Ingvar Kale sem hætti eftir síðasta tímabil er í marki Kórdrengja í kvöld. Gaman að því að sjá þann mikla meistara fylla í skarðið í dag.

Styttist í leik. Liðin farin til búningsherbergja að klára sinn undirbúning.

Lengjudeildin bíður?

Kórdrengir hafa verið jafnbesta lið deildarinnar það sem af er móti um það er ekki deilt. Firnasterkur leikmannahópur sem hefur innanborðs reynslumikla og góða leikmenn. Albert Brynjar Ingason með sína 219 leiki í efstu deild hefur verið iðinn fyrir framan markið og er markahæstur í deildinni með sjö mörk ásamt Njarðvíkingnum Kenneth Hogg.

Do or Die fyrir Njarðvík?

Heimamenn í Njarðvík sitja fyrir leik kvöldsins í 6.sæti deildarinnar með 20 stig 6 stigum á eftir toppliði Kórdrengja. Röðin frá sætum 2-6 er nokkuð þétt og aðeins 2 stig skilja heimamenn frá öðru sæti deildarinnar. Eins og áður sagði er pakkinn þó þéttur og er sigur því sem næst nauðsynlegur fyrir heimamenn ætli þeir sér að treysta á sjálfa sig í þeirri baráttu að fara upp um deild. Erfiðara yrði fyrir þá að treysta á það að öll hin 4 liðin sem eru að elta topplið Kórdrengja fari að tapa stigum. Njarðvíkingar mæta þó til leiks með sigur í síðasta leik á bakinu og ætla sér eflaust að gera sitt til þess að reyna að koma höggi á Kórdrengi.

Heil og sæl lesendur góðir og verið líkt og alltaf hjartanlega velkomin í beina textalýsingu Fótbolta.net frá leik Njarðvíkur og Kórdrengja í 2.deild karla.