Fylkismenn eru í raun að spila hérna 4-4-1-1.

Línurnar eru mjög aftarlega og stutt á milli. Ljóst mál að þeir munu leyfa Val að vera mikið með boltann.

Loksins gryllir í leikmennina.

Fylkismenn eru alhvítir í dag en Valsarar í sínum litum, þ.e. fyrir þá sem hafa nú vanist Fram-litnum á sokkunum þeirra.

Þulurinn er kominn í heimavallargírinn og fær ágætar undirtektir í stúkunni þegar hann les upp lið heimamanna.

Liðin eru að gera sig klár í lokaundirbúning inni í klefanum, Steini Þuru markmannsþjálfari Fylkis er afskaplega huggulegur að vanda, klæðir hann verulega vel að vera í stullum!

Veit ég er þreytandi en það bara er fullkomið kvöld til að fara á völlinn. Taka með sér sólgleraugu í stúkuna og sitja í stuttermabolnum í steikjandi íslenskum kvöldhita.

Burger í hálfleik...það er ekki hægt að biðja um það betra.

Dómarateymið er klárt í dag.

Flautuleikarinn er Pétur Guðmundsson, honum til aðstoðar eru með flögg og míkrófón í eyra þeir Jóhann Gunnar Guðmundsson og Eðvarð Eðvarðsson.

Helgi Mikael Jónsson er fjórði dómari og Þórður I. Guðjónsson mun gefa teyminu einkunn að leik loknum, enda eftirlitsmaður.

Afskaplega lítið er um leikmenn í hóp í dag sem leikið hafa fyrir bæði þessi félög.

Það er bara beinlínis enginn! Lítill félagsskapur þar á ferð...bara þjálfarateymi Fylkis sem lék með Val á sínum tíma, bæði Helgi Sig og Óli Stígs voru rauðir um stund.

Fylkismenn verða án Ólafs Inga Skúlasonar og Daða Ólafssonar í dag, þeir eru í leikbanni vegna fjögurra gulra spjalda.

Leikur liðanna í fyrri umferð mótsins var líka fyrsti sigurleikur Valsmanna í mótinu.

Þeir unnu 1-0 í Árbænum með marki frá Orra Sigurði Ómarssyni.

Liðin hafa leikið 37 leiki í efstu deild.

Af þeim hafa Valsmenn unnið 20 leiki en Fylkismenn tekið 13 sigra. Jafnteflin því fjögur.

Það er hins vegar býsna langt síðan Fylkismenn unnu Valsmenn, það gerðist fyrir um 5 árum þegar þeir unnu 2-0. Síðan þá hafa Valsarar unnið 4 en jafnteflin síðan þá eru 3.

Keppnin um lausu Evrópusætin er auðvitað stóra málið í efri hlutanum en grínið er þó líka það að það lið sem tapar hér í dag er þá enn í töluverðri fallbaráttu.

Svo leikurinn er svolítið dæmi um í hvora áttina liðin ætla að fara í framhaldinu, horfa menn upp eða niður?

Fyrir leikinn sitja liðin tvö hlið við hlið rétt fyrir neðan miðja deildina.

Valsmenn í 7.sæti með 20 stig og Fylkir sæti neðar með 19 stig. Ljóst mál að það lið sem sigrar hér í kvöld fer af algleymi inn í baráttuna um Evrópusætið. Ef Valsarar sigr verða þeir eftir leiki umferðarinnar í 3. eða 4.sæti en ef Fylkir sigra færu þeir í 4. eða 5.sæti.

Leikurinn er liður í 15.umferð deildarinnar, sem þýðir að þegar þessum lýkur er bara þriðjungur eftir af PepsiMax-ævintýrinu.

Góðan og blessaðan daginn og hjartanlega velkomin í beina textalýsingu af Vodafone-vellinum þar sem heimamenn í Val taka á móti Fylkismönnum.