Liðin að ganga til vallar og allt orðið klárt. Vonumst sem og endranær eftir fjörugum og skemmtilegum leik.

Tæpur hálftími í leik hér í Kaplakrika og fólk farið að týnast í stúkuna. Veðrið er til fyrirmyndar og aðstæður allar hinar bestu. Allir á völlinn segi ég.

Byrjunarliðin

Athyglisvert að sjá Daða Frey aftur í marki FH. Gunnar Nielsen er hvergi sjáanlegur á skýrslu. Spurning hvort hann séð að glíma við einhver meiðsli. Morten Beck er sömuleiðis ekki með FH en hann er meiddur.

Hjá Gróttu snúa Pétur Theodór og Sigurvin Reynisson aftur í byrjunarlið Gróttu eftir að hafa byrjað á bekknum gegn Víkingum.

Tríóið

Helgi Mikael Jónasson er dómari hér í kvöld. Honum til aðstoðar eru þeir Sveinn Þórður Þórðarson og Ragnar Þór Bender.

Fjórði dómari er Erlendur Eiríksson og eftirlitsmaður KSÍ er Þórður Georg Lárusson

Spámaður þessarar umferðar á Fótbolta.net er Aron Elís Þrándarson leikmaður OB í Danmörku.

Um leikinn segir Aron.

FH - Grótta

Upprúllun í Krikanum. Jónatan og Lennon eiga eftir að leika ser að Gróttuvörninni

Fyrri viðureignir

Liðin hafa leikið alls þrjá opinbera leiki skv. gagnagrunni KSÍ og það alla í Lengjubikarnum. FH hefur haft sigur í tveimur þeirra en einum lokið með jafntefli.

Síðasta viðureign liðanna var háð í Lengjubikarnum í vetur þar sem liðin gerðu 1-1 jafntefli. Óskar Atli Magnússon kom þar FH yfir en Kristófer Orri Pétursson jafnaði leikinn eftir að Guðmann Þórissyni hafði verið vikið af velli með rautt spjald.

Aðstæður og veður

Það þarf ekki að hafa áhyggjur af vallarmálum í Kaplakrika. Einn besti grasvöllur ef ekki sá besti hýsir leik liðanna og allt til alls hvað völlinn varðar til þess að spila skemmtilegann og high-tempo leik.

Veðurútlit er sömuleiðis bara virkilega gott. Vindur á bilinu 5-10 m/s hiti um 12 gráður og heiðskírt ef mark er takandi á veðurspám. Ef mið er tekið af veðrinu út um gluggann hjá mér leyfi ég mér að vera bjartsýnn.

FH

FH mætir til leiks í 7.sæti deildarinnar með 11 stig. Þjálfaraskipti hafa orðið í Hafnarfirðinum eins og öllum ætti að vera ljóst. Logi Ólafs og Eiður Smári hafa stýrt liðinu í tveimur leikjum og niðurstaðan 4 stig, 1 sigur og 1 jafntefli gegn KA í síðustu umferð á heimavelli.

Markalaust í fyrsta heimaleik Eiðs og Loga

Logi og Eiður hafa nú náð fleiri æfingum með FH og verður spennandi að sjá hvernig liðið mætir til leiks gegn Gróttu í kvöld.

Stór tíðindi bárust úr herbúðum FH í vikunni þegar tilkynnt var að Eggert Gunnþór Jónsson væri búinn að semja við FH en hann kemur til liðsins frá dönsku bikarmeisturunum í Sönderjyske. Félagaskiptaglugginn er þó lokaður enn og Eggert því ekki með FH fyrr en gegn Val þann 5.ágúst.

Grótta

Grótta mætir til leiks sitjandi í 11.sæti deildarinnar með 5 stig. Einn sigur í síðustu 5 leikjum, tvö töp og tvö jafntefli þar með talið 1-1 jafntefli gegn Víkingum á Vivaldivellinum í síðustu umferð.

Rútunni lagt á Vivaldi

Liðið spilaði þar afar varnarsinnaðan bolta og freistaði þess að beita skyndisóknum og sækja föst leikatriði. Ekki skemmtilegasti fótbolti sem spilaður hefur verið en reyndist Gróttu vel gegn hugmyndasnauðum Víkingum sem áttu í basli með aðstæður á Seltjarnarnesi.

Andstæðingurinn í kvöld er þó annar og gryfjan í Kaplakrika hefur ekki alltaf verið útiliðum góð.

Gott kvöld kæru lesendur og verið velkomin í beina textalýsingu Fótbolta.net frá leik FH og Gróttu í 9.umferð Pepsi Max deildar karla.