Fyrir leik
Aðstæður eru tiptop! Falleg haustsól og svolítið hliðargola á völlinn.

Liðin eru komin inná, búin að skipta um vallarhelming að ósk Stjörnunnar og Þór/KA klárar að sparka þessu af stað.
Eyða Breyta

Fyrir leik
Jæja, þá er örstutt í þetta.

Fókusinn hefur verið á fjarveru mexíkóanna og Örnu Sifjar hjá Þór/KA en það vantar líka mikið í lið Stjörnunnar þar sem lykilmennirnir Harpa, Telma og Katrín eru allar frá.

Spennandi að sjá hvernig liðin díla við þetta.
Eyða Breyta

Fyrir leik
Byrjunarliðin eru klár. Óli gerir eina breytingu á Stjörnuliðinu frá 4-1 sigrinum á FH. María Eva kemur inn í liðið fyrir Telmu Hjaltalín sem er ekki í leikmannahópnum í dag.

Eins og áður segir þarf Donni að gera breytingar á sínu liði í fjarveru mexíkósku leikmannanna. Bianca var reyndar í leikbanni í síðasta leik svo Ágústa Kristinsdóttir heldur sínu sæti. Þær Rut Matthíasdóttir og Margrét Árnadóttir koma svo inn í liðið fyrir þær Ariönu og Stephanie Mayor. Þá fær Johanna Henriksson tækifæri í markinu en Stephanie Bukovec hefur varið það að undanförnu.

Þá vekur athygli að gestirnir eru aðeins með þrjá leikmenn á bekknum. Áðurnefnda Bukovec markmann, sóknarmanninn Karen Maríu Sigurgeirsdóttur og varnarjaxlinn Örnu Sif sem er að stíga upp úr meiðslum. Vonum að það komi ekkert uppá hjá Þór/KA.
Eyða Breyta

Fyrir leik
Liðin mættust einnig í bikarnum en þar hafði Stjarnan betur og komst alla leið í úrslitaleikinn.

Stórliðin tvö drógust saman strax í 16-liða úrslitum og Stjarnan vann góðan 2-0 sigur fyrir norðan með mörkum frá Guðmundu Brynju og Birnu Jóhannsdóttur.
Eyða Breyta

Fyrir leik
Þór/KA vann fyrri deildarleik liðanna 3-1. Þær komust í 3-0 með sjálfsmarki frá Guðmundu Brynju og mörkum frá Önnu Rakel og Söndru Maríu áður en Anna María náði að minnka muninn fyrir Stjörnuna.

Í þeim leik voru þær Katrín Ásbjörnsdóttir og Telma Hjaltalín fjarverandi hjá Stjörnunni auk þess sem Harpa Þorteins fór meidd útaf á 8. mínútu.

Bæði lið leika því útiviðureignina án lykilleikmanna.
Eyða Breyta

Fyrir leik
Stór skörð hafa verið hoggin í lið gestanna en þær Ariana Calderon, Bianca Sierra og Sandra Mayor mega ekki klára keppnistímabilið með Þór/KA þar sem þær þurfa að mæta í æfingabúðir með Mexíkó, 2 vikum fyrir landsleik.

Það munar um minna fyrir Þór/KA sem á ekki aðeins eftir að mæta sterku liði Stjörnunnar heldur bíður þeirra mjög erfitt verkefni í Þýskalandi í næstu viku þegar þær spila síðari viðureign sína við Wolfsburg í meistaradeildinni.
Eyða Breyta

Fyrir leik
Góðan dag,

Verið velkomin í textalýsingu frá viðureign Stjörnunnar og Þórs/KA í lokaumferð Pepsi-deildar kvenna.

Hér verður fyrst og fremst leikið upp á stoltið en ljóst er að Stjarnan endar í 3. sæti Pepsi-deildarinnar þetta sumarið og Þór/KA tekur silfrið.
Eyða Breyta