Þá ganga liðin á völlin á eftir Ívari Orra dómara. Örstutt í að þessi vitleysa hefjist.

Heil umferð fer fram núna á sama tíma en ég mun reyna að fylgjast með hvað er í gangi í öllum leikjunum og hvað það þýðir fyrir deildina. Langt síðan að deildin var svona spennandi.

Það er frítt á Alvogenvöllinn í dag. Veðrið er gott og mikilvægur leikur framundan. Þá get ég einnig staðfest að Vöffluvagnin sé hérna. What a time to be alive.

Byrjunarliðin eru klár en þau má sjá hér til hliðar.

Heimamenn gera tvær breytingar á liði sínu frá síðasta leik liðsins gegn Keflavík. Beitir Ólafsson kemur aftur í mark KR í stað Sindra Snæs og þá kemur Skúli Jón aftur úr leikbanni í stað Gunnars Þórs.

Gestirnir frá Árbænum gera þrjár breytingar á liði sínu. Helgi Valur Daníelsson, Valdimar Þór Ingimundarson og Hákon Ingi Jónsson koma allir út en inn í þeirra stað koma þeir Ásgeir Börkur Ásgeirsson, Emil Ásmundsson og Elís Rafn Björnsson.

Vesturbæjingar fengu botnlið Keflavíkur í heimsókn í síðustu umferð en sá leikur endaði með 3-1 sigri KR, eftir að Keflavík hafði komist yfir. Pálmi Rafn skoraði tvö mörk í þeim leik og Atli Sigurjónsson skoraði eitt.

Fylkismenn mættu Breiðablik á Floridana-vellinum í síðustu umferð en sá leikur endaði með 3-0 sigri Blika.

KR-ingar geta gulltryggt Evrópusætið í dag ef að úrslit falla með þeim en FH, sem að þeir eru í baráttu við, mætir Val á sama tíma.

Fylkismenn geta gulltryggt veru sína í Pepsi-deildinni að ári nái þeir stigi hér í dag, svo lengi sem að Fjölnismenn tapi gegn Breiðablik á sama tíma. Það er því til mikils að vinna fyrir bæði lið og eigum við von á hörkuleik.

Jú komiði margsæl og blessuð og veriði hjartanlega velkomin í þessa beinu textalýsingu á leik KR og Fylkis í næstsíðustu umferð Pepsi-deildar karla.