Það er sannkallaður hátíðardagur hér á Floridana vellinum í Árbænum en það er verið að vígja völlinn. Guðni Bergsson, Dagur B Eggertsson, Lilja Alfreðsdóttir og Björn Gíslason, formaður Fylkis sem sjá um það

Einnig veltir maður því fyrir sér hvort Bergsveinn Ólafsson verði áfram í Grafarvoginum en hann kom til liðsins frá FH fyrir sumarið. Spurning hvort hann vilji leika í Inkasso-deild

Maður veltir því fyrir sér hvort þetta verði síðasti leikur Birnis Snæs eða Binna bolta eins og hann er oft kallaður. Það vita það allir þótt sumarið hafi ekki verið hans besta að hann er töluvert ofar hvað varðar gæði en Inkasso-deildin býður uppá. Eins og kom fram í slúðurpakka Fótbolta.net þá hafa fjölmörg lið áhuga á að fá hann til síns liðs

Liðin mættust í 11 umferð á Extra vellinum í Grafarvoginum þar sem hlutirnir fóru ekki að gerast fyrr en á síðustu mínútum leiksins. Fjölnir vann leikinn 2-1 eftir að þeir komu til baka en Albert Brynjar Ingason kom Fylki yfir á 85 mínútu og virtust Fylkismenn vera komnir með stigin 3 í töskuna fyrir hiemleiðina. Það fór ekki svo þar sem Bergsveinn Ólafsson jafnaði einungis 2 mínútum síðar. Í uppbótartíma tryggði Torfi Tímóteus Fjölni stigin 3.

Árbæjarliðið er öruggt með sæti sitt í deildinni en þeir sitja í neðsta sætinu fyrir ofan fallsæti eða 10 sætinu. Fjölnismenn eru fyrir neðan þá og verður þetta síðasti leikur liðsins í Pepsi-deildinni í bili amk þar sem liðið mun leika í Inkasso-deild árið 2019.

Góðan og margblessaðan daginn kæru lesendur Fótbolta.net og verið hjartanlega velkomin í þráðbeina textalýsingu á leik Fylkis og Fjölnis í Pepsi-deild Karla 2018. Leikurinn fer fram í lokaumferðinni (22. umferð) og skiptir leikurinn litlu sem engu máli fyrir liðin tvö.