Ísland
1
1
Armenía
0-1 Kamo Hovhannisyan '35
Ísak Bergmann Jóhannesson '77 1-1
08.10.2021  -  18:45
Laugardalsvöllur
Undankeppni HM
Aðstæður: Rigning og alvöru haustveður
Dómari: Nikola Dabanovic
Áhorfendur: 1697
Byrjunarlið:
13. Elías Rafn Ólafsson (m)
2. Birkir Már Sævarsson
4. Guðlaugur Victor Pálsson
6. Hjörtur Hermannsson ('68)
6. Brynjar Ingi Bjarnason ('45)
8. Birkir Bjarnason
9. Jón Dagur Þorsteinsson ('81)
9. Viðar Örn Kjartansson ('45)
10. Albert Guðmundsson
20. Þórir Jóhann Helgason ('91)
23. Ari Freyr Skúlason

Varamenn:
1. Rúnar Alex Rúnarsson (m)
12. Patrik Gunnarsson (m)
2. Alfons Sampsted
3. Guðmundur Þórarinsson
4. Ari Leifsson
9. Sveinn Aron Guðjohnsen ('68)
16. Stefán Teitur Þórðarson
17. Daníel Leó Grétarsson ('45)
18. Mikael Neville Anderson ('81)
18. Mikael Egill Ellertsson ('91)
19. Elías Már Ómarsson
19. Ísak Bergmann Jóhannesson ('45)

Liðsstjórn:
Arnar Þór Viðarsson (Þ)

Gul spjöld:
Birkir Már Sævarsson ('69)
Ari Freyr Skúlason ('92)
Ísak Bergmann Jóhannesson ('93)

Rauð spjöld:
Leik lokið!
Leiknum er lokið með jafntefli. Betri leikur í síðari hálfleik skilar stigi en liðið getur betur.

Við tekur blaðamannafundur og mun umfjöllun um leikinn koma inn á Fótbolta.net eftir því sem líður á kvöldið.
93. mín Gult spjald: Ísak Bergmann Jóhannesson (Ísland)
Klaufalegt að fá spjald hér í lokin. Verður í banni á mánudag líkt og Birkir Már og Ari Freyr.
93. mín
Þetta er að fjara út hérna. Liðin að sættast á skiptan hlut.
92. mín Gult spjald: Ari Freyr Skúlason (Ísland)
Brýtur á Mkhitaryan í hröðu upphlaupi.
91. mín
Inn:Mikael Egill Ellertsson (Ísland) Út:Þórir Jóhann Helgason (Ísland)
Fyrsti leikur Mikaels Egils fyrir A-landsliðið.

Elvar Geir Magnússon
90. mín
Uppbótartíminn er að minnsta kosti þrjár mínútur.
88. mín
Henrikh Mkhitaryan með skot úr aukaspyrnu hátt yfir markið.
87. mín
Inn:Ishkhan Geloyan (Armenía) Út:Tigran Barseghyan (Armenía)
86. mín
Hefur íslenska liðið kraft í að sækja sigur hér í lokin. Stúkan trúir.
81. mín
Inn:Mikael Neville Anderson (Ísland) Út:Jón Dagur Þorsteinsson (Ísland)
Jón Dagur átt nokkrar ágætar rispur.
80. mín
Jón Dagur með rosalegan sprett upp völlinn, leikur inn völlinn og finnur Þóri úti hægra megin en fyrirgjöf hans því miður beint í fang David.

Elvar Geir Magnússon
78. mín
Inn:Aleksandre Karapetyan (Armenía) Út:Sargis Adamyan (Armenía)
Sæbjörn Þór Þórbergsson Steinke
78. mín
Inn:Artak Grigoryan (Armenía) Út:Eduard Spertsyan (Armenía)
Sæbjörn Þór Þórbergsson Steinke
77. mín MARK!
Ísak Bergmann Jóhannesson (Ísland)
Stoðsending: Birkir Már Sævarsson
Þarna er það!!!!


Geggjuð skipting frá Alberti beint á Birki Má sem gerir vel að koma sér inn á teiginn. Finnur þar Ísak dauðafrían í teignum sem bregst ekki bogalistinn og setur boltann í netið af markteigslínunni.





73. mín Gult spjald: Eduard Spertsyan (Armenía)
Braut nokkrum sinnum á Jóni Degi áður hann fór loks niður. Engin dýfa þar.

73. mín

Elvar Geir Magnússon
72. mín
Tigran Barseghyan með skot sem fer af varnarmanni og afturfyrir.

Armenía á horn.
71. mín
Ísak Bergmann með hörkuskot af talsverðu færi sem fer rétt framhjá.
69. mín Gult spjald: Birkir Már Sævarsson (Ísland)
Fyrsta spjald leiksins.

Skal ekki segja um réttmæti þess.
68. mín
Inn:Sveinn Aron Guðjohnsen (Ísland) Út:Hjörtur Hermannsson (Ísland)
Sóknarsinnuð skipting.

Guðlaugur fer í hafsentinn og Sveinn upp á topp.

Elvar Geir Magnússon
Elvar Geir Magnússon
66. mín
Það skal sagt að gestir Laugardalsvallar í kvöld eru langt í frá sáttir við störf Nikola Dabanovic. Ætla ekki að fella neina sleggjudóma en hann hefur þó ekki verið sannfærandi á flautunni.
64. mín
Inn:Khoren Bayramyan (Armenía) Út:Lucas Zelarayán (Armenía)
Fyrsta skipting Armena í kvöld.
61. mín
Ísland fær horn. Alveg komin tími á að ógna markinu aðeins.

Sem varð þó ekki raunin.
58. mín
Sargis Adamyan við það að sleppa í gegnum vörn Íslands en Birkir Már bjargar með góðri tæklingu.
57. mín
Jón Dagur sækir horn.

Tekið stutt á Albert sem missir boltann.
54. mín
Lagleg sókn Íslands, boltinn upp hægri vænginn og fyrir markið beint fyrir fætur Ísaks sem á gott skot sem David í marki gestana gerir vel í að verja.
50. mín
Skyndisókn Armena endar með skot frá áðurnefndum Tigran Barseghyan en niðurstaðan sú sama og fyrr.
49. mín
Lítið að gerast hér í upphafi síðari hálfleiks. Tigran Barseghyan með skotið af löngu færi en yfir markið.
46. mín
Seinni hálfleikur hafinn

Gestirnir hefja leik hér. Við höfum 45 mínútur til að snúa þessum leik.
45. mín
Inn:Daníel Leó Grétarsson (Ísland) Út:Brynjar Ingi Bjarnason (Ísland)
Tvöföld breyting hjá Íslandi í hálfleik.

45. mín
Inn:Ísak Bergmann Jóhannesson (Ísland) Út:Viðar Örn Kjartansson (Ísland)
Tvöföld breyting hjá Íslandi í hálfleik.
45. mín
Haukur Gunnarsson ljósmyndari hefur skilað nokkrum myndum til að skoða hér í hálfleiknum.






Elvar Geir Magnússon
45. mín
Hálfleikur
Hálfleikur hér í Laugardal og gestirnir leiða. Það verður að segjast að það vantar talsvert meiri ákafa í leik íslenska liðsins á báðum endum vallarins. Vonum að þjálfarateymið blási mönnum smá baráttuanda í hálfleik og við sjáum meiri neista í mannskapnum í seinni hálfleik.
43. mín
Armenar fá hornspyrnu.
41. mín
Albert Guðmunds gerir vel og kemur sér inn á teiginn, full ákafur að mati dómara og dæmdur brotlegur.
Elvar Geir Magnússon
35. mín MARK!
Kamo Hovhannisyan (Armenía)

Þetta var óþarfi og alltof auðvelt.

Armenar fá að valsa með boltann við vítateiginn. Boltinn berst út á hægri vænginn sem kemur með fyrirgjöf á fjær, Birkir Már horfir bara á boltann og missir algörlega af Kamo sem setur boltann yfir línuna úr nokkuð þröngu færi þó.

Ísland átti þó klárlega að fá hornspyrnu þegar Armenar hófu sókn sína.



33. mín
Henrikh Mkhitaryan með fyrirgjöfina frá vinstri, Sargis Adamyan rís hæst en skallar boltann vel yfir markið.
30. mín
Samskiptaleysi í vörninni og Birkir Már gefur óþarft horn, vonum að það kosti ekki.

Beint á íslenskan haus og afturfyrir, annað horn.
28. mín
Sargis Adamyan og Kamo Hovhannisyan leika vel sín á milli úti vinstra megin, sá síðarnefndi kemst inn á teiginn en Birkir Már vandanum vaxinn og setur boltann í horn.
27. mín
Rólegt yfir leiknum þessa stundina, ekkert um færi og gæði leiksins takmörkuð.
22. mín
Jón Dagur aftur að fá tíma og pláss á boltann, setur hann fyrir markið þar sem Guðlaugur mætir en nær ekki góðum skalla og boltinn vel yfir markið.
21. mín
Hættuleg fyrirgjöf frá hægri inn á teig Íslands. Mkhitaryan mættur í hlaupið á fjærstöng en Birkir Már rennir sér í boltann og Elías handsamar hann að lokum.
20. mín
Gestirnir fá horn, Guðlaugur hendir sér fyrir skot af 20 metrum sem svífur afturfyrir.
19. mín
Jón Dagur með takta úti á vinstri kanti og fer illa með bakvörð Armena, setur boltann í nærsvæðið þar sem Viðar mætir og nær skotinu en því miður hittir hann ekki á rammann.
19. mín

Elvar Geir Magnússon
17. mín
Þjálfari Armena sparkar boltanum í burtu þegar hann fer útfyrir í innkast. Sakleysið uppmálað og spennir greipar og biður um vægð.
15. mín
Gestirnir ógna með skyndisókn en Brynjar Ingi mætir á staðinn og reddar málunum.
12. mín
Heljarinnar darraðadans í teig Armena og boltinn hrekkur af hverjum leikmanni af fætur öðrum. Berst að lokum á Birki Bjarna í D-boganum sem á skotið yfir markið.
11. mín
Albert Guðmundsson í fínu færi í teignum. Fær frábæra sendingu innfyrir frá Birki Má en nær ekki að setja boltann á rammann úr nokkuð þröngu færi.

Jákvæð byrjun.
10. mín
Fínt spil hjá Íslendingum og Birkir Bjarna kemst inn á teiginn, fellur í baráttu við Armena og óánægja heyrist úr stúkunni.
8. mín
Guðlaugur Victor vinnur boltann á álitlegum stað og nær að vinna sig framfyrir sinn mann en er dæmdur brotlegur.

Elvar Geir Magnússon
6. mín
Aftur fá gestirnir hornspyrnu.

Birkir Bjarna skallar frá en Armennar halda pressunni.
5. mín
Liðin að reyna að sækja, Kamo Hovhannisyan kemst upp að endamörkum og nær fyrirgjöf. Ari skallar í horn.
4. mín
Ari með fína fyrirgjöf inn á teiginn frá vinstri en Birkir Bjarna nær ekki að taka boltann með sér og Armennar hreinsa.
3. mín
Fínt spil Íslands, Birkir Már með boltann en Armenar setja boltann afturfyrir í horn.

Brynjar dæmdur brotlegur eftir hornið.
1. mín
Armenar vinna boltann strax og sækja upp hægri kantinn. Fyrirgjöf inn á teiginn en Elías nýtir alla sína sentimetra og handsamar boltann.
1. mín
Leikur hafinn



Þetta er farið af stað. Ísland hefur leik og sækir að Laugardalshöllinni. Ekkert annað eftir en að segja.

Áfram Ísland!
Fyrir leik
Styttist í að leikur hefjist


Það er rétt um korter í að Nikola Dabanovic flauti hér til leiks í Laugardal. Það verður að viðurkennast að maður hefur verið á vellinum í betri stemmingu svona fyrir leik en það er þó handfylli af fólki mætt í stúkuna.

Það er þó langt í frá hætta á því að stúkan fyllist en fyrr í dag höfðu um 2000 miðar verið seldir.

Klárum formsatriðin, þjóðsöngva og annað tilheyrandi og hefjum svo leik.
Fyrir leik


Það er verið að æfa notkunina á VAR-skjánum.
Elvar Geir Magnússon
Fyrir leik
Það eru tveir leikmenn utan hóps hjá Íslandi gegn Armeníu.

Andri Lucas Guðjohnsen, sem er á mála hjá stórveldinu Real Madrid, hefur verið tæpur vegna meiðsla í aðdraganda leiksins og hann er ekki á skýrslu. Bróðir hans, Sveinn Aron, tekur treyjunúmerið sem Andri var með í síðasta verkefni, númer 22.

Hinn 19 ára gamli Andri kom mjög sterkur inn í síðasta landsliðsverkefni - sem var hans fyrsta með A-landsliðinu - og skoraði hann sitt fyrsta mark fyrir Ísland gegn Norður-Makedóníu.

Miðjumaðurinn Andri Fannar Baldursson var einnig tæpur fyrir leikinn og hann er ekki með í kvöld; hann er utan hóps.
Elvar Geir Magnússon
Fyrir leik
Byrjunarlið Armeníu komið inn
Henrikh Mkhitaryan er fyrirliði Armena og hann er stærsta stjarnan á vellinum. Mkhitaryan er leikmaður Roma á Ítalíu og hefur áður leikið með Arsenal, Manchester United, Dortmund og Shakhtar.
Elvar Geir Magnússon
Fyrir leik
Byrjunarlið Íslands er komið
Hinn 21 árs gamli Elías Rafn Ólafsson byrjar í kvöld sinn fyrsta A-landsleik þegar Ísland mætir Armeníu í undankeppni HM á Laugardalsvelli.

Elías Rafn, sem er stór og stæðilegur, hefur slegið í gegn að undanförnu með Midtjylland, sem er besta liðið í Danmörku í augnablikinu.

Hann fær tækifæri í kvöld og verður gaman að sjá hvernig hann kemur inn í liðið.

Þá byrjar Þórir Jóhann Helgason, leikmaður Lecce, sinn annan landsleik í röð. Þessi uppaldi Haukamaður kom ágætlega inn gegn Þýskalandi og heldur sæti sínu.

Elvar Geir Magnússon
Elvar Geir Magnússon
Fyrir leik
Hver verður í markinu?


Elías Rafn Ólafsson hefur átt virkilega góðan mánuð eða svo hjá danska félaginu FC Midtjylland. Það ríkir óvissa um hver verði næsti aðalamarkvörður landsliðsins eftir að Hannes Þór Halldórsson hætti með landsliðinu. Ásamt Elíasi eru þeir Patrik Sigurður Gunnarsson og Rúnar Alex Rúnarsson í hópnum núna.

"Já, ef kallið kemur þá er ég auðvitað klár. Við erum líka með flotta markmenn í Patta og Rúnari, þjálfararnir þurfa að velja á milli," sagði Elías á fréttamannafundi í vikunni.
Elvar Geir Magnússon
Fyrir leik
Töpuðum í Armeníu


Landsliðsþjálfarinn Arnar Þór Viðarsson var spurður út í fyrri leikinn gegn Armeníu í mars. Sá leikur var annar leikur Arnars og Eiðs Smára Guðjohnsen sem þjálfarar A-landsliðsins. Leikurinn endaði 2-0 fyrir Armeníu sem voru mikil vonbrigði.

Hvaða lærdóm er hægt að draga af þeim leik og hvernig verður leikurinn þessi leikur?

"Ég held að lærdómurinn af Armeníuleiknum úti sé stærsti lærdómurinn hingað til í riðlinum. Við töpuðum þeim leik og við sögðum strax eftir leik að þetta var leikur sem við þurftum ekki að tapa," sagði Arnar.

"Þeir taka tvö hraðaupphlaup á okkur og vinna 2-0. Við fengum 2-3 færi en þetta var lokaður leikur. Þó að þeir séu með þjálfara frá Spáni þá eru þeir mjög þéttir, skipulagðir, spila yfirleitt 4-4-2. Þetta verður mjög líklega lokaður leikur. Það verður mikilvægt fyrir okkur að finna rétt augnablik á að sækja og verjast."

"Við þurfum að læra sem fyrst, með okkar unga lið, að það er rosalega stutt á milli í þessum A-landsliðs fótbolta. Sérstaklega í þessum riðli, við sjáum að með tveimur jafnteflum í viðbót hefðum verið nánast í ákjósanlegri stöðu."

"Þetta er eitthvað sem Birkir og þeir sem eru eldri þekkja mjög vel. Það er nánast bannað að gefa andstæðingunum eitthvað því það er svo stutt á milli. Ef þú getur útilokað það þá fáum við alltaf okkar færi. Við höfum fengið færi í öllum leikjum. Þetta ræðst allt á smáatriðum og því fyrr sem við lærum það því fyrr munum við byrja að taka stig,"
sagði Arnar.
Elvar Geir Magnússon
Fyrir leik
Birkir með bandið


Birkir Bjarnason er fyrirliði Íslands í þessu landsliðsverkefni en hann sat fyrir svörum á fréttamannafundi í gær.

Hvernig leggst það í þig að leiða liðið sem fyrirliði?
Mjög vel, ég er mjög stoltur af því. Ég hef verið það áður en er augljóslega mjög stoltur að fá þetta hlutverk.

Hvernig er að vera með alla þessa nýju menn í kringum þig?
Auðvitað er þetta svolítið skrítið, eftir að hafa spilað með sömu leikmönnum í 10-15 ár. En svona er bara fótboltinn. Það koma nýir leikmenn inn og aðrir fara út. Við verðum að aðlagast því. Þetta eru ungir strákar en ótrúlega efnilegir. Það er okkar verk að reyna hjálpa þeim að læra inn á landsliðsfótboltann, hann er ekki sá sami og félagsliðaboltinn. Því fyrr því betra og við reynum að gera okkar besta.

Íhugaðir þú einhvern tímann, verandi kominn í nýtt félagslið, að halda þig utan hóps í landsliðinu til að einbeita þér að verkefninu hjá nýju félagsliði?
Nei, ég gerði það ekki. Mér hefur alltaf fundist alveg ótrúlega gaman að koma í landsliðsverkefni. Öll umgjörðin, starfsliðið og margir af leikmönnunum eru þeir sömu og þegar ég byrjaði fyrir 11-12 árum síðan. Það er alltaf fínt að geta komist aðeins heim þó að það sé kalt. Mér hefur alltaf fundist gott að koma heim og kúpla mig aðeins út hjá félagsliðinu.
Elvar Geir Magnússon
Fyrir leik


Albert Brynjar Ingason, leikmaður Fylkis, spáir í leikinn:
Ísland 1-1 Armenía: Armenar einungis búnir að tapa einum leik í þessum riðli og hafa komið manni á óvart, hafa þó aðeins verið að koma niður á jörðina og ekki unnið leik í síðustu 5 leikjum. Skellur gegn Þjóðverjum er kannski ekki eitthvað sem kom manni á óvart en væntanlega gríðarlega vonbrigði fyrir þá að ná einungis jafntefli heima gegn Liechtenstein.

Reikna með smá stressi í upphafi leiks hjá okkar mönnum, ungur hópur og þjálfarinn hefur verið að pressuminnka leikina tvo fyrir leikmenn með sínum yfirlýsingum fyrir þessa tvo leiki, okkur vantar leikmenn í ákveðnar stöður á vellinum með reynslu sem gefa af sér þá yfirvegun sem myndi gefa ró fyrir aðra leikmenn.

Tel að Armenar munu finna lyktina af þessu og ríða á vaðið og skora fyrsta mark leiksins, Arsenal legendið Henrich Mkhitaryan mun skora það mark, en við það droppa Armenar og reyna að halda og þá munum við fá smá sjálfstraust á boltann sem skilar sér með marki frá Fylkis fan nr1 Albert Guðmundssyni.

1-1 Lokatölur leiksins, vonandi ræðst þó leikurinn ekki á því hvor þjálfarinn krefst sigurs.

Sjá einnig:
Hvernig fer í kvöld? - Álitsgjafar spá í landsleikinn

Elvar Geir Magnússon
Fyrir leik
LÍKLEGT byrjunarlið
Þeir Andri Fannar Baldursson og Andri Lucas Guðjohnsen verða að öllum líkindum hvíldir í leiknum í kvöld en þeir hafa verið að glíma við meiðsli.

Elvar Geir Magnússon
Fyrir leik
Staðan eftir sex umferðir:
1. Þýskaland 15 stig
2. Armenía 11 stig
3. Rúmenía 10 stig
4. Norður-Makedónía 9 stig
5. Ísland 4 stig
6. Liechtenstein 1 stig

Aðrir leikir í riðlinum í kvöld:
18:45 Þýskaland - Rúmenía
18:45 Liechtenstein - N-Makedónía
Elvar Geir Magnússon
Fyrir leik
Heil og sæl. Á Laugardalsvelli í kvöld mætast Ísland og Armenía í undankeppni HM. Nikola Dabanovic, dómari frá Svartfjallalandi, flautar leikinn á klukkan 18:45.

Dabanovic er 39 ára gamall og dæmir reglulega í Evrópudeildinni auk þess að dæma landsleiki. Landar hans Milovan Djukic og Vladan Todorovic verða aðstoðardómarar.

Hollendingar sjá um VAR dómgæsluna. Kevin Blom er VAR-dómari á leiknum og VAR-aðstoðardómari er Clay Ruperti.

Elvar Geir Magnússon
Byrjunarlið:
1. David Yurchenko (m)
2. David Terteryan
3. Varazdat Haroyan
4. Taron Voskanyan
8. Eduard Spertsyan ('78)
9. Lucas Zelarayán ('64)
11. Tigran Barseghyan ('87)
13. Kamo Hovhannisyan
17. Solomon Udo
18. Henrikh Mkhitaryan (f)
22. Sargis Adamyan ('78)

Varamenn:
12. Anatoli Aivazov (m)
16. Stanislav Buchnev (m)
5. Artak Grigoryan ('78)
6. Artem Avanesian
7. Khoren Bayramyan ('64)
10. Erik Vardanyan
14. Jordy Monroy
15. Hrayr Mkoyan
19. Ishkhan Geloyan ('87)
20. Aleksandre Karapetyan ('78)
21. Serob Grigoryan
23. Zhirayr Margaryan

Liðsstjórn:
Joaquin Caparros (Þ)

Gul spjöld:
Eduard Spertsyan ('73)

Rauð spjöld: