Fyrir leik
Þjóðsöngvarnir eru búnir og þetta er að bresta á!
Eyða Breyta

Fyrir leik


Eyða Breyta

Fyrir leik
Pólska liðið er farið inn í klefa en það íslenska er enn út á velli að leggja lokahönd á sinn undirbúning fyrir þennan leik. Þær pólsku fóru mjög snemma inn í klefa.
Eyða Breyta

Fyrir leik
Völlurinn
Íslenska liðið hefur verið með aðsetur í Poznan síðustu daga en þessi leikur fer fram í smábæ í um klukkutíma akstursfjarlægð frá borginni.

Völlurinn heitir Stadion Dyskobolii Grodzisk Wielkopolski og rúmar tæplega 6000 manns - meira en Academy Stadium í Manchester þar sem Ísland spilar tvo af leikjum sínum á EM.

Völlurinn var byggður árið 1925 og er heimavöllur pólska úrvalsdeildarfélagsins Warta Pozna í augnablikinu á meðan félagið er að vinna að nýjum leikvangi. Leikvangurinn er einnig heimavöllur Nasza Dyskobolia Grodzisk Wielkopolski sem er í sjöttu efstu deild í Póllandi.


Eyða Breyta

Fyrir leik
Ég veit ekki hvernig veðrið er heima, en það er alltof heitt hérna. Ég verð líklega vel brenndur í kvöld.
Eyða Breyta

Fyrir leik
Orri spáir í spilin
Ég fékk Orra Rafn Sigurðarson til að spá í spilin fyrir þennan leik. Hann spáir því að Ísland muni vinna þennnan leik.

Við eigum alltaf að vinna Pólland. Hvort sem það er í æfingarleik eða alvöru mótsleik.

Steini mun stilla upp því liði sem að líklegast mun byrja fyrsta leik á EM. Svo það verður hægt að lesa aðeins í þennan leik og hvað Steini er að hugsa.

Pólverjar eru sterkar til baka þegar þær ákveða að liggja til baka. Trú mín á okkar liði er hinsvegar gífurleg svo lokatölur verða 3- 0 fyrir Ísland.
Berglind Björg skorar 1, Sveindís laumar inn einu af fjær og Glódís Perla fagnar afmæli sínu í gær með skallamarki!



Eyða Breyta

Fyrir leik
Einn hress í stúkunni!


Eyða Breyta

Fyrir leik
Íslenska liðið kom út á völl áðan og skoðaði sig um.


Eyða Breyta

Fyrir leik
Verður áhugavert að sjá hvernig þessi útfærsla mun koma út. Smá breyting að fá Söru inn á miðjuna og Karólínu út á kant. Verður líka fróðlegt að sjá Sif í hægri bakverði og hver pælingin er með því.



Eyða Breyta

Fyrir leik
Sara er fyrirliði


Sara Björk Gunnarsdóttir er í byrjunarliði Íslands og athygli vekur að hún er með fyrirliðabandið en Gunnhildur Yrsa Jónsdóttir, sem einnig er í byrjunarliðinu, hefur verið fyrirliði í stjórnartíð Þorsteins.

Þetta er eini vináttulandsleikur Íslands fyrir EM og líklegt að þetta verði byrjunarliðið í fyrsta leik.
Eyða Breyta

Fyrir leik
Miklar fyrirmyndir
Það er ekki hægt að minna á það nægilega oft að það eru flæstar mæður í okkar liði - af þeim liðum sem eru að fara á EM. Þær eru fimm í okkar hóp; Dagný Brynjarsdóttir, Elísa Viðarsdóttir, Sandra Sigurðardóttir, Sara Björk Gunnarsdóttir og Sif Atladóttir.

Þær eru allar gríðarlega miklar fyrirmyndir með því að sýna fram á að það er hægt að gera bæði: Vera móðir og spila fótbolta á hæsta stigi.

Proud to be a part of this group 💙 https://t.co/Z8YBiqkT4i

� Dagný Brynjarsdóttir (@dagnybrynjars) June 28, 2022

Eyða Breyta

Fyrir leik
Viðtöl síðustu daga
Við erum búin að ræða við flesta leikmenn liðsins síðustu daga og verður það áfram gert næstu daga í bland við aðra umfjöllun. Hér fyrir neðan eru tenglar á öll viðtöl sem hafa verið tekin frá því hópurinn kom saman.

Sandra Sigurðardóttir
Cecilía Rán Rúnarsdóttir
Gunnhildur Yrsa Jónsdóttir
Berglind Björg Þorvaldsdóttir
Sara Björk Gunnarsdóttir
Alexandra Jóhannsdóttir
Svava Rós Guðmundsdóttir
Sif Atladóttir
Sveindís Jane Jónsdóttir
Elísa Viðarsdóttir
Glódís Perla Viggósdóttir
Guðrún Arnardóttir
Dagný Brynjarsdóttir
Guðný Árnadóttir
Agla María Albertsdóttir

Svo höfum við tekið nokkur viðtöl við þjálfarann, Þorstein Halldórsson og má skoða það síðasta með því að smella hérna.


Eyða Breyta

Fyrir leik
Þurfum við að hafa áhyggjur af níu stöðunni?
Berglind Björg Þorvaldsdóttir hefur leyst þá stöðu mjög vel í síðustu leikjum en hún er búin að vera meidd og ekki náð að spila mikið.

Berglind segist vera í toppstandi en leikformið er ekki mikið og það gæti tekið hana tíma að finna taktinn eftir meiðslin.

Elín Metta Jensen, sem er annar kostur í níuna, var meidd á undirbúningstímabilinu og hefur ekki náð að sýna sínar allra bestu hliðar með Val heima á Íslandi.

Mögulega smávegis áhyggjuefni en vonandi mæta þær báðar af miklum krafti inn í Evrópumótið sem er framundan.



Eyða Breyta

Fyrir leik
Líklegt byrjunarlið
Við skjótum á það að landsliðsþjálfarinn geri tvær breytingar á því byrjunarliði sem hann hefur oftast stillt upp.

Guðný Árnadóttir hefur verið meidd og er líklega ekki tilbúin í 90 mínútur strax. Hún hefur verið að leysa stöðu hægri bakvarðar, en undirritaður spáir því að Elísa Viðarsdóttir, fyrirliði Vals, leysi þá stöðu í dag. Ingibjörg Sigurðardóttir og Sif Atladóttir gætu einnig komið þar inn.

Svo er það Sara Björk Gunnarsdóttir sem er komin til baka eftir að hafa eignast sitt fyrsta barn. Það hefur verið rætt og ritað um það hvort hún eigi að byrja á EM, en hún hefur ekki spilað mikið síðustu mánuði. En hér er tilvalið tækifæri til að gefa henni leik og sjá hvernig staðan er.

Því er spáð að hún komi inn á miðjuna og Karólína Lea Vilhjálmsdóttir, sem hefur verið að leika inn á miðsvæðinu, muni fara á vinstri kantinn.


Eyða Breyta

Fyrir leik
Svo ferðast liðið til Þýskalands
Eftir þennan leik þá mun liðið fara til Þýskalands þar sem liðið lýkur undirbúningi sínum fyrir Evrópumótið með nokkurra daga æfingabúðum.

Fótbolti.net mun ferðast þangað líka og fjalla vel um liðið áður en mótið hefst.

Svo hefjum við leik á EM 10. júlí.



Eyða Breyta

Fyrir leik
Fara inn í leikinn til að vinna hann
Þetta verður fróðlegur leikur. Pólland er í 33. sæti á heimslista FIFA og því alls ekki auðveldur andstæðingur. Ísland er í 17. sæti á sama lista.

"Við mætum inn í þennan leik eins og við séum að undirbúa keppnina; við þurfum að nota hann rétt í það. Það verður gert á morgun," segir Þorsteinn Halldórsson, þjálfari íslenska liðsins.

"Við förum inn í leikinn til að vinna hann og ætlum að vinna hann. Það er markmiðið. Við viljum venja okkur á það að halda áfram að vinna leiki. Við þurfum að slípa okkur saman og halda því áfram."

Hann segir að pólska liðið sé á uppleið.

"Pólland er fínt lið og pólskur kvennabolti er á mikilli uppleið. Pólverjar eru að setja töluvert fjármagn inn í kvennaboltann og mikla vinnu. Það á eftir að skila þeim langt. Þetta er hörkulið. Síðasti leikur sem þeir spiluðu var gegn Noregi þar sem þær töpuðu 2-1 í hörkuleik. Þær eru með fínt fótboltalið."



Eyða Breyta

Fyrir leik
Liðið kom til Poznan á mánudag
Liðið kom saman um 20. júní og æfði á Íslandi í rúma viku. Síðan var haldið til Poznan þar sem þessi leikur verður spilaður.

Liðið tók flug til Þýskalands og fór svo í rútu til Póllands. "Ferðalagið var bara skemmtilegt. Við þurftum að lenda í Þýskalandi og keyra í þrjá tíma. Ferðalagið var smá langt en það hefur verið verra hjá okkur. Það var smá þreyta í rútunni, en það er alltaf stuð," sagði Guðný Árnadóttir, varnarmaður liðsins, við Fótbolta.net í gær.

Training in Poznan, Poland, ahead of our friendly vs @laczynaskobieca on Wednesday. #dottir
🇵🇱⚽�🇮🇸 pic.twitter.com/uacCoLpeXT

— Knattspyrnusambandið (@footballiceland) June 28, 2022

Borgin er mjög falleg og mikið um flottan arkitektúr. Frítíminn hjá liðinu hefur meðal annars verið nýttur í að skoða borgina.

"Við vorum að enda við það að koma saman herbergisfélagararnir úr göngu. Við vorum að skoða Poznan. Þetta er flott borg, þetta lítur ansi vel út. Það er flottur miðbær við hliðina og það er hægt að fara á kaffihús og svona," sagði Agla María Albertsdóttir í gær.
Eyða Breyta

Fyrir leik
Allir leikmenn klárir
Það eru allir leikmenn Íslands klárir í slaginn fyrir Evrópumótið sem framundan er í næsta mánuði. Eins og staðan er núna þá eru allir leikmenn liðsins að æfa og í góðu standi.

Stærsta spurningamerkið var með það hvort Guðný Árnadóttir yrði klár í slaginn en endurhæfing hennar eftir hnémeiðsli hefur gengið einstaklega vel sem eru frábær tíðindi fyrir íslenska liðið.

Ekki er útilokað að Guðný muni spila nokkrar mínútur í dag.



Eyða Breyta

Fyrir leik
Skrítin tímasetning
Íslenska liðið ætlaði sér að fá leik heimavell fyrir mótið, en það gekk ekki upp. Á endanum varð lausnin sú að spila þennan leik við Pólland.

Það er frekar skrítin tímasetning á leiknum því hann mun hefjast 15:30 að staðartíma í Poznan í Póllandi og klukkan 13:30 að íslenskum tíma. Það munu því ekki allir - sem hefðu viljað - ná að fylgjast með þessum eina undirbúningsleik fyrir stóru stundina í Englandi.

Ástæðan fyrir því að þessi leikur er spilaður svona snemma á miðvikudegi er sú að pólska sjónvarpið fékk að ráða. Líklegt er að þau trúi ekki að þessi leikur geti keppt við kvölddagskrána í sjónvarpinu.

Ef leikurinn hefði verið heima á Íslandi, þá er ljóst að leikurinn væri á allt öðrum tíma.
Eyða Breyta

Fyrir leik
Góðan daginn og verið velkomin í beina textalýsingu frá vináttulandsleik Póllands og Íslands.

Um er að ræða eina undirbúningsleik Íslands fyrir EM sem hefst þann 6. júlí næstkomandi. Ísland leikur sinn fyrsta leik gegn Belgíu þann 10. júlí.



Eyða Breyta