Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
FH
1
0
Víkingur R.
Brandur Olsen '77 1-0
08.07.2019  -  19:15
Kaplakrikavöllur
Pepsi Max-deild karla
Aðstæður: Hlýtt en grátt veður og léttur vindur
Dómari: Egill Arnar Sigurþórsson
Áhorfendur: 1380
Maður leiksins: Guðmundur Kristjánsson
Byrjunarlið:
24. Daði Freyr Arnarsson (m)
Davíð Þór Viðarsson
4. Pétur Viðarsson
5. Hjörtur Logi Valgarðsson
7. Steven Lennon ('84)
10. Björn Daníel Sverrisson (f)
11. Jónatan Ingi Jónsson ('70)
16. Guðmundur Kristjánsson
22. Halldór Orri Björnsson ('46)
23. Brynjar Ásgeir Guðmundsson
27. Brandur Olsen

Varamenn:
1. Gunnar Nielsen (m)
3. Cédric D'Ulivo
8. Þórir Jóhann Helgason
11. Atli Guðnason ('70)
18. Jákup Thomsen ('46)
21. Guðmann Þórisson ('84)
28. Leó Kristinn Þórisson

Liðsstjórn:
Ólafur Helgi Kristjánsson (Þ)
Hákon Atli Hallfreðsson
Guðlaugur Baldursson
Eiríkur K Þorvarðsson
Ólafur H Guðmundsson
Styrmir Örn Vilmundarson
Ásmundur Guðni Haraldsson

Gul spjöld:
Guðmundur Kristjánsson ('32)
Brynjar Ásgeir Guðmundsson ('45)
Davíð Þór Viðarsson ('90)
Atli Guðnason ('94)

Rauð spjöld:
Leik lokið!
Ekkert kemur úr aukaspyrnunni og nafni minn flautar af í kjölfarið. 1-0 sigur FH-inga, fyrsti sigur þeirra í deildinni í 7 vikur!
94. mín Gult spjald: Atli Guðnason (FH)
Víkingar fá auaspyrnu á góðum stað hér, tíminn að renna frá þeim og þeir þurfa að gera eitthvað úr þessu. Atli fær gult fyrir brotið.
91. mín
Fjórum mínútum bætt við, ná Víkingar að jafna?
90. mín Gult spjald: Arnar Gunnlaugsson (Víkingur R.)
Arnar alls ekki sáttur við þetta hjá Davíð og fær gult fyrir mótmæli.
90. mín Gult spjald: Davíð Þór Viðarsson (FH)
Klippir Ágúst niður á leið í skyndisókn, klárt spjald.
87. mín
Dauðafæri hjá Quee! Guðmundur Andri með boltann fyrir á Quee sem setur hann yfir markið úr dauðafæri.
84. mín
Inn:Guðmann Þórisson (FH) Út:Steven Lennon (FH)
Framherji út, miðvörður inn.
84. mín
Örvar fær ansi ódýra aukaspyrnu hér úti hægra megin við litla hrifingu Péturs sem lætur Egil vita af óánægju sinni.
82. mín
Júlíus með skot á lofti utan teigs en það er framhjá markinu.
79. mín
Það var nákvæmlega ekkert sem benti til þess að FH myndi skora í þessum leik, Víkingar mun betri aðilinn í seinni hálfleik en þá mætir Brandur og smyr einni aukaspyrnu í hornið.
77. mín MARK!
Brandur Olsen (FH)
Stoðsending: Steven Lennon
Brandur skorar úr aukaspyrnunni! Setur hann laglega yfir vegginn og í hornið, frábær aukaspyrna og FH komnir yfir hér!
76. mín
Júlíus brýtur á Lennon rétt utan vítateigs hér, FH með aukaspyrnu á stórhættulegum stað!
72. mín
Fín fyrirgjöf frá Guðmundi Andra á Örvar en Örvar nær ekki að stýra skalla sínum að marki.
70. mín
Inn:Atli Guðnason (FH) Út:Jónatan Ingi Jónsson (FH)
Reynslan sett inná, Atli Guðna inn fyrir Jónatan.
70. mín
Inn:Örvar Eggertsson (Víkingur R.) Út:Viktor Örlygur Andrason (Víkingur R.)
Arnar ætlar að vinna þennan leik, framherjinn Örvar Eggertsson kemur inná fyrir varnarsinnaða miðjumanninn Viktor Örlyg.
68. mín
Brandur tekur viðstöðulaust skot úr teignum en boltinn langt framhjá markinu.
66. mín
Júlíus hleður í skot fyrir utan teig, skotið er gott en fer rétt framhjá markinu.
62. mín
Eftir harða baráttu í teignum dettur boltinn fyrir Erling í dauðafæri í teignum en hann hittir boltann skelfilega og setur hann yfir markið. Þarna á Erlingur einfaldlega að skora!
61. mín
Erlingur með skot sem fer af varnarmanni og í hornspyrnu.
60. mín
Þarna kom færi, Brynjar með góða sendingu meðfram jörðinni fyrir á Björn Daníel sem skýtur í fyrsta en beint á Dodda, á að ná miklu betra skoti þarna!
55. mín
Júlíus með stungusendingu ætluð Erlingi en Daði kemur út og hirðir boltann á undan honum.
53. mín
Erlingur Agnarsson, sonur Agnars með hornspyrnu hér en Gummi Kri nær að skalla boltann frá. Í kjölfarið halda Víkingar boltanum í drykklanga stund án þess að skapa neitt.
50. mín
Davíð með langt innkast inná teiginn sem Kári vinnur að sjálfsögðu en FH komast í seinni boltann og koma honum frá.
46. mín
Lennon hársbreidd frá því að ná snertingu framhjá Dodda hér en Doddi nær að handsama boltann, með herkjum þó.
46. mín
Leikur hafinn
FH hefja seinni hálfleikinn hér.
46. mín
Inn:Jákup Thomsen (FH) Út:Halldór Orri Björnsson (FH)
Jákup kemur inn fyrir Halldór Orra í hálfleik.
45. mín
Hálfleikur
Pétur Viðars í dauðafæri hér en skýtur í varnarmann af stuttu færi og í kjölfarið er flautað til hálfleiks.
45. mín
Tvær mínútur í uppbótartíma.
45. mín Gult spjald: Brynjar Ásgeir Guðmundsson (FH)
Guðmundur Andri er að fara illa með Brynjar, fer framhjá honum enn og aftur og nú neglir Brynjar hann niður í kjölfarið, glórulaust brot og klárt spjald.
43. mín
Jónatan kemur sér i gott skotfæri en skot hans er beint á Dodda sem grípur boltann.
42. mín
Víkingar að sækja núna, Davíð með flotta fyrirgjöf inn í teig þar sem margir Víkingar eru en Guðmundur Andri skallar boltann vel yfir markið, hefði mögulega átt að láta hann fara á Quee sem var í betra færi.
40. mín
Kwame Quee í langbesta færi leiksins, algjört dauðafæri! Guðmundur Andri með frábæra stungusendingu á Quee sem er einn a móti Daða en Daði ver frábærlega frá honum!
38. mín
Brandur hleður í skot af 30 metrunum en það fer yfir markið, fín hugmynd en skotið verður að vera betra.
38. mín
Lítið að gerast en kominn meiri hraði í leikinn, fáum við mark fyrir hálfleik?
33. mín
Vá Jónatan Ingi sendir Dofra Snorrason í Fossvoginn með gabbhreyfingu, en lendir á vegg þegar Kári Árnason kemur og hirðir af honum boltann.
32. mín Gult spjald: Guðmundur Kristjánsson (FH)
Gummi keyrir harkalega inn í bakið á Ágústi á miðjum vellinum, fer alltof seint og harkalega inn í hann og fær gult spjald réttilega.
28. mín
Guðmundur Andri með fína takta fyrir utan teig FH og þræðir honum í gegn en Erlingur er rangstæður og lætur boltann vera, klaufalegt hjá Erlingi.
26. mín
Víkingar taka hornið stutt á Júlíus sem kemur með fallhlífarbolta inná teig sem Daði handsamar auðveldlega.
25. mín
Davíð með langt innkast, boltinn endar hjá Guðmundi Andra sem á skot í varnarmann og í hornspyrnu.
23. mín
Ég er ekki sofnaður á lyklaborðinu en það styttist í það, ekki eitt færi komið í þennan leik og ég kalla eftir allavega örlitlu skemmtanagildi hér!
19. mín
Guðmundur Andri reynir að keyra framhjá nafna sínum Kristjánssyni en Gummi stígur hann vel út, miklu sterkari og gerir þetta mjög vel. Guðmundur Andri vildi víti en þetta var hárrétt, frábær varnarleikur.
16. mín
FH með góða sókn hér en komast ekki í færið, Víkingar þéttir. Brynjar reyndi að koma honum á Lennon inn í teignum en Víkingar komu boltanum frá, þar mætti Gummi Kri og negldi boltanum langt framhjá markinu.
12. mín
Jónatan með laglega takta og kemst í skotið en Sölvi fleygir sér fyrir, FH-ingar vilja hendi og víti á Sölva en fá ekki.
12. mín
Inn:Dofri Snorrason (Víkingur R.) Út:Halldór Smári Sigurðsson (Víkingur R.)
Því miður gat Halldór ekki haldið leik áfram, inná í hans stað kemur hinn þaulreyndi Dofri Snorrason.
11. mín
Halldór er sestur aftur, nú hljóta þeir að gera skiptingu Víkingar.
10. mín
Brynjar Ásgeir brýtur klárlega á Erlingi hér rétt utan teigs en nafni minn dæmir ekki neitt við litla hrifningu Víkinga!
10. mín
Halldór er kominn aftur inná en hann er alls ekki heill heilsu, haltrar hér um og þarf sennilega að koma af velli ef þetta heldur svona áfram.
8. mín
Halldór Smári liggur eftir og þarf að fá aðhlynningu hér, vonum að hann geti haldið leik áfram.
6. mín
Guðmundur Andri með mikið pláss vinstra megin og Erlingur sér það en hittir boltann illa og sending hans fer á Daða í marki FH.
4. mín
Quee kemst í fína skotstöðu við teigslínuna en skot hans er beint á Daða Frey sem handsamar boltann þægilega.
1. mín
FH ná strax boltanum og keyra upp kantinn, Jónatan með fyrirgjöfina á Björn Daníel sem skallar boltann yfir markið.
1. mín
Leikur hafinn
Ágúst Eðvald sparkar leiknum í gang hér í Krikanum.
Fyrir leik
Víkingar spila 4-1-4-1 áfram. Doddi er í markinu, Kári og Sölvi í miðvörðunum, Davíð og Halldór í bakvörðunum, Viktor djúpur á miðju með Júlíus og Erling fyrir framan hann, Quee og Guðmundur Andri á köntunum og Ágúst frammi.
Fyrir leik


Fyrir leik
FH spilar 4-3-3 með Gumma Kri og Pétur í hafsentunum, Brynjar og Hjörtur í bakvörðum, Davíð og Brandur fyrir aftan Björn Daníel á miðjunni, Halldór og Jónatan á köntunum og Lennon í níunni.
Fyrir leik


Fyrir leik
Byrjunarliðin eru komin inn.
FH stillir upp óbreyttu byrjunarliði frá markalausa jafnteflinu við Grindavík í síðustu umferð. Gunnar Nielsen er kominn aftur í liðið eftir meiðsli og er á varamannabekknum í kvöld á kostnað Vignis Jóhannessonar. Þá kemur Leó Kristinn Þórisson á bekkinn í kvöld í stað Kristins Steindórssonar.

Hjá Víkingum byrjar Kári Árnason sinn fyrsta leik í Pepsí Max-deildinni og Dofri Snorrason fer á bekkinn á kostnað hans. Þá byrja Kwame Quee og Júlíus Magnússon í kvöld fyrir Atla Hrafn Andrason og Nikolaj Hansen sem eru báðir meiddir og ekki í leikmannahópnum í kvöld.
Fyrir leik
Víkingar hafa beðið eftir Kára Árnasyni í rúmlega ár, fáum við að sjá hann í byrjunarliðinu í kvöld? Ég býst við því en það verður fróðlegt að sjá hvernig Arnar stillir upp liðinu með Kára inni, fer hann í þriggja manna eða heldur sig við 4 manna vörn?
Fyrir leik


Fyrir leik
Bæði þessi lið eru komin í undanúrslit Mjólkurbikarsins. Víkingar unnu 2-3 sigur í Eyjum eftir að hafa lent 2-0 undir og mæta þeir Breiðablik í undanúrslitum.

FH vann stórsigur, 7-1, á Grindvíkingum og mæta besta liði landsins um þessar mundir, KR, í undanúrslitunum.
Fyrir leik
Það er að verða ansi langt síðan FH vann síðast leik í deildinni, það gerðist síðast þann 20.maí gegn Val á þessum velli. Það er morgunljóst að þeir þurfa að vinna í kvöld, annars er þetta orðið ansi bratt hjá þeim. Þeir eru í 7.sætinu með 13 stig fyrir leikinn í kvöld, 2 stigum meira en Víkingar sem eru í 10.sætinu.

Víkingar eru búnir að ná í 8 stig af þessum 11 úr síðustu 4 deildarleikjum svo þeir eru á fínu skriði og ætla klárlega að sækja til sigurs í kvöld. Kári Árna mættur heim og partý í Fossvoginum!
Fyrir leik
Góða kvöldið og verið velkomin í beina textalýsingu frá leik FH og Víkings á Kaplakrikavelli í 12.umferð Pepsí Max-deildar karla.
Byrjunarlið:
16. Þórður Ingason (m)
Sölvi Ottesen
Kári Árnason
7. Erlingur Agnarsson
8. Viktor Örlygur Andrason (f) ('70)
12. Halldór Smári Sigurðsson ('12)
20. Júlíus Magnússon (f)
21. Guðmundur Andri Tryggvason
22. Ágúst Eðvald Hlynsson
24. Davíð Örn Atlason
77. Kwame Quee

Varamenn:
32. Fran Marmolejo (m)
3. Logi Tómasson
4. Gunnlaugur Hlynur Birgisson
5. Mohamed Dide Fofana
11. Dofri Snorrason ('12)
14. Bjarni Páll Linnet Runólfsson
18. Örvar Eggertsson ('70)

Liðsstjórn:
Arnar Gunnlaugsson (Þ)
Þórir Ingvarsson
Ísak Jónsson Guðmann
Hajrudin Cardaklija
Fannar Helgi Rúnarsson
Einar Guðnason
Guðjón Örn Ingólfsson

Gul spjöld:
Arnar Gunnlaugsson ('90)

Rauð spjöld: