Það er farið að styttast í þetta leikmennirnir komnir inná völlinn.

Tokic og Gary skoruðu samtals 33 mörk á síðasta tímabili

Vestri stillir upp í 4-3-3 og Selfoss stillir upp í 3-5-2.

Liðin byrjuð að hita upp.

Í ljósi aðstæðna er bara hægt að taka á móti 100 áhorfendum á völlinn í dag. Því er ljóst að færri komast að en vilja. Hvetjum fólk til að fylgjast vel með textalýsingunni hér á fótbolta.net.

Þrátt fyrir að aðalvöllurinn á Selfossi líti vel út verður leikurinn verður spilaður á gervigrasinu við JÁVERK-völlinn enda munar mikið um hverja mínútu sem hægt er að hlífa grasinu á aðalvellinum.

Vestri eru búnir að spila annan leik í Mjólkurbikarnum á móti KFR sem þeir unnu 1-0 og komust ennþá lengra í Mjólkurbikarnum.

Ljóst er að allra augu beinast að Gary Martin eftir óvænt félagsskipti hans frá ÍBV til Selfoss
og gaman að sjá hvað hann og Tokic geta gert saman.

Vestri keppti líka á JÁVERK-vellinum í Mjólkurbikarnum en þeir kepptu á móti Hamri og unnu þar 3-0 og komust því áfram þar.

Fyrir 2 vikum síðan mætti Selfoss Kórdrengjum í Mjólkurbikarnum þar sem Selfoss skoraði sjálfsmark og datt því úr Mjólkurbikarnum.

Spá fótbolta.net gerir ráð fyrir að Vestri lendi í 6. sæti Lengjudeildarinnar.

Vestramenn gerðu vel í fyrra eftir að hafa komist upp úr 2. deild árið áður. Vestri hafnaði að lokum í sjöunda sæti deildarinnar. Í staðinn fyrir að horfa niður, þá er horft upp töfluna. Draumurinn hjá Vestra er að félagið komist upp í efstu deild í ár.

Þjálfarinn: Heiðar Birnir Torleifsson tók við stjórn liðsins af Bjarna Jóhannssyni eftir síðustu leiktíð. Heiðar Birnir er uppalinn Ísfirðingur og þekkir liðið eftir að hafa starfað sem aðstoðarmaður Bjarna Jó. Hann hefur mikla reynslu af barna- og unglingaþjálfun. Hann hefur verið yfirþjálfari Coerver Coaching hér á landi en starfið hjá Vestra verður hans annað aðalþjálfarastarf í meistaraflokki. Heiðar þjálfaði B71 í Færeyjum 2019.

Álit séfræðings
Eiður Ben Eiríksson, Rafn Markús Vilbergsson og Úlfur Blandon eru sérfræðingar Fótbolta.net fyrir Lengjudeildina í ár. Úlfur gefur sitt álit á liði Vestra.

Það er engum blöðum um það að fletta að lið Vestra ætla sér stærri hluti en að vera að berjast í neðri hluta deildarinnar á þessu tímabili. Þegar flett er upp orðinu metnaður í almennum upplýsingaritum kemur fram útskýringin að sjálfsögðu, en svo kemur líka mynd af Samúel Samúelssyni við hliðina. Þrautsegjan, eljan og krafturinn í kringum liðið undanfarin ár er aðdáunarverður og ljóst að menn vilja komast miklu nær Pepsi Max-deildarsætinu en þessi spá gerir ráð fyrir.

Lið Vestra í ár er gríðarlega vel mannað og valinn maður í hverju rúmi. Þeir eru búnir að sanka að sér góðum leikmönnum héðan og þaðan og ljóst að markið er sett hátt í ár. Á pappír lítur liðið einstaklega vel út, þar sem gæði og ferilskrá leikmanna er með allra besta móti. Hinsvegar er það svo, eins og allir knattpurnuáhugamenn vita að fótbolti er liðsíþrótt og það þurfa allir að róa í sömu átt svo að útkomman verði eins og vilji stendur til.
Það eru mörg spurningamerki í kringum Vestra liðið. Liðið er til að mynda með frekar óreyndan þjálfara í Heiðari Birni, liðið varð fyrir gífurlegu áfalli nýlega þegar Friðrik Hjaltason, einn af þeirra dáðustu drengjum meiddist illa, og og þá er nýr markvörður með liðinu í ár sem óvíst er hvernig á eftir að standa sig í sumar. Það að missa Friðrik svona skömmu fyrir mót er ofboðslega súrt fyrir alla sem standa að liðinu enda fækkar um sterkan heimamann sem hefur verið frábær fyrir Vestra undanfarin ár.

Það er stutt í mót og meiðsli hafa verið að herja á Vestra liðið og alls óvíst hvernig þeir stilla upp í fyrsta leik með marga leikmenn sem eru að skríða til baka úr meiðslum.

Lykilmenn: Elmar Atli Garðarsson, Kundai Benyu og Pétur Bjarnason

Fylgist með: Luke Rae
Skoraði 17 mörk fyrir Tindastól í fyrra. Luke er fæddur 2001, feykilega áræðinn og óhræddur leikmaður, frábær í stöðunni 1 vs 1 og með mikið markanef. Það verður áhugavert að fylgjast með hvernig til tekst að taka skrefið úr 3. deild upp í Lengjudeildina.

Komnir:
Aurelien Norest frá Umea í Svíþjóð
Casper Gandrup frá Viborg í Danmörku
Chechu Meneses frá Leikni F.
Diogo Coelho frá Gandzasar í Armeníu
Diego Garcia frá UA Horta á Spáni
Kundai Benyu frá Wealdstone FC í Englandi
Nikolaj Madsen frá Unterhaching í Þýskalandi
Luke Morgan Conrad Rae frá Tindastóli

Farnir:
Gabríel Hrannar Eyjólfsson í Gróttu (Var á láni)
Gunnar Jónas Hauksson í Gróttu (Var á láni)
Hammed Lawal í Víði
Isaac Freitas
Ivo Öjhage
Milos Ivankovic í Fjarðabyggð
Rafa Mendez
Ricardo Durán til Arroyo CP á Spáni
Robert Blakala
Sigurður Grétar Benónýsson í ÍBV
Viðar Þór Sigurðsson í KV
Zoran Plazonic til Króatíu

Fyrstu leikir Vestra:
8. maí gegn Selfossi á útivelli
15. maí gegn Þrótti á heimavelli
22. maí gegn Gróttu á útivelli

Spá fótbolta.net gerir ráð fyrir að Selfyssingar lendi í 10. sæti Lengjudeildarinnar.

Selfyssingar eru komnir aftur upp í Lengjudeildina eftir tveggja ára veru í 2. deild. Selfoss var einu stigi frá því að komast upp 2019 og í fyrra var liðið í öðru sæti þegar mótið var blásið af. Selfoss komst upp í annað sæti í lokaumferðinni þar sem þeir unnu gegn ÍR á meðan Þróttur Vogum gerði jafntefli við KF. Það var tæpt en þeir komust upp og verða í Lengjudeildinni í sumar.

Þjálfarinn Englendingurinn Dean Martin er búinn að vera á Íslandi í meira en 20 ár og hefur verið á Selfossi frá 2018. Hann er virkilega fær þjálfari og hann er þekktur fyrir það að láta leikmenn sína æfa mjög vel. Dean var aðstoðarþjálfari kvennalandsliðs Kína áður en hann tók við Selfossi en þar áður þjálfaði hann í hæfileikamótun KSÍ, og meðal annars hjá HK, ÍBV og Breiðablik.

Álit sérfræðings
Eiður Ben Eiríksson, Rafn Markús Vilbergsson og Úlfur Blandon eru sérfræðingar Fótbolta.net fyrir Lengjudeildina í ár. Rafn gefur sitt álit á liði Selfoss.

Það eru spennandi sumar framundan á Selfossi. Dean Martin er óhræddur við að gefa ungum leikmönnum tækifæri en á sama tíma er hann mjög fastheldinn á ákveðna leikmenn. Leikmannahópurinn er ekki stór og spurningin er hvernig hópurinn mun bregðast við ef tímabilið byrjar ekki vel. Með Dean sem þjálfara er það klárt mál að liðið er í góðu líkamlegu standi eftir langt og sérstakt undirbúningstímabil. Það er eitthvað sem mun auka líkurnar á góðum úrslitum í upphafi móts. Liðið hefur verið að spila ágætlega á undirbúningstímabilinu og náð nokkrum góðum úrslitum. Selfoss spilaði ágætlega í dag í bikarnum gegn Kórdrengjum en skrautlegt sjálfsmark skildi liðin að.

Frá síðasta tímabili hafa orðið litlar breytingar á leikmannahópi liðsins og kemur liðið því inn í deildina með svipað lið og fóru upp síðasta haust. Styrkleikar liðsins felast í sterkum erlendum leikmönnum í lykilstöðum í bland við unga, spennandi og öfluga heimastráka sem hafa fengið mikilvæga reynslu eftir að liðið féll úr deildinni 2018. Aðstaða til knattspyrnuiðkunar á Selfossi er mjög góð, frábær grasvöllur, nýtt gervigras og nýjasta viðbótin er knatthús sem er að rísa. Knatthúsið mun auka umgjörðina enn frekar og klárlega halda áfram við að byggja knattspyrnuna á Selfossi upp.

Það verður gaman að sjá Selfoss aftur í deildinni. Dean Martin kom liðinu upp í annarri tilraun eftir að hafa farið með liðinu niður árið 2018 þar sem hann vann aðeins einn leik af níu eftir að hafa tekið við liðinu af Gunna Borgþórs um mitt sumar. Ólíklegt er að það verði breytingar á leikmannahópnum fyrir fyrsta leik og líklegt er að þeir verði með þétt og vel skipulagt lið, sem getur varist vel, barist og skorað.

Eins og áður sagði er hópurinn ekki stór og má liðið illa við því að erlendu leikmennirnir sem mynda hrygginn í liðinu missi af mörgum leikjum og þá sérstaklega Danijel Majkic og Hrvoje Tokic. Majkic er lykill að spili liðsins og gríðarlega mikilvægur að tengja saman vörn og miðju, og á sama tíma þarf Tokic að vera með vel reimaða markaskó og skora 10+ mörk. Það er mjög mikilvægt fyrir Selfoss að liðið nái stöðugleika í Lengjudeildinni þannig að uppbyggingin haldi áfram í jákvæða átt. Vel skipulagt lið, sterk liðsheild, stöðugleiki og áhugi heimamanna á liðinu eru allt jákvæðar breytur sem auka líkurnar á að liðið verði áfram í deildinni. En lítið má út af bregða þannig að sumarið endi ekki illa.

Lykilmenn: Danijel Majkic, Hrvoje Tokic, og Þorsteinn Daníel Þorsteinsson

Fylgist með: Aron Einarsson og Stefán Þór Ágústsson
Það verður spennandi að sjá Aron Einarsson sem er fæddur árið 2002. Hann spilaði aðeins þrjá deildarleiki í fyrra en hefur verið að koma sterkur inn í liðið í vetur. Strákur sem spilar upp á topp með eða í kringum Tokic, hleypur endalaust, losar mikið svæði og býr til möguleika fyrir Tokic. Einnig verður gaman að sjá hvernig markmaðurinn Stefán Þór Ágústsson sem fæddur er árið 2001 mun koma inn í deildina. Dean Martin setti allt sitt traust á hann árið 2019 þar sem hann átti misjafna leiki en stóð sig mjög vel í fyrra þegar liðið fór upp og var lykilmaður í þeim árangri. Núna þarf hann að sýna að hann getur haldið áfram að þroskast og bæta sig, í sterkari deild þar sem mistökin verða dýrari en síðustu ár.

Komnir:
Atli Rafn Guðbjartsson frá Ægi
Emir Dokara frá Víkingi Ó.
Þorlákur Breki Baxter frá Hetti/Hugin

Farnir:
Jason Van Achteren til Belgíu
Ingi Rafn Ingibergsson í Árborg

Fyrstu leikir Selfoss:
6. maí gegn Vestra á heimavelli
14. maí gegn Kórdrengjum á útivelli
21. maí gegn Þrótti R. á útivelli

Vestir náði örugglega að halda sér uppi með því að lenda í 7. sæti í Lengjudeildinni á síðasta tímabili.

Selfoss náði 2. sæti í 2. deild í fyrra eftir hörkubaráttu við Þrótt í Vogum. Í fyrra þurfti að flauta mótið af snemma vegna covid-19 en þá átti eftir að spila tvær umferðir af deildarkeppninni.

Verið velkomin með okkur á JÁVERK-völlinn á Selfossi. Framundan er leikur Selfoss og Vestra í 1. umferð Lengjudeildarinnar.