KR
2
1
ÍBV
Lilja Dögg Valþórsdóttir '13 1-0
Laufey Björnsdóttir '37
Ingunn Haraldsdóttir '45 2-0
2-1 Cloé Lacasse '78
21.05.2019  -  18:00
Meistaravellir
Pepsi-Max deild kvenna
Dómari: Gunnar Freyr Róbertsson
Maður leiksins: Ásdís Karen Halldórsdóttir
Byrjunarlið:
23. Birna Kristjánsdóttir (m)
3. Ingunn Haraldsdóttir (f)
3. Sandra Dögg Bjarnadóttir
4. Laufey Björnsdóttir
7. Guðmunda Brynja Óladóttir ('88)
8. Katrín Ómarsdóttir
11. Ásdís Karen Halldórsdóttir
14. Grace Maher
16. Lilja Dögg Valþórsdóttir ('79)
20. Þórunn Helga Jónsdóttir
21. Tijana Krstic ('80)

Varamenn:
29. Ingibjörg Valgeirsdóttir (m)
2. Kristín Erla Ó Johnson ('79)
9. Hlíf Hauksdóttir
10. Margrét Edda Lian Bjarnadóttir
11. Gréta Stefánsdóttir ('88)
24. Katrín Mist Kristinsdóttir

Liðsstjórn:
Bojana Besic (Þ)
Hugrún Lilja Ólafsdóttir
Guðlaug Jónsdóttir
Sædís Magnúsdóttir
Hildur Björg Kristjánsdóttir
Ásta Kristinsdóttir
Gísli Þór Einarsson
Ragna Lóa Stefánsdóttir

Gul spjöld:
Laufey Björnsdóttir ('6)
Ingunn Haraldsdóttir ('39)
Bojana Besic ('85)

Rauð spjöld:
Laufey Björnsdóttir ('37)
Leik lokið!
+4

Þetta er búið!

KR-ingar með sinn fyrsta sigur í sumar og sín fyrstu stig!

Skýrsla og viðtöl á leiðinni.
90. mín
+4

KR-ingar halda áfam að verjast vel og koma hættunni frá.
90. mín
+3

Hugsanlega síðasta tækifæri gestanna.
90. mín
+3

Nauuuu! Shaneka í góðu færi en vel varið hjá Birnu, hornspyrna!
90. mín
+2

Enn sækja gestirnir en Caroline dæmd rangstæð. Hún er búin að vera að spila í miðverðinum í dag en er komin ansi framarlega.
90. mín
Erum sennilega komin inn í uppbótartíma. Vallarklukkan frosin og ekki verið gefið út hvað uppbótartíminn er langur. Sjáum hvað setur.
89. mín
Lítið eftir hér í Vesturbænum. ÍBV halda áfram að pressa heimakonur vel og freista því að ná inn jöfnunarmarkinu.
88. mín Gult spjald: Sigríður Lára Garðarsdóttir (ÍBV)
Brýtur á Ásdísi á miðjum vellinum.
88. mín
Inn:Gréta Stefánsdóttir (KR) Út:Guðmunda Brynja Óladóttir (KR)
85. mín Gult spjald: Bojana Besic (KR)
Gult spjald á bekkinn. Leit út eins og Ragna Lóa væri að fá þetta spjald fyrir mótmæli en Bojana fékk spjaldið. Vildu fá aukaspyrnu þegar Gumma og Katrín voru að sleppa í gegn.
85. mín
Eyjakonur búnar að vera að sækja grimmt síðustu mínútur. KR-ingar ná hinsvegar skyndisókn og eru nálægt því að koma Gummu og Katrínu einum í gegn, en ÍBV koma þessu frá.
83. mín
ÍBV vilja fá víti. Cloé fær boltann á fjær í góðu færi, tekur skotið sem virðist fara í hendina á varnarmanni KR. Gunnar Freyr var á góðum stað og virðist öruggur á því að þetta hafi ekki verið víti.
82. mín
Fín spyrna hjá Emmu en vel varist hjá heimakonum. Koma þessu burtu en ÍBV halda áfram að sækja á þær.
82. mín
Cloé með sprett upp kantinn og reynir skot að marki sem fer í varnarmann og í hliðarnetið. Hornspyrna!
80. mín
Inn:Hugrún Lilja Ólafsdóttir (KR) Út:Tijana Krstic (KR)
79. mín
Inn:Kristín Erla Ó Johnson (KR) Út:Lilja Dögg Valþórsdóttir (KR)
78. mín MARK!
Cloé Lacasse (ÍBV)
Stoðsending: Guðrún Bára Magnúsdóttir
2-1!

Guðrún Bára með flotta fyrirgjöf sem Cloé skallar í netið.
76. mín
KR fær aukaspyrnu á miðjum vallarhelmingi ÍBV. Ásdís tekur spyrnuna og Katrín nær skalla en Guðný vel á verði.
74. mín
Flott spil hjá ÍBV og Júlíana kemur með góðan bolta fyrir sem Guðrún Bára setur yfir.
72. mín
KR fá hornspyrnu og það skapast hætta fyrir framan markið. Nokkrir skallar til og frá en gestirnir koma þessu frá.
71. mín
Inn:Shaneka Jodian Gordon (ÍBV) Út:Kristín Erna Sigurlásdóttir (ÍBV)
ÍBV gera skiptingu. Kristín búin að eiga fína spretti.
70. mín
ÍBV með hættuleg færi hinumegin! KR-ingar bjarga í horn, Cloé tekur hornið og boltinn berst út á Þóru Björg sem nær hörkuskoti rétt framhjá.

69. mín
og þá eiga KR-ingar góða sókn. Sandra Dögg nær skoti á markið en Guðný átti ekki í erfiðleikum þarna.
68. mín
Rólegt þessa stundina. ÍBV meira með boltann en ekki náð að skapa sér alvöru færi.
63. mín
Enn ein hornspyrnan hjá ÍBV.

Heimakonur vel vakandi í vörninni og koma þessu frá.
61. mín
Inn:Þóra Björg Stefánsdóttir (ÍBV) Út:Margrét Íris Einarsdóttir (ÍBV)
59. mín
Önnur hornspyrna þar sem Sísí er nálægt því að ná skalla á markið. Mikil hætta fyrir framan mark KR-inga þessar mínúturnar.
58. mín
Hættuleg fyrirgjöf hjá Guðrúnu Báru en Birna nær að koma honum í horn. Cloé tekur hornspyrnuna og KR-ingar bjarga á línu!
57. mín
Kominn hiti í leikinn. Clara lætur Lilju finna vel fyrir því en dómarinn flautar ekki á þetta. KR-ingar vilja eitthvað þarna, held að þau hafi eitthvað til síns máls.
56. mín
Gumma með fínt skot fyrir utan teig en yfir markið fer boltinn.
54. mín
ÍBV fær hornyspyrnu hinumegin. Cloé tekur hana en boltinn endar aftur fyrir og markspyrna KR-inga.
53. mín
Ásdís vinnur boltann af Júlíönu í vörninni og kemur boltanum fyrir en engin mætt þar.
49. mín
Guðrún Bára með skot í slána!

Flott sókn hjá ÍBV, Kristín Erna keyrir upp kantinn, á gott samspil við Cloé og kemur honum svo fyrir. Boltinn yfir teiginn og hinumegin kemur Guðrún Bára á ferðinni og bombar honum í slána og yfir.
46. mín
Leikur hafinn
ÍBV byrjar með boltann.
45. mín
Hálfleikur
+2

ÍBV taka miðjuna og Gunnar Freyr flautar hálfleik. Þungt fyrir Eyjakonur að fara inn í hálfleik eftir þetta mark.

Heimakonur voru sterkari fyrsta hálftímann en ÍBV voru að koma sér betur inn í leikinn. Fyrir utan þessi mörk sem KR hafa náð inn hafa hættuleg færi skipst frekar jafnt á liðin.

Bæði mörkin koma eftir klaufagang hjá ÍBV og þær eru eflaust ekki sáttar. Sjáum hvort þær komi sterkari inn í síðari hálfleikinn.
45. mín MARK!
Ingunn Haraldsdóttir (KR)
Stoðsending: Ásdís Karen Halldórsdóttir
+1

2-0!

Ásdís með hornspyrnuna beint í hendurnar á Guðný í markinu. Hún nær ekki að taki á boltanum, missir hann frá sér og Ingunn rétt kona á réttum stað og setur hann yfir línuna.
45. mín
Ásdís vinnur boltann á miðjunni og nær þrumuskoti á markið en Guðný gerir vel og nær að slá hann yfir. Hornspyrna.
42. mín
ÍBV verið aðeins grimmari síðustu mínútur og sótt meira, einum fleiri að sjálfsögðu.
40. mín
Emma með góða spyrnu fyrir en KR-ingar ná að skalla frá.
39. mín Gult spjald: Ingunn Haraldsdóttir (KR)
Cloé tekin niður aftur! Mjög svipað atvik en akkúrat hinumegin. Sjáum hvort þær nýti þessa aukaspyrnu betur.
38. mín
Cloé tekur spyrnuna, reynir stutta sendingu sem ekkert verður til úr. Þarna hefðu Eyjakonur geta gert betur.
37. mín Rautt spjald: Laufey Björnsdóttir (KR)
Seinna gula!

Tekur Cloé niður rétt fyrir utan teiginn. ÍBV fær aukaspyrnu á stórhættulegum stað!
33. mín
ÍBV hættulegar þarna. Sísí nær ágætum skalla á markið en vel varið hjá Birnu.
29. mín
Þarna munaði mjóu!

Katrín setur boltann í stöngina eftir fyrirgjöf Söndru Dögg. Eyjakonur heppnar þarna.
26. mín
Aðeins orðið jafnara og liðin farin að halda boltanum betur. Lítil hætta að skapast.
20. mín
KR-ingar hafa verið sterkari hér í upphafi leiks. Þær halda áfram að sækja.
13. mín MARK!
Lilja Dögg Valþórsdóttir (KR)
Jahá! KR komnar yfir!

Vandræðagangur og barátta fyrir utan teiginn. Lilja nær að koma boltanum fyrir markið en leit ekki út fyrir að vera skot á markið. Hann sveif hins vegar yfir allt og alla og hafnar í fjærhorninu.
9. mín
Ágætis færi hjá KR-ingum. Tijana tekur aukaspyrnu frá miðju og Gumma fær boltann inn í teig en nær ekki að snúa. Hættulegasta færið hingað til!
6. mín Gult spjald: Laufey Björnsdóttir (KR)
Tekur Kristínu Ernu niður á miðjum vallarhelmingi KR-inga.

ÍBV uppsker aukaspyrnu en ná ekki að skapa sér færi úr þessu.
6. mín
Fyrsta hornspyrna leiksins er KR-inga.

Ásdís með langan bolta á fjær en engin mætt þar.
4. mín
Emma er komin aftur inn á völlinn, haltrar aðeins en virðist vera klár.
2. mín
Emma liggur eftir. Virðist hafa misstigið sig þegar hún reynir að halda boltanum inn á vellinum. Vonum að þetta sé ekki alvarlegt.
1. mín
Kr-ingar byrja á fínni sókn sem endar með að Guðmunda Brynja fær boltann inn í teig en nær ekki að koma honum á markið.
1. mín
Leikur hafinn
Þetta er farið af stað! Heimakonur hefja leik.

KR í sínum svörtu og hvítu treyjum en ÍBV spila í rauðu.
Fyrir leik
Hér er allt að smella!

Liðin ganga inn á völlinn ásamt dómurum leiksins og framtíðarstjörnum KR, stúlkum úr 6. og 7.flokki á meðan Heyr mína bæn hljómar í hljóðkerfinu.

Áhorfendur eru hægt og rólega að koma sér fyrir í stúkunni.
Fyrir leik
Liðin eru á fullu að hita upp og sólin skín!
Fyrir leik
Það er geggjað veður og völlurinn lítur mjög vel út. Frábærar aðstæður hér í Vesturbænum.
Fyrir leik
KR-ingar gera tvær breytingar á sínu liði frá því í síðasta leik. Birna Kristjánsdóttir kemur inn í markið fyrir Agnesi Þóru Árnadóttur og svo kemur Grace Maher inn fyrir Kristínu Erlu.

ÍBV gerir eina breytingu á sínu liði en Guðrún Bára Magnúsdóttir kemur inn fyrir Amöndu Kristen Rooney.
Fyrir leik
Byrjunarliðin hafa verið birt og er hægt að skoða þau hér til hliðanna!
Fyrir leik
Á síðasta tímabili höfðu ÍBV betur í fyrri umferðinni, þegar þær sigruðu 2-0 á Hásteinsvelli en KR-ingar sigruðu svo 3-2 á heimavelli þegar liðin mættust aftur í síðari umferðinni.


Í síðustu 45 skipti sem þessi lið hafa mæst þá hafa KR sigrað 22 leiki, ÍBV sigrað 19 leiki og fjórum sinnum hefur verið jafnt.
Fyrir leik
ÍBV situr í 7. sæti deildarinnar með 3 stig en KR er án stiga í 9. sætinu.

Í síðustu umferð fóru KR stúlkur í heimsókn í Árbæinn og töpuðu 2-1 fyrir Fylki. ÍBV tóku á móti Þór/KA úti í Eyjum og töpuðu 1-3.
Fyrir leik
Góðan daginn og verið velkomin í beina textalýsingu frá leik KR og ÍBV í fjórðu umferð Pepsi Max deildar kvenna. Flautað verður til leiks hér á Meistaravöllum í Vesturbænum klukkan 18:00.
Byrjunarlið:
30. Guðný Geirsdóttir (m)
3. Júlíana Sveinsdóttir
4. Caroline Van Slambrouck
7. Rut Kristjánsdóttir
9. Kristín Erna Sigurlásdóttir ('71)
9. Emma Rose Kelly
10. Clara Sigurðardóttir
11. Sigríður Lára Garðarsdóttir
14. Guðrún Bára Magnúsdóttir
18. Margrét Íris Einarsdóttir ('61)
20. Cloé Lacasse

Varamenn:
2. Ragna Sara Magnúsdóttir
6. Sesselja Líf Valgeirsdóttir
6. Thelma Sól Óðinsdóttir
7. Þóra Björg Stefánsdóttir ('61)
15. Hafdís Bára Höskuldsdóttir
19. Ingibjörg Lúcía Ragnarsdóttir
23. Shaneka Jodian Gordon ('71)
24. Helena Jónsdóttir

Liðsstjórn:
Sigríður Sæland Óðinsdóttir
Óskar Rúnarsson
María Guðjónsdóttir
Sonja Ruiz Martinez
Richard Matthew Goffe

Gul spjöld:
Sigríður Lára Garðarsdóttir ('88)

Rauð spjöld: