Sandra reynir hér skot á miðjum velli en það er rétt yfir, hefði verið gaman fyrir hana ef hún hefði endað ferilinn svona!

Það eru 4 mínútur í uppbótartíma

Hlín reynir hér skot langt fyrir utan teig en Telma grípur örugglega

Fínt færi hjá Fjölni. Hlín með sendingu inn í teig sem lendir beint á kollinum Söru held ég en skallinn vel framhjá

Sara Montoro fær fína stungu en Telma gerir vel og nær til boltans áður en Sara kemst að honum

Donni settist í spádómsstólinn hjá .net og spáði í úrslitin í þessari lokaumferð Inkasso deildarinnar. Hann spáði því að leikar myndu enda 4-4. Það þarf ANSI mikið að gerast til að sú spá rætist

Augnablik fær hornspyrnu rétt við hornfánann.
Sandra tekur, vindurinn breytir aðeins stefnunni sýnist mér og Berglind grípur

Katrín Elfa reynir skot en Telma grípur boltann auðveldlega

Hvernig skoraði Fjölnir ekki þarna úff, frábær sending fyrir sem Telma missir af, boltinn berst á Hlín sem hittir ekki og Augnablik hreinsar. Fjölnir fær hornspyrnu

Stúkan ekkert sérstaklega sátt við Jovönu dómara þessa stundina

Þeir sem eru að fylgjast hér með leiknum og geta ekki hugsað sér að líta frá þessari æsispennandi textalýsingu þá ætla ég aðeins að fara yfir stöðuna í öðrum leikjum.

Þróttur er að vinna Grindavík 7:0. Lauren Wade er búin að skora þrennu og Linda Líf Boama er komin með 2 og 4 stoðsendingar. Með þessum mörkum er Linda orðin jöfn Murielle á toppnum yfir markahæstu menn deildarinnar.
Þá eru Haukar að gera 1-1 jafntefli við ÍR
Staðan í öðrum leikjum er 0-0 svo eins og stendur er FH á leiðinni upp í Pepsi Max.

Fjölnir fær horn. Flott spyrna en einhvern veginn missa allir gulir af boltanum og Augnablik hreinsar

Augnablik fær aukaspyrnu rétt fyrir framan miðju sem Sandra tekur, boltinn fer í gegnum alla þvöguna og endar framhjá markinu. Vindurinn hjálpaði líklega til

Þá er þetta hafið á ný. Nú byrja gestirnir með boltann.

+2

Vindurinn orðinn mjög mikill núna og farinn að hafa veruleg áhrif á leikinn

+1

Nú er venjulegur leiktími liðinn. Það verður líklega slatta bætt við, mikið af töfum

Augnablik fær aukaspyrnu sem Sandra tekur. Spyrnan er slök og fer út af vellinum áður en hún kemst að pakkanum sem stóð í teignum

Jæja Fjölnir aðeins að sækja í sig veðrið. Eiga ágætis tækifæri og fá hornspyrnu sem Hrafnhildur tekur. Fín spyrna en Fjölnisstelpurnar inn í teig ná ekki til boltans en það gerir Telma sem grípur hann örugglega

Nadía á hér fínan skalla en telma er örugg í markinu og ver vel

Augnablik fær horn

Fjölnir fær hér aukaspyrnu á miðjum velli. Íris nær að skalla aftur á bak frekar auman bolta sem Telma grípur

Ég ætla ekkert að ljúga að ykkur kæru lesendur, það er nákvæmlega ekki neitt að gerast í þessum leik

Lilja Nótt tekur frábæran sprett upp hægrin vænginn fyrir Fjölni og er næstum því komin upp að endalínu þegar hún tekur sendingu/skot fyrir markið sem Telma ver en missir boltann svo frá sér klaufalega. Augnablik nær þá að hreinsa

Gústi Gylfa mættur á völlinn. Gaman að því

Vigdís liggur hér eftir eftir samstuð við Berthu. Hún er nú staðin upp og haltrar út af. Spurning hvort hún geti haldið leik áfram?

Svarið er já, hún kom inná 2 mínútum seinna

Augnablik í ágætis færi. Eyrún fer upp hægri kantinn og kemur með sendingu inn í teig sem Þórdís Katla rétt nær að pota í en boltinn framhjá markinu

Þessi ljósamál eru klárlega það áhugaverðasta sem hefur gerst í leiknum hingað til

LJÓSIN ERU KOMIN Á! Sem þýðir að leikurinn er hafinn á ný

Það er allt stopp þessa stundina þar sem fljóðljósin eru ekki komin á. Jovana stoppaði leikinn allavega í 3 mínútur.
Þjálfararnir notuðu tímann og leiðbeindu sínum liðum á meðan.

Uss Eyrún reynir hér skot hægra megin vel fyrir utan teig sem Berglind rétt nær að koma fingurgómunum á. Augnablik fær horn

Jæja fyrsta skot leiksins. Held það hafi verið Linda sem skaut en Telma varði vel í markinu