Fyrir leik
Eysteinn Húni Hauksson annar af þjálfurum Keflavíkur gengur til búningsherbergja og ungir iðkendur hjá HK sýna sanna íþróttamennsku og veifa til hans til að ná athygli hans og óska honum góðs gengis. Eysteinn skælbrosandi þakkar að sjálfsögðu fyrir sig. Vel gert!
Eyða Breyta

Fyrir leik
Aðrir leikir

Tveimur leikjum er þegar lokið í 8 liða úrslitum Mjólkurbikarsins. ÍA bar sigurorð af ÍR í Breiðholti 3-1 en jafnframt urðu einhver óvæntustu úrslit í áraraðir þar sem Vestri tók á móti Íslandsmeisturum Vals á Ísafirði. Vestramenn gerðu sér lítið fyrir og skelltu Valsmönnum 2-1 og stráðu salti í sár Valsmanna sem þegar eru úr leik í baráttunni um Íslandsmeistaratitilinn og þurfa nú að treysta á kraftaverk til þess að ná Evrópusæti. Sammi hjá Vestra svífur væntanlega um á bleiku skýi og á það alveg skilið.



Eyða Breyta

Fyrir leik
Tríóið

Egill Arnar Sigurþórsson er með flautuna í kvöld og vonandi spjöldin sem tekin voru af honum um síðastliðna helgi. Honum til aðstoðar eru þeir Bryngeir Valdimarsson og Kristjáns Már Ólafs. Elías Ingi Árnason er fjórði dómari og Þórarinn Dúi Gunnarsson er eftirlitsmaður KSÍ



Eyða Breyta

Fyrir leik
Byrjunarliðin

Liðin eru mætt hér til hliðar fyrir lesendur að glöggva sig á.

Brynjar Björn Gunnarsson, þjálfari HK, gerir tvær breytingar frá síðasta leik, sem var 3-0 tap gegn Víkingi. Inn koma Birkir Valur Jónsson og Stefan Alexander Ljubicic fyrir Guðmund Þór Júlíusson og Jón Arnar Barðdal.

Keflavík gerir einnig tvær breytingar. Davíð Snær Jóhannsson og Marley Blair mæta inn í liðið fyrir Adam Árna Róbertsson og Oliver Torres.

Persónulega er ég spenntur að sjá baráttu Marley Blair og Ásgeirs Barkar í kvöld en sá fyrrnefndi fékk að líta rauða spjaldið í deildarleik liðana á dögnum fyrir að slá Ásgeir.
Eyða Breyta

Fyrir leik
Gunni giskar

Gunnar Birgisson er spámaður okkar fyrir þessi 8 liða úrslit og um leikinn hafði hann eftirfarandi að segja.

HK 2 - 0 Keflavík

HK-ingar mæta og sýna djörfung og dug eins og segir í laginu góða. Aukaspyrnu Ívar verður með sýningu af þeim gamla og klárar dæmið. Hugsa að HK fari alla leið í úrslitin.



Eyða Breyta

Fyrir leik
HK

Það er aldrei svo að leikir í Bikarnum teljist auðveldir en það verður þó ekki annað sagt en að leið HK í 8 liða úrslit hafi verið ögn auðveldari en hjá gestunum. Í 32 liða úrslitum kom Lengjudeildarlið Gróttu í heimsókn í Kórinn. Lokatölur það kvöld urðu 2-1 fyrir HK þar sem Stefan Alexander Ljubicic og Martin Rauschenberg gerðu mörk heimamanna. Næsta fórnalamb HK var 3.deildar lið KFS sem eftirminnilega sló út Lengjudeildarlið Víkinga frá Ólafsvík í 32 liða úrslitum. Bikarævintýri Vestmanneyinga það árið endaði þó í Kórnum þar sem heimamenn gengu frá þeim með 7-1 sigri. Jón Arnar Barðdal (2) Ásgeir Marteinsson (2) Örvar Eggertsson, Bjarni Páll Linnet og Ívar Örn Jónsson gerðu mörk HK í leiknum.



Eyða Breyta

Fyrir leik
Keflavík

Gestirnir úr Keflavík hafa alls fjórum sinnum staðið upp sem sigurvegari í Bikarkeppni KSÍ síðast árið 2006. Þeir hófu ferðalag sitt í Mjólkurbikarnum þetta árið á heimasigri gegn toppliði Pepsi Max deildarinnar Breiðablik. Etir markalausan venjulegan leiktíma skoruðu Helgi Þór Jónsson og Davíð Snær Jóhannson tvö mörk seint í síðari hálfleik framlengingar og tryggðu Keflvíkingum sæti í 16.liða úrslitum. Aftur fengu Keflvíkingar heimaleik og í þetta sinn gegn lærisveinum Arnars Grétarssonar í KA. Gestirnir frá Akureyri sáu lítið til sólar gegn sprækum Keflvíkingum sem lönduðu 3-1 sigri með mörkum Joey Gibbs (2) og Christian Volesky.



Eyða Breyta

Fyrir leik
Aðrir leikir í 8 liða úrslitum

Allir fjórir leikir 8 liða úrslita fara fram í dag. Nú klukkan 16:30 hófust leikir ÍR og ÍA í Breiðholti og á sama tíma var leikur Vestra og Vals flautaður á á Torfnesvelli á Ísafirði.
Tveir leikir hefjast svo nú klukkan 19:15 en auk leiksins hér taka Fylkismenn á móti Víkingum á Wurthvellinum í Árbæ
Eyða Breyta

Fyrir leik
Bikarkvöld

Gott kvöld kæru lesendur og verið hjartanlega velkomin í þessa beinu textalýsingu Fótbolta.net frá leik HK og Keflavíkur í 8 liða úrslitum Mjólkurbikars karla.



Eyða Breyta