie Bukovec
Byrjunarlið:
1. Stephanie Bukovec (m)
Ágústa Kristinsdóttir ('62)
4. Bianca Elissa
8. Lára Einarsdóttir
8. Andrea Mist Pálsdóttir ('84)
9. Sandra Mayor
10. Sandra María Jessen (f)
10. Anna Rakel Pétursdóttir
21. Lillý Rut Hlynsdóttir
22. Hulda Ósk Jónsdóttir ('90)
24. Hulda Björg Hannesdóttir

Varamenn:
2. Rut Matthíasdóttir ('62)
9. Karen María Sigurgeirsdóttir ('90)
11. Arna Sif Ásgrímsdóttir
14. Margrét Árnadóttir ('84)

Liðsstjórn:
Halldór Jón Sigurðsson (Þ)
Johanna Henriksson

Gul spjöld:
Anna Rakel Pétursdóttir ('75)

Rauð spjöld:
Leik lokið!
90. mín
Staðan er 3-16, í hornspyrnum!
90. mín
Inn:Karen María Sigurgeirsdóttir (Þór/KA) Út:Hulda Ósk Jónsdóttir (Þór/KA)
90. mín
Mcleod á skot sem Rut kemst fyrir. Enn eitt hornið. Ekkert kemur úr því og boltinn hreinsaður í horn. Aftur.
89. mín
HURÐ NÆRRI HÆLUM!!! Mayor lætur vaða af 25 metrunum, boltinn fer í vinkilinn og aftur út! Þetta hefði verið mark ársins, en inn fór boltinn því miður ekki!!
88. mín
Rétt fyrir skiptinguna átti Harder ágætis skot, rétt framhjá!
87. mín
Inn:Anna-Lena Stolze (VfL Wolfsburg) Út:Cláudia Neto (VfL Wolfsburg)
87. mín
Enn einu sinni klúðrar Wolfsburg sínu færi, Mcleod fer illa með Rut og klobbar hana, gefur svo fyrir en þar er bara engin sem nær að setja boltann almennilega í átt að marki.
84. mín
Inn:Margrét Árnadóttir (Þór/KA) Út:Andrea Mist Pálsdóttir (Þór/KA)
83. mín
Sara Björk vinnur boltann fyrir utan teig hjá Þór/KA en setur boltann laust framhjá.
81. mín
Dickenman með skot eftir fyrirgjöf frá Mcleod, vel framhjá. Þær þurfa að gera betur úr svona stöðu.
78. mín
Harder með skot, snýr sér yfir á vinstri í teignum og býr til færið. Endurtekin saga - Bukovec ver vel!
77. mín
Wolfsburg liggur enn á Þór/KA og það er mér hulin ráðgáta hvernig þær hafa klúðrað öllum sínum færum nema einu. Tökum ekkert af Bukovec og þéttum varnarleik heimakvenna samt!
76. mín
Skotið úr spyrnunni langt yfir frá Hansen.
75. mín Gult spjald: Anna Rakel Pétursdóttir (Þór/KA)
Sparkar Harder niður. Wolfsburg með aukaspyrnu á hættulegum stað.
71. mín
Inn:Zsanett Jakabfi (VfL Wolfsburg) Út:Ewa Pajor (VfL Wolfsburg)
Pajor spilað ágætlega í dag.
71. mín
Stórskotahríð að marki Þórs/KA en þær ná að komast fyrir í tvö skipti. Fyrst var það Pajor og svo Neto, og Þór/KA kemur boltanum burt.
70. mín
Sara Björk brýtur á Söndru Maríu, og Sara er bara alls ekki ánægð með það og ýtir við Söndru, en dómarinn róar þær bara niður frekar en að spjalda.
69. mín
Harder í HÖRKU færi en skóflar boltanum yfir. Hvernig hún skoraði ekki þarna, skil ég ekki! Undarlegur varnarleikur hjá Þór/KA á sama tíma.
66. mín
Þór/KA bægir hættunni frá eftir hornið.
66. mín
Það hefur aðeins róast, en Wolfsburg á hér hornspyrnu. Ég er löngu hættur að hafa tölu á þeim.
65. mín
Inn:Ella Mcleod (VfL Wolfsburg) Út:Sara Doorsoun-Khajeh (VfL Wolfsburg)
62. mín
Inn:Rut Matthíasdóttir (Þór/KA) Út:Ágústa Kristinsdóttir (Þór/KA)
60. mín
Doorsoun-Khajeh á fyrirgjöf en Bukovec grípur hana þægilega. Hefur ekki jafn mikið reynt á hana í seinni hálfleik.
59. mín
Harder með ÞRUMU skot í stöngina, eftir laglegt spil við Wedemeyer. Féll svo við í teignum, vildi víti, en fékk ekki.
55. mín
Sandra María nær ágætis fyrirgjöf frá vinstri kanti en Schult grípur boltann, þarna var ágætis hætta á ferðum.
55. mín
Þór/KA verða að teljast heppnar að vera ekki búnar að fá á sig fleiri mörk, það er ekki annað hægt að segja.
53. mín
Boltinn fer svo kantanna á milli, endar hægra megin hjá Hansen í teignum sem á skot í hliðarnetið.
53. mín
HÖRKUSKOT Í SLÁ! Claudia Neto lætur vaða viðstöðulaust rétt fyrir utan teig, boltinn fer í slánna og niður og berst út í teig, endar í hornspyrnu.
51. mín
Ewa Pajor kemst í gott skallafæri en sneiðir boltann framhjá, hittir hann ekki vel.
49. mín
Wolfsburg tekur leikinn aftur yfir hægt og rólega eftir svolítið fjöruga byrjun Þórs/KA. Nú eiga þær hornspyrnu, en ná ekki að nýta hana.
48. mín
Hulda Ósk gerir vel og vinnur horn! Það kom svo ekkert út úr því.
45. mín
Þá byrjum við þetta aftur. Þór/KA sækir nú í átt að Hamri og Boganum, með örlitla golu í fangið.
45. mín
Hálfleikur
Það er fínasta mæting og full stúka, 1529 manns á vellinum. Hefði viljað sjá töluna fara upp í 2000 samt!
45. mín
Hálfleikur
Um leið og boltinn fór framhjá markinu flautaði Urban dómari til hálfleiks.
45. mín
ÚFF! Mayor kemst ein gegn varnarmönnum Wolfsburg, leikur á þær og nær flottu skoti með vinstri en boltinn fer rétt framhjá. Þar kom að því að við fengjum færi hjá Þór/KA!
45. mín
Sara Björk liggur mjög aftarlega á miðjunni hjá Wolfsburg og stjórnar spilinu.
41. mín
Bæði Sandra María og Harder koma aftur inn á.
41. mín
Goessling með fína fyrirgjöf úr hornspyrnunni en Bukovec gerir mjög vel í að handsama knöttinn, rís hæst í teignum og ekki er hún sú hávaxnasta!
40. mín
Sandra María Jessen þarf að fara út af til að fá aðhlynningu, að fossblæðir úr höndinni. Það fór blóð í trejuna hjá Harder, svo hún fer út af líka til að fá nýja treyju,
39. mín
Wolfsburg fær enn eina hornspyrnuna. Þór/KA liggur mjög aftarlega.
36. mín
Minde nær hér hörkuskot en boltinn fer framhjá, þetta var ekki svo galið!
34. mín
Hornspyrnan er hreinsuð aftur í horn og í seinna skiptið missir Schult boltann og litlu munar að leikmenn Þórs/KA nái potinu inn! Wolfsburg nær hinsvegar að hreinsa.
33. mín
Þór/KA rýkur í sókn, Sandra Mayor vinnur hornspyrnu!
31. mín MARK!
Pernille Harder (VfL Wolfsburg)
Stoðsending: Caroline Graham Hansen
Boltinn berst til Harder eftir horn og hún klárar þetta bara snyrtilega.
29. mín
Þór/KA fékk svo aukaspyrnu á miðjum vellinum sem Anna Rakel lúðrar inn í teig en Wolfsburg hreinsar. Þór/KA nær svo aftur boltanum en sóknin rennur út í sandinn.
28. mín
Doorsoun-Khajeh með fyrirgjöf sem Pajor skallar framhjá.
27. mín
Harder tekur skotið, langt, langt yfir. Illa farið með gott færi.
26. mín
Wolfsburg fær aftur aukaspyrnu, núna rétt fyrir utan teig og nú er það skotfæri. Harder og Hansen stilla sér upp.
25. mín
Nú var það Doorsoun-Khajeh sem átti skottilraun eftir hornspyrnu en boltinn fór nokkuð hátt yfir.
24. mín
Að sama skapi hefur Þór/KA ekki náð að halda boltanum af neinu viti og eiga erfitt með að tengja saman meira en tvær sendingar.
23. mín
Wolfsburg liggur þétt á Þór/KA og fyrirgjafirnar svoleiðis dynja á þeim, eða þá að þær reyna að þræða sig í gegn.
22. mín
OG AFTUR VER HÚN! Hansen með lúmskt skot í fjærhornið en Bukovec er vandanum vaxin enn á ný.
20. mín
Dauðafæri og enn ver Bukovec! Nú kom lág og föst fyrirgjöf inn í teiginn sem endaði hjá Neto, hú náði fínu skoti en beint í hrammana á Bukovec. Þetta gæti orðið langur leikur fyrir Þór/KA.
19. mín
Claudía Neto var við það að prjóna sig í gegn með þríhyrning við Söru, en Elissa stöðvar hana og hreinsar.
18. mín
Bukovec með frábært úthlaup og stekkur á boltann þegar Dickenmann var að komast inn fyrir í teignum. Gerði lítið úr hættunni með þessari vörslu, var komin vel út í teiginn.
15. mín
Harder með ágætis skottilraun af löngu færi, eftir að hafa snúið á Elissa. Boltinn fór framhjá.
14. mín
Úff! Þór/KA var í færi en Wolfsburg hreinsaði og Ewa Pajor geystist upp allan völlinn, endaði á skoti sem Þór náði að komast fyrir. Hún er öskufljót!
10. mín
Harder með gott skot á mark, eftir smá klafs í teignum en Bukovec gerir gjörsamlega frábærlega í að verja þetta og bægja hættunni frá. Hurð nærri hælum!!
9. mín
Wolfsburg fær fyrstu hornspyrnuna. Föstu leikatriðin eru hættuleg.
7. mín
Þór/KA kemst í sókn, löng sending kemur á Söndru Maríu sem skallar hann frekar undarlega inn fyrir og ekki í átt að markinu. Sandra Mayor nær skotinu en það er laust og framhjá.
5. mín
Pernille Harder var næstum sloppin í gegn en Lillý Rut bjargaði málunum. Stuttu síðar reyndi Sara Björk skot af löngu færi með vinstri, sem Bukovec greip auðveldlega.
4. mín
Ágætis fyrirgjöf úr aukaspyrnunni, en Kristine Minde skallar boltann yfir.
3. mín
Wolfsburg fær fyrstu aukaspyrnu leiksins, ekki langt frá teig en svolítið langt fyrir skot.
1. mín
Wolfsburg byrjar með boltann og láta hann ganga á milli sín í vörninni.
1. mín
Leikur hafinn
Þetta er byrjað!
Fyrir leik
Það var ekkert Meistaradeildarlag spilað meðan liðin gengu á völlinn. Það eru vonbrigði!
Fyrir leik
Stúkan hér á Þórsvelli er nánast full og það er mikil stemmning! Við munum vonandi fá fjör bæði í stúkunni og leiknum sjálfum. Liðin eru við það að ganga inn á völlinn.
Fyrir leik
Donni þjálfari Þórs/KA sagði í viðtali fyrir leikinn að liðið myndi reyna að stýra hraðanum í leiknum og þyrfti að spila sinn allra besta varnarleik.

"Það eru landsliðsmenn í öllum stöðum í frábærum landsliðum svo það verður mjög erfitt að stöðva þær í sínum aðgerðum."
Fyrir leik
Það er ein breyting á liði Þórs/KA. Ariana Calderon, sem hefur spilað frábærlega það sem af er sumri, er í banni. Í hennar stað kemur Ágústa Kristinsdóttir inn í liðið. Arna Sif Ásgrímsdóttir er einnig á bekknum en hún hefur verið að glíma við meiðsli.

Fyrir leik


Fyrir leik
Þess má geta að Wolfsburg vann tvöfalt í fyrra, bikar og deild en Þór/KA eru auðvitað ríkjandi Íslandsmeistarar. Þær síðarnefndu komust í 32 liða úrslit með frábærum árangri í sínum undanriðli þar sem þær töpuðu ekki leik og fengu ekki á sig mark. Þær þurfa á svoleiðis frammistöðu að halda hér í kvöld.
Fyrir leik
Það er mikil stemmning fyrir þessum leik á Akureyri og á mánudaginn síðastliðinn æfðu allir stúlknaflokkar hjá KA og Þór saman í Boganum, sem endaði með þrusu peppræðu frá Donna þjálfara Þór/KA. Þær yngri virkuðu vel gíraðar eftir það og stelpurnar í liðinu virka líka klárar í þetta verkefni. Vonandi sjáum við óvænt úrslit hér í dag!
Fyrir leik
Hér má sjá skemmtilegt myndband frá ferðlagi Wolfsburg til Akureyrar.

Fyrir leik
Wolfsburg er ógnarsterkt lið sem lék til úrslita í Meistaradeildinni síðasta vor en tapaði þeim leik. Með liðinu leikur landsliðsfyrirliðinn okkar, Sara Björk Gunnarsdóttir og einnig er Daninn Pernille Harder í liðinu. Sú síðarnefnda var var valin leikmaður ársins hjá UEFA á síðasta tímabili.
Fyrir leik
Góðan dag og verið velkomin í beina textalýsingu frá Þórsvelli. Það er ekki oft sem við fáum tækifæri til að sjá Meistaradeildarleiki á Íslandi og hvað þá að fá stærstu stjörnurnar hingað!
Byrjunarlið:
1. Almuth Schult (m)
5. Cláudia Neto ('87)
7. Sara Björk Gunnarsdóttir
17. Ewa Pajor ('71)
19. Kristine Minde
21. Lara Dickenmann
22. Pernille Harder
23. Sara Doorsoun-Khajeh ('65)
24. Joelle Wedemeyer
26. Caroline Graham Hansen
28. Lena Goessling

Varamenn:
27. Mary Earps (m)
2. Anna-Lena Stolze ('87)
3. Zsanett Jakabfi ('71)
6. Katharina Baunach
20. Pia-Sophie Wolter
30. Ella Mcleod ('65)

Liðsstjórn:
Stephan Lerch (Þ)

Gul spjöld:

Rauð spjöld: