Þá labba leikmenn inná völlinn og þessi stórleikur í síðustu umferð Pepsi-deildar karla fer alveg að hefjast.

Það verður nú ekki sagt að mætingin sé merkileg þegar að tíu mínútur eru til leiks, sem að er gjörsamlega galið þegar að svona mikið er undir.

Í leikmannahópi Stjörnunnar eru þeir Ísak Andri Sigurgeirsson og Óli Valur Ómarsson en þeir eru báðir fæddir árið 2003. Spurning hvort að þeir fái að spreyta sig hér í dag.

Þá eru byrjunarliðin klár. Heimamenn gera fjórar breytingar á liði sínu. Daníel Laxdal og Alex Þór Hauksson taka út leikbann og þá koma einnig þeir Guðjón Baldvinsson og Jósef Kristinn út. Inn í þeirra stað koma þeir Jóhann Laxdal, Óttar Bjarni, Þorri Geir og Þorsteinn Már.

Gestirnir í FH gera eina breytingu á liði sínu. Steven Lennon sem að tók út leikbann í síðustu umferð er mættur aftur í byrjunarliðið í stað Rennico Clarke sem að er ekki í leikmannahóp í dag.

Hér er verið að gera teppið klárt í Garðabænum en það hafa fokið þónokkur lauf á völlinn. Það verður sæmilegur haustbragur á þessum leik en við peppum það bara.

Þegar að ég labbaði inná völlinn rak ég augun í Guðjón Baldvinsson en hann virðist ekki vera í leikmannahópi Stjörnunnar í dag. Gaui fór meiddur af velli gegn ÍBV í síðustu umferð og virðist ekki vera orðinn leikfær.

Hjá Stjörnunni eru tveir lykilleikmenn sem að munu ekki taka þátt í þessum leik vegna leikbanns en það eru þeir Daníel Laxdal og Alex Þór Hauksson.

Hjá gestunum er varnarmaðurinn reyndi Pétur Viðarsson í leikbanni.

Gestirnir frá Hafnarfirði gera sér vonir um að ná Evrópusæti en til þess þurfa þeir að treysta á úrslit í leik Víkings R. og KR. FH og KR eru jöfn að stigum þessa stundina en KR-ingar eru með betri markatölu uppá þrjú mörk. Tölfræðilega gæti FH náð Evrópusæti þótt að þeir tapi hér í dag en þá verða þeir að treysta á að Víkingur rúlli yfir KR. Þetta verður spennandi fram á síðustu sekúndu, það er ljóst.

Það er gríðarlega mikið undir hjá báðum liðum og má því búast við hörku baráttu hér í dag. Heimamenn eiga ennþá séns á að standa uppi sem Íslandsmeistarar en til að það gerist þurfa þeir að sigra hér í dag og treysta á að Breiðablik vinni ekki KA og að Keflavík vinni Val. Þá þarf markatalan einnig að vera þeim í hag. Verður að teljast ólíklegt en alls ekki útilokað.

Jú komiði sæl og blessuð og veriði hjartanlega velkomin í þessa beinu textalýsingu á leik Stjörnunnar og FH í lokaumferð Pepsi-deildar karla. Leikið verður á Samsung vellinum í Garðabæ.