Nú er þjóðsöngurinn spilaður, fólk er risið úr sætum og sungið er hátt með.

Liðin ganga nú á inná völlinn við mikinn fögnuð áhorfenda, Þóroddur Hjaltalín og hans teymi leiða línuna, þetta fer að byrja!

Spenna spenna #Fotboltinet pic.twitter.com/Dw5hw5X7fa

— Fotbolti.net (@Fotboltinet) September 15, 2018

Rétt tæpar 10 mínútur í að leikurinn hefjist og ég get hreinlega ekki beðið, stemningin er svakleg hérna!

Það er að myndast svakaleg stemning hérna í Laugardalnum, inná vellinum eru krakkar frá bæði Stjörnunni og Breiðablik og í stúkunni er mikið fjör, söngvarnir komnir á fullt. Hoppað og dansað bæði í stúkunni og á vellinum!

@Fotboltinet @blikar_is pic.twitter.com/kvHvlOEV4E

— Mjólkurbikarinn (@mjolkurbikarinn) September 15, 2018

Byrjunarliðin eru komin inn.

Hjá Stjörnunni eru allir heilir nema Heiðar Ægisson sem er fótbrotinn. Stjarnan stillir upp hefðbundnu liði þar sem Þórarinn Ingi Valdimarsson og Jóhann Laxdal eru í bakvörðunum og Jósef Kristinn Jósefsson því á varamannabekknum.

Þá er Baldur Sigurðsson fyrirliði Stjörnunnar orðinn heill og kemur inn í byrjunarliðið og Guðmundur Steinn Hafsteinsson fer á varamannabekkinn.

Breiðablik byrjar með þrjá miðverði í kvöld þar sem Damir Muminovic, Viktor Örn Margeirsson og Damir Muminovic byrja allir inná en miklar vangaveltur hafa verið um hvor myndi byrja, Elfar eða Viktor. Þeir byrja bara báðir.

Andri Rafn Yeoman og Oliver Sigurjónsson eru báðir í byrjunarliðinu en þeir voru báðir tæpir fyrir leikinn. Alexander Helgi Sigurðarson er enn frá vegna höfuðmeiðsla.

Með því að smella hér má sjá leið þessara liða í úrslitaleikinn í kvöld. Flautumörk og dramatík!

Blikar eru með upphitun í Laugardalnum á Þróttarasvæðinu þar sem er boðið uppá grillaðar pylsur, gos, svala og Blikavarning.

Stjörnumenn eru með upphitun á Garðatorgi á sama tíma og bjóða svo uppá rútur á Ölver og svo er skrúðganga með Silfurskeiðinni á völlinn.

Ljóst er að það verður mikið fjör og stemning í kringum þennan stórleik og vonandi mæta sem allra flestir á völlinn!

Það er einnig skemmtileg staðreynd að Breiðablik og Stjarnan mættust í úrslitaleik Mjólkurbikars kvenna þetta árið þar sem Breiðablik hafði betur og ljóst að mikill fögnuður verður í Garðabænum ef þeir ná að vinna báða Mjólkurbikarana.

Þetta er 3 úrslitaleikur hjá báðum þessum liðum en Breiðablik tapaði í bikarúrslitum árið 1971 gegn Víkingi Reykjavík og urðu svo bikarmeistarar árið 2009 þar sem þeir sigruðu Fram í Vítaspyrnukeppni.

Stjarnan fór í úrslitaleikinn árið 2012 þar sem þeir töpuðu 2-1 gegn KR þar sem Baldur Sigurðsson núverandi fyrirliði Stjörnumanna skoraði sigurmark KR. Þeir fóru aftur árið eftir og töpuðu þá fyrir Fram í vítaspyrnukeppni.

Á Blikar.is er að vinna alls konar tölfræði fyrir leik kvöldsins og ég hvet fólk til að kíkja þangað inn ef það hefur áhuga á að skoða tölfræði og sögu liðana í Bikarkeppni KSÍ.

Þetta er leikurinn sem allir hafa beðið eftir, nágrannarnir mætast í úrslitaleik og það á Laugardagskvöldi. Það gerist ekki mikið betra en þetta!

Góða kvöldið og verið hjartanlega velkomin í beina textalýsingu frá úrslitaleik Mjólkurbikarkarla þar sem Breiðablik og Stjarnan etja kappi á Laugardalsvelli klukkan 19:15.