Elíza Gígja Ómarsdóttir @fotboltinet

- Meðalaldur 26 ár

- Meðalaldur 21 ár

Textalýsing Skýrslan Viðtöl

Hvað réði úrslitum? Bæði lið áttu fína kafla í leiknum og uppskáru mark á haus. Engin stórskemmtun, ekki frekar en fyrri leikur þessara liða í sumar, en bæði lið fengu þó alveg færi og stöður til að skora fleiri mörk og vinna þennan leik. Jafntefli var þó líklega sanngjörn niðurstaða þegar öllu er á botninn hvolft. Bestu leikmenn 1. Shkelzen Veseli (Leiknir R.) Í leik þar sem enginn bar sérstaklega af var Shkelzen líklega sá sprækasti. Alvöru bolti í þessum leikmanni sem elskar að vera með boltann við tærnar. Skoraði gott mark þar sem hann lék á Þórhall í markinu og lék illa á þá nokkra heilt yfir í leiknum. 2. Kári Kristjánsson (Þróttur R.) Eins og Shkelzen skoraði Kári gott mark þegar hann setti hann fastan, stöngin inn. Tekur öll föst leikatriði fyrir Þróttara og þær voru nokkrar ansi góðar hornspyrnurnar sem Þróttarar náðu ekki að nýta í dag. Atvikið Hrafn Tómasson spilaði sinn fyrsta leik fyrir Þrótt ásamt því að spila sinn fyrsta leik síðan í apríl í fyrra þar sem hann sleit krossband. Alltaf gleðidagur þegar leikmenn snúa til baka úr slíkum meiðslum.

Hvað þýða úrslitin? Leiknismenn spyrna sér upp frá botninum. Þeir eru með 10 stig líkt og Fylkir, en sitja þó í fallsæti á markatölu. Þróttarar missa Þórsara, sem unnu í dag, fram fyrir sig og detta niður í 5. sæti með sín 22 stig. Vondur dagur Dusan Brkovic átti vonda sendingu út úr vörninni í marki Þróttara sem setti Leiknismenn í erfiða stöðu á innan við fimm mínútum. Hann var svo aftur í basli með að koma boltanum frá sér alveg í lokinn þar sem Þróttarar sluppu næstum inn fyrir vörnina en Patryk Hryniewicki bjargaði honum þar með því að taka á sig gult spjald. Dusan er búinn að vera meiddur og spurning hvort hann hafi verið að spila tæpur. Dómarinn - 7 Mér fannst Twana bara fínn í dag. Leikurinn var ekki erfiður að dæma og engar stórar ákvarðanir sem hann þurfti að taka í raun. Línan hjá honum smá skrýtin á köflum en ekkert alvarlegt. Fær plús frá mér fyrir að leyfa leiknum að ganga oft á tíðum þegar hann hefði getað dæmt á eitthvað smotterí en sleppti því.

- Meðalaldur 22 ár

- Meðalaldur 24 ár