Brighton og Bournemouth gerðu 2-2 jafntefli í fyrsta leik ársins 2018 í ensku úrvalsdeildinni.

Leikurinn var opinn og skemmtilegur.

Anthony Knockaert skoraði fyrsta mark leiksins og kom Brighton yfir með aðeins öðru marki sínu á tímabilinu.

Steve Cook, fyrrum leikmaður Brighton, jafnaði fyrir Bournemouth með skalla.

Staðan var 1-1 í hálfleik en strax í upphafi seinni hálfleiks endurheimti Brighton forystuna með marki Glenn Murray sem skoraði gegn sínu gamla félagi.

Eftir mikinn atgang náði Bournemouth aftur að jafna. Brighton gerði margar misheppnaðar tilraunir til að hreinsa í burtu en Callum Wilson skoraði og niðurstaðan 2-2.

Liðin eru í 12. og 13. sæti deildarinnar.